Levi 26:42 - U TIENU MAAMA TILI 2013

⁴² N go baa tiadi ki kubi min den kuani yaa ŋantaado leni Jakob. N baa tiadi ki kubi min den kuani yaa ŋantaado leni Isaaka leni Abalahama kuli. N baa tiadi n diema yeni po.

Gourmanchéma Bible

⁴² N go baa tiadi ki kubi min den kuani yaa ŋantaado leni Jakobo. N baa tiadi ki kubi min den kuani yaa ŋantaado leni Isaaka leni Abalahama kuli. N baa tiadi n diema yeni po.

Levi 26:42 ပူးပေါင်းရင်းမြစ်များ

Mi cilima 15:18

Landaali denge ke o Diedo den poli ki niani Abalama ki yedi o: «N puni a yaabila mi naa diema, ki cili Ejipiti kpenu, ki gedi hali u kpenciamu, lani n tie Efrati.

Mi cilima 26:2

O Diedo den doagidi o kani ki yedi: «Ŋan da gedi Ejipiti diema nni. Ŋan yaa ye min baa waani a yaa diema nni.

Mi cilima 26:24

O Diedo den doagidi o po ku ñiagu, ki yedi o: «N tie a baa Abalahama Tienu yo. Ŋan da jie, kelima n ye leni a, n baa seligi a kelima n naacemo Abalahama po.»

Mi cilima 26:5

Li baa tua yeni, kelima Abalahama den cengi n nialu, ki kubi n ñoamabona leni n bali maama, n mabilikaama leni n yedima kuli.»

Mi cilima 28:13

O go den laa o Diedo ke o se u yuli po, ki yedi: «N tie Li Miali Diedo a baa Abalahama Tienu leni Isaaka Tienu. Ŋan dua yaa tinga nni ne, n baa pa ŋa ka, fini leni a puoliŋuani.

Mi cilima 28:15

Diidi, n ye leni a, n baa yaa ŋua ŋa ŋan caa naani kuli, ki guani a mi naa diema nni, kelima n kan ŋaa ŋa ba waamu, hali min baa tieni a po min yedi a yaala kuli ki gbeni yaa yogunu.»

Mi cilima 35:11

U Tienu den yedi o: «N tie U Tienu U Paaciamu Daano. Ŋan yaa maa a bila ki pugidi. U nibuolu leni i nibuoli boncianla baa ña a niinni, Bi badiba baa ña a tugu nni.

Mi cilima 35:12

N baa pa ŋa min den puni Abalahama leni Isaaka yaa diema, N baa pa mi naa diema A puoliŋuani.»

Mi cilima 9:15

ki tiadi n nianli mini leni yinba, a bonfuoda leni mialifo kuli siiga. Mi ñima kan go tua yaa ñincianma n baa bolini mialifo kuli.

Mi cilima 9:16

O taniano baa yaa ye ti tawadi nni. N baa yaa diidi o, ki tiadi min bili yaa ñoanianu leni ki tinga bonfuoda kuli.

Esiteri 4:14

A yaa ŋmini yaa yogunu n tie ne, mi todima baa ña Jufinba po poto, ban faabi. Ama fini, a baa kpe, a baadiegu mo n bodi. Ŋme bani li yàá tie yaa yogunu buolu n tie ne yaa po yaa ka, ke a baa ki tua puobado?»

Pisomi 106:45

O den tiadi wan den kuani Yaa ŋantaado leni ba po, Ki den gbadi bi po mi ninñima, O ŋanbicianli po,

Pisomi 136:23

Ban den fiagidi ti yaa yogunu, O den tiadi ti po, Kelima o ŋanbili ye hali yaa yogunu kuli!

Mi Ñama 2:24

U Tienu den gbadi bi dunli ki tiadi wan den niani yaala Abalahama, Isaaka leni Jakob.

Mi Ñama 6:5

N gbadi Isidayeli yaaba yenbidi, kelima Ejipiti yaaba n teni ke bi laadi yaa fala ti yonbidi nni po. N tiadi n nianli.

Esayi 14:1

O Diedo baa gbadi mi ninñima Jakob puoliŋuani po. O go baa guani ki gandi Isidayeli yaaba. O baa guani ki kaani ba bi tinga nni. Bi canba baa sani ki taani leni ba, Bikuli n taani ki tua yenma leni Jakob buolu.

Esekieli 16:60

Ama mini, n baa tiadi min den kuani yaa ŋantaado leni a a panma yogunu. N go baa kuani leni a yaa ŋantaado n ki pia gbenma.

Joeli 2:18

O Diedo bua o diema, O gbadi o niba po mi ninñima.

Luki 1:72

Yeni o gbadi ti yaajanba po mi ninñima, Ki tiadi o: ŋantaado yua n gagidi ki ŋani po,

Mi Tiadima 4:31

O Diedo yi Tienu tie mi ninñingbadima Tienu, yua n kan ŋaa yi, ki kan bolini yi mo. O kan sundi wan den poli ki niani yaala yi baanba.»

Mi Tiadima 9:27

Ŋan tiadi a naacenba Abalahama, Isaaka leni Jakob po. Ŋan da diidi yaa buolu n tie ne tupaalu, u biadima leni u tuonbiadi ka.›

Bi Bujiaba 2:1

O Diedo maleki den ñani Giligali ki cua Bokim, ki yedi Isidayeli yaaba: «N den ñani yi Ejipiti, ki cuani yi min den poli ki niani yi yaajanba ke n baa pa ba yaa diema niinni. N den yedi ke n kan miidi min kuani yaa ŋantaado leni yi abada.