Levi 26:4 - U TIENU MAAMA TILI 2013

⁴ n baa tuuni yi po ki taaga ki yogunu, ki tinga baa luoni ki bonluonkaala, i kuani tiidi mo n yaa luoni i bonluonkaala.

Gourmanchéma Bible

⁴ n baa tuuni yipo ki taaga ki yogunu, ki tinga baa luoni ki bonluonkaala, i koatiidi mo n yaa luoni i bonluonkaala.

Levi 26:4 ပူးပေါင်းရင်းမြစ်များ

1 Bi Badiba 17:1

Elia, yua n den ñani Tisibe dogu nni ki ye Galaadi diema nni, den yedi Isidayeli bado Akabi: «N tie Li Miali Diedo Isidayeli Tienu yua n ye ki fo yaa naacemo. Hali U Tienu po, taaga kan go mi, mangu mo kan go luoni yaa bina n tie ne, se n mia.»

Jobi 5:10

Wani n teni ke ki taaga mi u tingbanu po, Ki teni ke mi ñima soangidi i kuani.

Pisomi 104:13

A ye hali tanpoli po, Ki teni ke ki taaga mi a juana po, Ki ñundi ki tinga mo ke ki guodi.

Pisomi 67:6

U Tienu, bi niba pagi a, Bi niba kuli taani ki pagi a.

Pisomi 67:7

Ki tinga luoni ki bonluonkaala, U Tienu, wani ti Tienu seligidi ti.

Pisomi 68:9

Ki tinga den digibi, Ti tawadi mo den nandi a nintuali, Nani lan den tua maama Sinayi po, U Tienu, wani Isidayeli Tienu nintuali.

Pisomi 85:12

I moamoani pani ki tinga nni, U Tienu teginma biindi hali tanpoli ki diidi.

Pisomi 85:13

O Diedo puuni mi yemanma, Ti diema mo go baa luoni Mi bonluonkaala.

Esayi 30:23

Lanwani, o baa ŋaa ki taaga A bonbulikaala po, Ki tinga mo baa luoni Yaa bonluonkaala n yabi ki go mani mo. Landaali a yangola baa gedi Ki ban ŋmani yaa yankpaakaani n yabi nni.

Esayi 5:6

N baa lu ki diani u kuanu yeni. Oba kan coandi coandi i tiidi yeni beni. Oba kan ko ki gaani ki lindi yi. I konkoni leni a kongoaba baa pudi lienni. N baa waani a tawala mo n da go cedi Taaga n mi u niinni.

Jeremi 14:22

Naani i nibuoli buyuogidi siiga, Pia yaa bulo n baa fidi ki teni ki taaga n mi? Naani ti tawadi n kpendinni ki taaga? Laa tie fini o Diedo ti Tienu ka? Ti dugi a po, kelima fini n tiendi laa bonla kuli.

Esekieli 36:30

N baa teni yi tiidi bonluonkaala leni i kuani kpaandi n pili ki pugini, ke mi koma n go da fiagidi yi i nilanbuoli siiga.

Joeli 2:22

Yinba ti moayandi yin da jie, Kelima a yankpaafuana baa bundi, I tiidi baa luoni i bonluonkaala. Bu kankanbu leni duven tibu baa luoni boncianla.

Levi 25:19

Ki tinga baa luoni ki bonluonkaala, yikuli baa di ki guodi, ki yaa ye leni mi yanduanma.

Levi 25:21

N baa wuli yi po n seli li binluobili, ki tinga baa luoni yaala n baa dagidi binataa yaa jiema po.

Sakari 8:12

N baa teni mi yanduanma n tieni ki tinga po: Duven tiidi baa luoni, Ki tinga baa teni ti kpaandi n tieni, Ki taaga baa mi boncianla. N baa pa laa bonla kuli n niba yaaba n sieni.

Matie 5:45

Yeni yi baa yaa tie yi Baa yua n ye tanpoli bila, kelima o yen tendi, ke o yienu pudi bi nibiadiba leni bi niŋanba kuli po, ki yen tendi ke ki taaga mi bi niteginkaaba leni yaaba n ki tiegi kuli po.

Jesu Tondiba Tuona 14:17

Ba yeni, o naa cedi kaa ŋanbidi bi po, kelima o puuni yi ki taaga leni ku kpaangu li yogunu yaa pundi. O go puuni yi mi jiema leni li pamanli ke li kandi.»

Mi Tiadima 11:13

Yi yaa tuo ki ŋua min teni yi yaa bali maama dinla nne. Yi yaa tuo ki baa yaa bua o Diedo yi Tienu. Yi yaa tuo ki baa yaa kpiagidi o leni yi pala kuli leni yi yantiana kuli.

Mi Tiadima 11:14

N baa yaa tuuni yi diema po ki taaga ki yogunu a siakuana leni u ditonu yaa taaga. Yeni, yi baa baa ki pedi yi ŋalikama, ki ŋaani yi duven, ki ŋoali yi kpama.

Mi Tiadima 28:12

O Diedo baa luodi yi po o ŋalimanŋamo, ki yaa tuuni yi diema po ki taaga ki yogunu, ki seligi yi nii tuona kuli. Nibuotoe n baa yaa kpendi ki ledi yi kani, yinba wani, yi kan ledi oba kuli kani.

Jaki 5:7

N kpiiba, yin yaa pia li juunli hali o Diedo n baa cua. Diidi mani, o kpakpaalo yen guu ki tinga bonluonkaala, yaala n pia mayuli hali boncianla, ki juuni li po hali wan baa baa ki takpiaga leni ki tajuodikaaga kuli.

Mi Doagidima 11:6

Bi pia u paalu ki baa luoni tanpoli, ke ki taaga n da mi ban baa pua saawali yaa yogunu. Bi go pia u paalu ki baa teni i kpeni ñima n lebidi ki tua soama, ki go teni o falabiado buoli kuli n baa ki tinga nni, ban bua yaa yogunu kuli.