Levi 3:17 - U TIENU MAAMA TILI 2013

¹⁷ Li tie yaa bali maama n kan miidi yinba leni yi puoliŋuani po, hali yaa yogu n tuu yaa yogu. Yin ban ye naankani kuli, yin da ŋmani nankpama bi soama.»

Gourmanchéma Bible

¹⁷ Li tie yaa *balimaama n kan miidi, ki yaa caa hali yi puoliŋuani, hali yaa yogu n tu yaa yogu. Yin ban ye naankani kuli yin da ŋmani nan kpama bi soama.»

Levi 3:17 ပူးပေါင်းရင်းမြစ်များ

Mi cilima 9:4

Ama yin da ŋmani yanga leni ki miali, lani n tie ki soama.

2 Bi Badiba Jama 29:35

A padijuukaana den yabi hali boncianla leni mi taanyenma pada kpama leni a padijuukaana ñincabili. O Diedo diegu nni tuonli n den guani ki cili maama n yeni.

Nehemi 8:10

Bi go den yedi ba: «Kuni mani ki ban ŋmani yaa nandi n pia mi kpama, ki ño yaa bonñokaala n mani, ki boagidi mi jiema ki pa yaaba n ki pia, kelima dinla tie yaa daali n gagidi ti Diedo po. Da boandi mani yi pala, kelima o Diedo n puuni yaa pamanli tie yi fidu.»

Mi Ñama 27:21

Alono leni o bijaba baa sieni mu fidisanmu u Kadikaanu Gbandieli bu kpalidoaginkaabu nintuali, yaabu n duagi ku ŋantaadikpaku, mu fidisanmu yeni baa yaa co o Diedo nintuali, ki cili ku yenjuagu, ki ban tuoni ku tiŋaagu. Laa bonla baa yaa tie Isidayeli yaaba po li bali maama nifiima n tuu nifiima.

Mi Ñama 28:43

Alono leni o bijaba baa yie laa tiade ki kua u Kadikaanu Gbandieli nni, bi ki pundi li padibinbinli kani u kaangagidiŋamu nni, bi yaa baa padi li padili yaa yogunu. Yeni, bi kan kpe, kelima baa se n nintuali mubima. Laa bali maama baa waagi ki ye Alono leni o puoliŋuani kuli po, hali yaa yogunu kuli.

Esekieli 33:25

Lanwani, ŋan yedi ba daa, ke o Diedo U Tienu yedi mi naa maama: ‹Yi ŋmani ti nandi leni mi soama, ki ŋua i buli, ki go kpaani bi niba. Yi tama ke yene ke yi baa diedi mi diema!

Esekieli 44:15

Ama bi kopadicianba Levi buolu Sadoki puoliŋuani, n den kubi n kaangagidiŋamu tuonli bonŋanla, Isidayeli yaaba n den yaadi ki foagidi leni nni yaa yogunu. Bani n baa nagini n kani, ki yaa tuuni n po, ki ye n nintuali, ki padi n po ti yandi kpama leni mi soama. Mini o Diedo U Tienu n yedi yeni.

Esekieli 44:7

Yi den kuani n kaangagidiŋamu nni yaa canba n tie jifola bi pala nni leni bi gbanandi po, ke bi joagini n diegu. Yin den padi n po dupen leni ti yandi kpama leni mi soama yaa yogunu, yi den biidi yaa ŋantaado n luo mini leni yinba siiga, kelima yi cagindi kuli po.

Levi 10:15

Isidayeli yaaba baa cuani ban baa juu ki buoni yaa kpama. Bi baa cuani ma leni li panli leni li bengunli, o kopadiciamo n baa taa yaala ki tieni yaa bogidili n doagidi ke o teni la U Tienu. O yaa tieni lani ki gbeni, laa nandi baa yaa tie fini leni a bijaba yaa biinu. Li tie yaa bali maama n baa yaa ye hali yaa yogunu kuli, ki yaa caa hali yi puoliŋuani, nani o Diedo n den bili maama.»

Levi 10:9

«Yi yaa baa kua u Kadikaanu Gbandieli nni, fini leni a bijaba n da ño duven bi dabiadimiba kuli. Yeni, yi kan kpe. Laa bali maama baa yaa ye hali yaa yogunu kuli, yinba leni yi puoliŋuani po.

Levi 16:29

Line n tie yaa bali maama n kan pendi abada. Cilele dapiiga, yi baa loli yi ñoana, ki waani yi yula fala. Yi kan soani tuonliba kuli, ba u dogu maabiga, bi yaa caano n kaa yi siiga kan soani tuonliba kuli,

Levi 16:34

Li baa yaa tie yi po yaa bali maama n kan pendi abada. O baa padi ti tuonbiadi sugili miabu padili binli kuli yenma, kelima Isidayeli yaaba yaa tuonbiadi po.» Bi den tieni o Diedo n den waani Musa yaala kuli.

Levi 17:7

Yeni, bi kan go padi, ban den cagini bi yula ki ŋoadi yaa buli yeni po. Li baa yaa tie yaa bali maama n kan pendi abada, bani leni bi puoliŋuani kuli po.

Levi 19:26

Yin da ŋmani liba kuli leni mi soama. Yin da gedi lingima, ki da bu baagu mo.

Levi 23:14

Hali ke yi daa cuani yi Tienu po li bonluonkakpiala yaa paabu, yi kan ŋmani dupen, bi disiansagidi, bi ŋalikamapaano. Li tie yaa bali maama n kan pendi abada, yi puoliŋuani po leni yin baa n yaa ye naankani kuli.

Levi 23:21

Landaali, yi baa kpaani ki tieni taangagidikaali. Yi kan soani tuonpaaliba kuli. Li tie yaa bali maama n kan pendi abada, yi puoliŋuani kuli po, yin baa n yaa ye naankani kuli.

Levi 24:3

U fidisantuankaanu yeni se u Kadikaanu Gbandieli tugu nni, bu kpalidoaginkaabu nintuali. Alono baa ŋanbi ki sieni yeni, ke mu fidisanmu yeni baa dua ki co o Diedo kani. Li tie yaa bali maama n kan pendi abada yi puoliŋuani po.

Levi 24:9

Dupen yeni tie Alono leni o bijaba yaa po. Bi baa ŋmani o yaa kaanu n gagidi ki ŋani niinni, kelima li tie bi po yaa paabu n gagidi ki ŋani hali boncianla, ban juugi o Diedo nintuali yaa paabuoli siiga yenbu. Li tie yaa bali maama n kan pendi hali abada.»

Levi 3:16

O kopadiciamo baa juu lani li padibinbinli po. Likuli tie u mu n buoni yaa padijiema, ke mi nuulu mani o Diedo po. Mi nankpama kuli tie o Diedo n die yaala.

Levi 4:1

O Diedo den yedi Musa: «Waani Isidayeli yaaba yaa maama n tie ne:

Levi 6:15

Alono bijaba siiga, bi yaa ti faa ki gagidi yua ke o tua bi kopadicianba bado ki lebidi Alono, n baa yaa puuni laa paabu. Li tie yaa padili n baa yaa tiendi o Diedo nintuali yaa yogunu kuli. Laa paabu kuli baa juu ki buodi cain.

Levi 6:18

«Yedi Alono leni o bijaba mine: I candanbaani pada bali maama n tie ne: Ban kodi a padijuukaana yandi naankani yeni, bi baa kodi i candanbaani padiyandi lankane, o Diedo nintuali. Li tie yaa bonla n gagidi ki ŋani cain.

Levi 6:22

Bi kopadicianba niba siiga, a bonjala bebe n baa ŋmani laa nandi, kelima li tie yaa bonla n gagidi ki ŋani cain.

Levi 7:23

«Yedi Isidayeli yaaba mine: Yi kan ŋmani nua bi pia bi ŋuabo kpama.

Levi 7:34

U Tienu wani o ba bili ke yinba Isidayeli yaaba, yin ñani mi taanyenma padiyandi kani a benguna leni a pana, ki teni Alono leni o bijaba. Laa bali maama baa yaa ye hali yaa yogunu kuli.»

Levi 7:36

Lani n tie o Diedo n bili yaala Isidayeli yaaba po, ban teni Alono leni o bijaba, ki cili ban wuli bi po mi kpama ki gagidi ba yaa daali. Li tie yaa bali maama n baa yaa ye hali yaa yogunu kuli. Isidayeli yaaba leni bi puoliŋuani kuli baa yaa kubi ma.

Mi Coadima 19:21

Li baa yaa tie bi po mabilikaama yaa yogunu n tuu yaa yogu po. Yua n taa yaa ñima n ñandi ti joagindi ki mii yeni, baa ŋuudi o tiayiekaadi. Yua n sii yaa ñima n ñandi ti joagindi yeni mo, baa yaa joagini hali ku yenjuagu.

Matie 16:24

Lani, Jesu den yedi o ŋoadikaaba: «Yua n bua ki yaa ŋua nni kuli, wan yie o yuli ki taa o dapoanpoanli ki bugi, ki nan yaa ŋua nni.

Matie 26:28

kelima line n tie n soama, o Ŋantaadipaano yaa soama yaama n baa wuli yaa niba n yabi po, ban baa bi tuonbiadi sugili.

Jesu Tondiba Tuona 15:29

‹Yin kubi yi yula ki da je i buli padijiedi, ki da ŋmani mi soama leni ti yansoadikaadi, ki go kubi yi yula leni conconbuolu kuli. Li baa yaa ŋani yi po yin yaa kubi yi yula, ki da tieni lani kuli. U Tienu n waani ti tiyaba!› »

Efesa 1:7

Ti baa mi daafaabima o niinni kelima o soama po leni ti tuonbiadi sugili, nani o ŋanbili n yabi maama po.

Efesa 5:26

O den tieni yeni ki baa ŋuudi ki ŋanbi li leni mi ñima leni U Tienu maama.

Mi Tiadima 12:16

Ama yin da ŋmani mi soama. Yi baa wuli ma tiipo nani mi ñima yeni.

Mi Tiadima 12:23

Yin fangi mani yi yula hali bonŋanla, ki da ti ŋmani soama, kelima mi soama n tie li miali. Lanwani, yi kan ŋmani li miali leni ti gbanandi.

Mi Tiadima 12:24

Yi kan ŋmani ma, ama yi baa wuli ma tiipo nani mi ñima yeni.

Mi Tiadima 15:23

Ama, yi kan ŋmani ka leni mi soama. Yi baa wuli ma tiipo nani mi ñima yeni.»

Mi Tiadima 32:14

A naañuana leni i peñoe kuli den puuni yi mi naaŋanma, Yi nandi n den tie a pebila, a petonwubida Leni a ŋuabuana yaa kpama. Yi den di yaa ŋalikama n ŋani ki cie, Ki ñu yaa duvendaama mo n beni.

1 Timote 4:4

U Tienu tagima kuli ŋani, laa pundi o nilo n fali jiemiba kuli, wan je ki tuondi U Tienu mi po,