Levi 26:28 - U TIENU MAAMA TILI 2013

²⁸ n baa sedi yi po leni li pabienli, ki pua ki faligi yi taalimilele goga yi tuonbiadi po.

Gourmanchéma Bible

²⁸ n baa sedi yipo leni li pabienli ki pua ki faligi yi taalima lele goga yi tuonbiadi yaa po.

Levi 26:28 ပူးပေါင်းရင်းမြစ်များ

Pisomi 79:12

O Diedo, guani ti yieninlieba bi panpaani taalimilele, Kelima ban sugidi a yaa sugidi po.

Esayi 27:4

N kan go bieni n pali n duven tikuanu yeni po. Ama n yaa laa konkoni bi kongoaba, N baa pedi i kuli, ki juu i u mu.

Esayi 59:18

O baa pa yuakuli o tuona panpaani. O baa wuli o pabienli o koanginkaaba po, Ki faligi o yibalinba nani lan dagidinni maama, Ki go pa a kpendega yaaba bi tuona panpaani.

Esayi 63:3

N den tuodi n daama mini nbebe, Ke n niba siiga, niloba kuli ki todi nni. N den ŋmaa bi niba n pabienli nni, N den ŋmaa ki midi ba n pabiencianli nni, Ke bi soama den toani ki yadi n tiayiekaadi po, Ki joagini n tiayiekaadi.

Esayi 66:15

Diidi, o Diedo ye u mu nni ki kpendi, O toateliti tie nani o pinpinjoa yeni, Ki baa tuu o panli leni li pabiencianli, Ki tuu o panli mo leni u mu.

Jeremi 21:5

Mini n ba n baa koani leni yi, ki doagidi n fidu, n paaciamu leni li pabiencianli leni mi jama.

Jeremi 7:20

Lani n teni ke o Diedo U Tienu yedi mi naa maama: «Diidi n pabiencianli baa nandi u naa kaanu koatiidi, li niba, li yandi leni li tinga bonluonkaala kuli. U mu baa yaa siagi la ki kan gbindi.»

Jeremi Bubula 4:11

O Diedo teni ke o pabienli tuoni li bianu, O doagidi o pabiencianli. Siyon dogu nni o cuoni u mu, Yuu n dini u tanpuuna.

Esekieli 5:13

N baa teni n pabienli n tuoni li bianu. N baa tuu n panli. Yeni, bi baa bandi ke mini Li Miali Diedo n maadi n nunponli nni, ke n pabienli tuoni li bianu.

Esekieli 5:15

Yi baa tua i fe leni fala kaanu, i tundi leni i jeje kaanu, yaa nibuoli n lindi yi kuli po, n pabienli leni n pafiima buudi n baa cuo yi yaa yogunu leni i panpaanbiadi. Mini Li Miali Diedo n yedi yeni.›

Esekieli 8:18

Mini moko, n baa soani ba tuonli leni n pali n fii maama. N kan mua bi po, n kan gbadi bi po ninñima mo. N kan cengi ba, ba bi yaa kuudi ki miadi nni ke min faabi ba.»

Levi 26:24

mini moko baa yie yi, ki pua yi taalimilele goga yi tuonbiadi po.

Levi 26:27

Ba leni lani kuli, yi yàá cengi n maama ki go baa ki yiedi n po,

Levi 26:41

Mini moko baa yie bi po, ki kuani ba bi yibalinba diema nni. Lanwani leni bi pajoagima kuli, bi baa miini bi yula ki pa bi tagili panpaani kuli.

Nahumi 1:2

O Diedo tie yaa Tienu N pia li nunponli ki tuugi li panli. O Diedo tuugi li panli, O pabienli bia boncianla. O Diedo tuugi o koanginkaaba li panli Ki kan tieni o yibalinba po sugili mo.

Nahumi 1:6

U Tienu pali yaa beni, Oba kuli kan fidi ki sedi. O pali yaa beni boncianla, Oba kuli kan fidi ki yaa ye. O pali co nani u mu yeni. A tana pudi ki yagidi o nintuali.