Levi 26:36 - U TIENU MAAMA TILI 2013

³⁶ N baa teni ti jawaanciandi n cuo yaa niba n sieni yi buolu nni yeni. Ba ku faaligu n figi ki tieni yaa fuugu baa deli ba. Bi baa sani nani bi deli ba leni mu jugisiemu, ki yaa baali ke oba kuli naa deli ba.

Gourmanchéma Bible

³⁶ N baa teni ti jawaanciandi n cuo yaa niba n sieni yi buolu nni yeni. Baa ku faaligu n figi ki tieni yaa fuugu baa deli ba. Bi baa sani nani bi deli ba leni mu jugisiemu, ki yaa baali ke oba kuli naa deli ba.

Levi 26:36 ပူးပေါင်းရင်းမြစ်များ

Mi cilima 35:5

Lan den pendi, bi den fii. U Tienu den teni ke ti jawaanciandi cuo yaa dogi n den lindi ba kuli, ke baa den tuo ki ŋoadi ki deli Jakob bijaba.

Mi cilima 4:12

A yaa koni ki tinga, ki kan guani a po ki baali. A baa yaa tie o lianliamo leni o puapuagido ki tinga nni.»

2 Bi Badiba Jama 14:14

Bi den baa ba bi yankpaaba n den ye yaa gbandiena nni, ki fie i pe leni ti yuoyuodi hali boncianla. Lani n pendi, bi den guani Jerusalemi.

Jobi 13:25

Naani a baa yaa ŋua ki deli u faalu N tugi yaa faagu? Naani a baa yaa ŋua ki deli ti muakuondi?

Pisomi 53:5

Naani yaaba n tiendi mi biadima yeni ki bani? Bi di n niba nani ban di mi jiema maama yene. Baa jaandi ki miadi U Tienu.

Pisomi 53:6

Lankane ke bi digibi Kelima ti jawaandi po, Ke puu kuli naa jieni ba. U Tienu baa yadi yaa niba n cua ki jiidi, Ki baa tuogi leni a yeni kpaba. N baa teni ban le i fe kelima U Tienu deli ba.

Pisomi 89:43

A pugini u dogu yeni koanginkaaba u fidu, Ki mangi u yibalinba pala.

Mi Kpanjama 28:1

O nibiado yen tuodi ki sani Ke oba kuli daa deli o. Bi niteginkaaba mo pia ti dugide Nani li yangbanbili yeni.

Esayi 30:17

Niyendo bebe yaa jamuali po Baa teni niba tudili n sani nani niyendo yeni. Nibimuu mo yaa jamuali po, yi baa sani Hali ki ban tua nani yaa dafoagidigu N caa li juali yuli po, Bi nani yaa jakoandicabili N ye li juali yuli po yeni.

Esayi 7:2

Bi den cua ki waani Davidi diegu nni yaaba, ke Siiri diema yaaba cua ki kali Efrayimi diema nni. Laa laabaalo den teni ke o bado Akasi leni o niba kuli tugusoama den sani, ke bi den digibi nani u faalu n figi li fuali nni tiidi maama yeni.

Esayi 7:4

Ŋan yedi o: ‹Duani a yama ki da jie liba. A tugusoama n da sani a mudatalieda po, yaa da baa ki ŋubidi, bani Letisini, Siiri leni Ramalia bijua yeni kani.

Jeremi 37:10

Ba yi yaa koani ki paadi Babilonni yaaba, ki bolini ba, li yaa sieni yaaba n poagili, bi baa naabi ki fii bi gbandiena nni, ki juu u naa dogu u mu.»

Jeremi 46:16

O Diedo n teni ke bi toatieba Boncianla jadibi jadibi, Ki ŋmadi ki baali biyaba po ki tua: «Fii mani tin guani ti diema nni, Ki foagidi leni bu toabu leni bu fala.»

Jeremi Bubula 1:3

Bi gedini Juda ti yonbidi ke o laa i fe. O fala kandi hali boncianla, Ke o kaa i nibuoli siiga kaa pia yanduanma. Yaaba n sedi o po kuli baa paadi o, O paboankandikaali siiga.

Jeremi Bubula 1:6

Siyon nua ke o kpiagidi kuli bodi. O badijaba kuli guani ki tua kabili, Yaaba n ki pia moaŋmankaadi, Ki tiini o tuado nintuali. Baa go pia fidu.

Jeremi Bubula 4:19

Ti yibalinba jaligi ki cie jiebaninba. Bi ŋua ki deli ti a juana po, Ki dia ti ti dadi mi fanpienma nni.

Esekieli 21:12

Lani, bi yaa buali a: ‹Be yaa po ke a buudi?› Ŋan yedi ba: ‹N buudi kelima laabaalibiado kpendi, yua n baa cie yuakuli jigi. Yuakuli tugusoama baa sani. Yuakuli gbanu mo baa jeli, yama kuli mo baa yagi, dunli kuli baa kuagi. O laabaalibiado yeni kpendi ne, o cua moko! Li Miali Diedo U Tienu n yedi yeni.› »

Esekieli 21:15

Li tie baa kpa po yo ke bi luani ka. Bi kpilini ka ke ki pelini nani mi tañigima yeni.

Esekieli 21:7

«Nisaalo biga, pegidi a nunga ki teli Jerusalemi dogu, maadi ki fu leni bi niba n kpiagidi yaa kaani, ki pua saawali Isidayeli diema po!

Ose Tili 8:3

Ama Isidayeli yaaba nani yaala n ŋani. Lani yaa po n teni ke bi yibalinba baa yaa ŋua ki deli ba.

Levi 26:17

N baa buli yi n nunga, ki sedi yi po. Yi yibalinba baa deli ki paadi yi. Yaa niba n nani yi yeni baa die yi, yi baa sani, ba ke oba kuli naa deli yi.

Levi 26:35

Yaa yogunu ke mi diema ye leni li paboanli yeni, mi baa baa ki fuodi man kaa den baa yaa fuodima bina, yin den ye mi niinni yaa yogunu.

Mi Tiadima 1:44

Amoriti yaaba, yaaba n ye laa juali po den ñani ki tuogi yi ki deli yi nani i naakpansii yeni. Bi den paadi yi, ki cili Seyiiri, ki yaa caa hali Horima.

Josue 5:1

Amori yaaba, yaaba n den ye Jurden nintuali leni Kanana yaaba, yaaba n den ye mi ñincianma kunu yaa badiba kuli den gbadi ke o Diedo teni ke Jurden kuodi, ke Isidayeli yaaba baa ki duodi. Li den wudi bi gbani boncianla, ke bi jigi cie kelima Isidayeli yaaba po.

Josue 7:5

Bi den kpa Isidayeli yaaba siiga nani piitaa n nibiluoba, ki deli yaaba n sieni ki ñani u dogu bilinciamu buliñoabu kani, ki yaa caa hali Sebalima dogu. Ayi yaaba den pua ki yadi ba li juali jiidima. Li den wudi Isidayeli yaaba gbani, ki cie bi jigi.

1 Samueli 17:24

Isidayeli toatieba n den laa laa joa, bikuli den jie boncianla, ki suli ki guani puoli.