Levi 27:8 - U TIENU MAAMA TILI 2013

⁸ Li yaa tie ke yaa nilo n niani li nianli yeni luo hali ke li pendi, ki naa baa fidi ki pa ŋan bili yaa dunga yeni, a baa taa o ki gedini o kopadiciamo kani. Wani n baa jagi li nianli yeni po, wan sua ke yua n niani li nianli yeni n baa fidi ki pa yaala.

Gourmanchéma Bible

⁸ Li yaa tie ke yaa nilo n niani li nianli yeni luo hali ke li pendi ki naa baa fidi ki pa ŋan bili yaa dunga yeni, a baa taa o ki gedini o o kopadiciamo kani. Wani n baa jagi li nianli yeni po, wan sua yua n niani li nianli yeni n baa fidi ki pa yaala.

Levi 27:8 ပူးပေါင်းရင်းမြစ်များ

2 Bi Badiba 7:5

Ku ñiagu bi den gedi Siiri yaaba toanagili kani. Ban den pundi li toanagili cilikaanu, baa den laa niloba kuli.

Jeremi 5:7

Naani lani n baa teni min pa ŋa sugili? A bijaba ŋaa nni, Ki polini leni i buli. N den puni ba li jeeguoli ke bi fii ki conbi. Bi taagi ki kadi li puoconconli dieli nni.

Levi 12:8

O pua yeni yaa kan fidi ki baa ki pebiga, o baa taa kpaajefanmulie bi kpaajenawuundilie ki cuani. Yendo baa tua li padijuukaali, o lielo mo baa tua ti tuonbiadi sugili miabu, lani, o baa ŋanbi.»

Levi 27:7

Yaa niba n pia bina piiluoba bi ki cie yeni, a baa bili ke joa yaa dunga baa yaa tie piiga n kujapienamuu, pua mo yaa dunga n yaa tie kujapiena piiga.

Levi 27:9

Li yaa tie ke li nianli yeni tie yaa yandi n tie ban padi yaa yanbuoli o Diedo po, ban niani o Diedo yaa yanga kuli tie yaa bonla n gagidi ki ŋani.

Levi 5:11

Nilo yaa luo kaa fidi ki baa baa kpaajefanmulie, bi kpaajenawuundilie yeni, wan cuani mi yoma kilo bonbitaa ki teni o candandi padili po, kelima li tie tuonbiadi sugili miabu yaa padili.

Levi 5:7

Nilo yaa luo ki kan fidi ki baa pesalo bi ŋuasalo, wan cuani kpaajefanmulie bi kpaajenawuundilie o tudima padili po, ki padi o Diedo po. Yendo baa yaa tie i candanbaani padili, yendo mo baa yaa tie padijuukaali.

Marki 14:7

A luoda baa yaa ye leni yi yogunu kuli, yi yaa bua yaa yogunu kuli yi baa fidi ki ŋanbi bi po, ama mini wani kan yaa ye leni yi yogunu kuli.

2 Korenti 8:12

O nilo yaa pia li yankuali ki baa tieni mi todima, U Tienu baa gaa la ki nua o piama banlu, ki naa nua wan ki pia yaala.