Levi 26:16 - U TIENU MAAMA TILI 2013

¹⁶ diidi min baa tieni yi yaala: N baa teni ti yanyagidi, ku dondongu leni ti ñinwadi n cuo yi, laa yiani baa tadigi yi nuni, ki je yi miana. Yi baa ko fanma fanma, kelima yi yibalinba baa je yi bonbaakaala.

Gourmanchéma Bible

¹⁶ diidi min baa tieni yi yaala: N baa yagi yi yama boncianla, ki teni ku dondongu leni ti ñinwadi, laa yiani yii n baa teni yi nuni n tadigi, ki go je yi miana. Yi baa ko fanma fanma kelima yi yibalinba baa je yi bonbaakaala.

Levi 26:16 ပူးပေါင်းရင်းမြစ်များ

1 Bi Badiba 8:37

Li yaa tie ke mi koma bi u yianbiadipuodiko baa mi diema, i kuani yaa faani ke a baayuana mo kua yi, a dondoba bi i naaci yaa cua boncianla, yibalinba yaa gaani ki cebini Isidayeli yaaba dopaali, fala buoli kuli, bi yianbuoli kuli yaa baa mi diema,

Jobi 18:11

I jeje muubi o i kaani kuli, Ki ŋua ki deli o.

Jobi 20:25

O yaa dadi ki fobi u piemu o gbanu nni, Ki ñani yaa pengu n muu o puali, Lanyogunu mi kuuma jawaanciandi baa baa o.

Jobi 31:8

Min buli, nitoa n taa ki je! Ban ŋabi min ŋu yaa tiidi mo!

Pisomi 109:6

Bi tua: «Teni o nibiado n fii ki sedi o po, Ki baa yua mo n baa sedi o jienu, Ki yaa kuliti o.

Pisomi 73:19

Bi bodi yenma lede nne! A bolini ki gbeni ba Leni ti jawaanludikaadi.

Pisomi 78:33

O den teni ke bi miali dana Ya n ki pia fuoma yeni baa u bianu, Ki teni ke mi yebiadima ludi ki dini ba.

Mi Ñama 15:26

O den yedi: «Yi yaa cengi o Diedo yi Tienu maama bonŋanla, yi yaa tieni yaala n tiegi o nintuali, yi yaa diadi yi tuba ki cengi o bali maama, ki go tieni o mabilikaama kuli, n kan pua yi leni min den pua Ejipiti yaaba leni yaa yiani kuli, kelima n tie Li Miali Diedo yua n paagidi a.»

Mi Kpanjama 3:33

O Diedo solindi ye bi nibiadiba diedi po, Ama o seligidi bi niteginkaaba yaa diedi.

Esayi 10:4

Yaala n sieni bebe n tie yin godi Ki buani a kpaada siiga, Ki go ŋmadi ki baa ki kpe Ban kpaani yaaba siiga. Ba leni lani kuli o Diedo pali daa kuugi bi po, O nuu mo baa ki tiani ki baa waani ba fala.

Esayi 62:8

O Diedo den poli yaa poli n tie ne Leni o paalu ki yedi: «N kan go taa a ŋalikama Ki pa lan tua a yibalinba jiema. Ti nilanlandi bijaba mo kan go ño a dapanma, Ŋan duoli ki baa yaala.

Esayi 7:2

Bi den cua ki waani Davidi diegu nni yaaba, ke Siiri diema yaaba cua ki kali Efrayimi diema nni. Laa laabaalo den teni ke o bado Akasi leni o niba kuli tugusoama den sani, ke bi den digibi nani u faalu n figi li fuali nni tiidi maama yeni.

Jeremi 12:13

Bi buli ŋalikama Ki baa yendi i konkoni. Bi den coagini bi yula fanma bebe, laa baa yuli. I fe n cuo yi ti naa kpaandi po, Kelima o Diedo pabiencianli po yo, Ke o tieni yi laa bonla.

Jeremi 15:3

O Diedo n yedi: «N baa fii ki sedi bi po leni falabuolinaa. Bu toabu baa cua ki kpa ba, i sangbanli n cua ki ŋmani, i yobili leni i tanboe mo n cua ki ŋmani ki go bolini ba.

Jeremi 15:8

N teni ke bi kpepuona yabidi Ki cie mi ñincianma tanbiima. N teni ke mi yebiadima ŋmaa O jakoando naa u yensiicocolu, Ki teni ke ti yanyagidi leni i yanbani Mo cua ki ludi o yenma.

Jeremi 20:4

Diidi o Diedo n yedi yaala: ‹N baa ŋaa ŋa leni ti jawaanciandi, fini leni a danlinba kuli. Bi yibalinba jugisiemu baa je ba a nunbu nni. N baa teni Babilonni bado n diedi Juda yaaba kuli, ki taa bi tianba ki gedini Babilonni, ki kpa bi tianba leni ki jugisiega.

Jeremi 5:17

Bi baa je yi kpaandi leni yi jiema, Bi baa je yi bijaba leni yi bisiaba, Yi yangbenga leni yi yanbidi kuli, Yi duventiidi leni yi kankandi. Bu toabu baa bolini yi dopaali, Yin ye naani ki tama ke puu kan nandi yi yeni.

Esekieli 24:23

Yi yufinfinjuadi baa yaa ye yi yula po, yi baa pili yi cacaadi mo. Yin da lu kudiegu, yin da buudi mo. Ama yi baa cili ki yaa bedi kelima yi tagili po, hali yuakuli n mua o kpiilo po.

Esekieli 33:10

Nisaalo biga, ŋan yedi Isidayeli yaaba mi naa maama: «Yi tua ke yi biadima leni yi tuonbiadi jagi yi po, ke lani n teni ke yi ye leni yaa fala n tie ne. Yi go buali yi yula yi yaa baa fidi ki yaa ye.

Amosi 5:11

Yi ŋmaadi o luodo, Ki fenli o kani ŋalikama. Li tie lani yaa po yo, ke yin maa yaa dieŋama Leni a tankpiekaana yeni, Yi kan kua a niinni. Yin ŋuu yaa duventiidi ke yi ŋani hali boncianla yeni, Yi kan ño li duven.

Mise 6:15

Yi baa coagi ti jaadi ki kan yendi. Yi baa yaa ŋoali ki ñandi olivie kpama, Ama yi nan kan sogi ma. Yi baa yaa tuodi mi daama, Ama yi kan ño ma.

Age Tili 1:6

Yi buu boncianla, ama yi yendi waamu. Yi di, ama yi naa guodi. Yi ñu, ama yi ñuñuunu naa gbendi. Yi bobi ti tiadi, ama yi wadi naa gbendi. Yua n tuuni ki gaani i panpaani Li tie nani o ŋu yaa boagili n cibi nni yene.

Sakari 14:12

O Diedo n baa teni yaa bonbiadila N baa yaa nilanbuoli n baa fii ki tieni Jerusalemi yaaba bu toabu tie line: Bi gbanandi baa bedi ke bi da fo. Bi nuni baa bedi bi nunbuodi nni, Bi landi mo n bedi bi ñoana nni.

Malaki 2:3

N baa waani yi puoliŋuani fala. N baa taa yin padi yaa yandi mi jaanma yogunu pobindi, ki madi yi nunmu nni. Bi baa taani ki tugi yinba leni tini kuli.

Mi Tiadima 28:51

U baa fie yi yandi leni yi kpaandi kuli, hali yin kpe ki gbeni. U kan ŋaa yi po ŋalikama, duven, kpama, ne leni yanbidi siiga liba kuli, hali wun baa bolini yi ki gbeni.

Mi Tiadima 32:25

Bu toabu baa kpa bi bila yaaba n ye niinpo, Ti jawaanciandi mo n je yaaba n ye deeni. Li baa tua yenma bi jawaaba leni bi jafanba po, Yaa bila n da ŋaani leni ti jakpeyukobipiendi po.

Hebilunba 10:31

Li tie yaa bonla n pia i jeje hali boncianla, ki baa U Tienu yua n fo nuu nni.

Bi Bujiaba 6:11

O Diedo maleki den cua Abieseri buolu yua Yoasi dogu Ofiri nni, ki kali yaa ticianbu n yi telebinti tinga. Yoasi bijua Gedeon den ye duven tiidi bonluonkaala daama ŋmaakaanu kani, ki pua ŋalikama ki baa wuoni ke Madiani yaaba n da le.

1 Samueli 2:33

Die n baa cedi a buolu yua n yaa taabi n padibinbinli kani, lan yaa koani a nuni, ki ñundi a li mutuoli. A diegu niba yaaba n sieni mo baa yaa tuadi ki baali bi panma siiga.