Levi 3:1 - U TIENU MAAMA TILI 2013

¹ Nilo yaa bua ki padi mi yanduanma padili, o yaa baa padi nua, li yaa tie naatonli bi naasalo, o baa cuani yua n ki pia poadi, ki padi o Diedo po.

Gourmanchéma Bible

¹ Nilo yaa bua ki padi mi yanduanma padili, o yaa baa padi nua, li yaa tie naatonli bi naasalo, o baa cuani yua n ki pia poadi ki padi Li Miali Diedo po.

Levi 3:1 ပူးပေါင်းရင်းမြစ်များ

1 Bi Badiba Jama 21:26

Davidi den maa likani li padibinbinli o Diedo po, ki den padi o po a padijuukaana leni mi taanyenma pada. O den jaandi ki mia o Diedo, ke omo den guani o po leni u mu yuu n den ñani tanpoli ki jiidi li padijuukaali padibinbinli po.

Mi Ñama 20:24

Ŋan maa n po ti tandi padibinbinli, ŋan baa yaa padi n po a pe leni a ne naankani, lan tua a padijuukaana leni i jaandi pada. Min teni ke bi tiadi n yeli naankani kuli, n baa cua a kani ki seligi a.

Mi Ñama 24:5

O den soani Isidayeli yaaba jawaaba siiga bi tianba, ke bi padi ki juu o Diedo po a padijuukaana, ki go padi a naatona ke a tie mi taanyenma pada.

Mi Ñama 29:28

Lani, n baa teni Isidayeli yaaba n yaa ñandi yogunu kuli ki yanga nni laa nandi Alono leni o puoliŋuani po, bi yaa cuani n nintuali mi taanyenma padili yaa yogunu. Bi baa yaa ñandi laa bonla o Diedo po.

Mi Kpanjama 7:14

«N den niani ke n baa padi i tuondi pada U Tienu po. N kuani laa ñoanianu dinla.

Esekieli 43:27

Laa dana yaa tuoni, ki ji cili li daniili leni yaa dana n baa ŋoadi, bi kopadicianba baa padi li padibinbinli po, yi padijuukaana leni yi taanyenma pada. Lani, n baa cengi yi. Mini o Diedo, U Tienu n yedi yeni.»

Esekieli 45:15

Yi baa ñani yaa yandi n kpaa Isidayeli diema muabunli nni, pe kobilie siiga, peyendo bu paabu po, li padijuukaali po leni mi taanyenma padili ke lan tua ti tuonbiadi sugili miabu padili yi po. Li Miali Diedo U Tienu n yedi yeni.

Levi 1:10

O nilo yeni padili yaa tie padijuukaali ki tie yanbiga, li yaa tie pia bi ŋuabo, o baa padi bontonli yaali n ki pia poadi.

Levi 1:3

O paabu yaa tie padijuukaali ki tie nua, o baa taa yaa naatonli n ki pia poadi kuli. O baa padi li u Kadikaanu Gbandieli yeni buliñoabu kani, ki baa o Diedo n gaa o po.

Levi 17:5

Laa bali maama teni ke Isidayeli yaaba kaa ji padi bi pada bi kuani nni, ama bi baa kpendinni bi padiyandi o Diedo nintuali, ki tendi o kopadiciamo u Kadikaanu Gbandieli buliñoabu kani.

Levi 3:6

O yaa baa padi yanbiga mi taanyenma padili, ki yanga yeni yaa tie bontonga bi bonsiaga, o baa taa yua n ki pia poadi.

Levi 9:18

Lani, o den kodi li naatonli leni li petonli ke li tua bi niba po taanyenma padili. Wani Alono bijaba den gaa mi soama ki teni o ke o wuli ma li padibinbinli kaani kuli.

Levi 9:4

Ban go baa mi taanyenma padili naatonli, li petonli, yaa padili n tie jiema ki kali leni mi kpama, ki padi ba o Diedo nintuali, kelima dinla o Diedo baa doagidi o yuli yi po.»

Amosi 5:22

Yi yaa cuani yi padijuukaana leni yi paabu, Laa go pia yankualiba kuli. Mii go faami Yi taanyenma pada leni yi naatonbiwubida kuli po.

Malaki 1:14

U nufanu n pua yua n pia o yankulu nni ki yantonga, ki niani ke o baa padi ka o Diedo po, ama ki nan kandi ki ŋaa kani ki taa ki yanyianga ki padi. Bandi mani ke mini Li Miali Diedo U Paaciamu Kuli Daano tie Badiciamoe. I nibuoli kuli fangi n yeli.»

Malaki 1:8

Naani yin yen cuani ki yanjuanga li padili po yeni, li tiegi? Naani yin yen cuani yaa yanga duugi, bi yanyianga yeni, li ŋani? Naani yi baa taa laa yanga ki ban pa guveneeri? Yi yaa tieni yeni, naani o baa gaa yi cangu leni ki nunmanga?

Mi Coadima 15:8

Li yaa tie naatonli, ke a padi o Diedo po, ke lin tua padijuukaali, bi ñoanianu kuanma padili bi taanyenma padili.

Mi Coadima 6:14

O baa cuani o padili o Diedo po, yaa pebiga n pia binyenli, kaa pia poadoba kuli, li padijuukaali po. O go baa cuani pesalo yua n pia binyenli, kaa pia poadi, ti tuonbiadi sugili miabu padili po leni petonli, yaali n ki pia poadoba, mi taanyenma padili po.

Mi Tiadima 12:27

Yi baa padi yi padijuukaana, ti nandi leni mi soama o Diedo yi Tienu padibinbinli po. Yi baa wuli yi pada soama o Diedo yi Tienu padibinbinli po, ama yi baa ŋmani ti nandi.

Kolosi 1:20

O yanbuama po goga, O teni ke li bonla kuli, Yaala n ye ŋanduna nni leni tanpoli po kuli, N mangi leni o kelima Kilisiti yaa po. O ñani ti yibalindi ki teni ke i mani ye, Kelima o soama li dapoanpoanli po.

Hebilunba 10:22

Lani kuli yaa po, tin yaa nagidi U Tienu kani leni li payenli leni li dandanmoanli, ki yaa pia yaa pala n ŋuudi ki ñani yaa pali siedi n bia leni yaa gbanandi n ŋuudi leni mi ñinŋanma.

1 Jan 1:3

Tin laa ki go gbadi yaala ti wangi lane, Ki bua yimo n yaa pia yanyenma leni ti, Nani tin pia yaa yanyenma leni Baa Leni o Bijua Jesu Kilisiti maama yeni.

Bi Bujiaba 20:26

Isidayeli yaaba kuli den gedi Beteli. Bi den kali o Diedo nintuali ki buudi, ki tundi ki luo bu ñoabu hali ku yenjuagu. Bi den padi a padijuukaana leni i tuondi yaa pada o Diedo po.

Bi Bujiaba 21:4

Lan den fii ki faa, bi niba den yagidi ki fii ki maa likani li padibinbinli, ki padi a padijuukaana leni i tuondi pada.