Levi 26:13 - U TIENU MAAMA TILI 2013

¹³ N tie Li Miali Diedo yi Tienu yua n den ñani yi Ejipiti diema nni, ke yin da go tie yonbi. N den kua kua ban den loli yi leni yaa kpaadi, yaadi n den naani leni i naakpakpaadi daagu yeni. N den teni ke yi yaani yi yula ki cuoni.

Gourmanchéma Bible

¹³ N tie Li Miali Diedo yi Tienu yua n den ñani yi Ejipiti diema nni ke yin da go tie yonbi. N den kua kua yi lolima yaa kpaadi, yaadi n den naani leni i naakpakpaadi daagu yeni. N den teni ke yi yaadi yi yula ki cuoni.

Levi 26:13 ပူးပေါင်းရင်းမြစ်များ

Pisomi 116:16

N mia ŋa o Diedo kelima n tie a naacemo, A naacemo, a puotuado n mali yua! A den lodi n po n yonbidi baabi.

Mi Ñama 14:8

O Diedo den teni ke Ejipiti bado Faraon pali juagi, ke o den ŋua ki deli Isidayeli yaaba. Isidayeli yaaba den ñani mi diema nni ki cuoni ki gaani.

Mi Ñama 20:2

«N tie Li Miali Diedo yi Tienu yua n den ñani yi, yin den ye ti yonbidi naankani, Ejipiti diema nni.

Mi Ñama 6:7

N baa taa yi yin tua n niba. N baa yaa tie yi Tienu, yeni, yi baa bandi ke li tie mini Li Miali Diedo yi Tienu n faabi yi leni Ejipiti yaaba n tuuni yi yaa tuona kuli.

Esayi 51:23

N baa mubini ka, Yaaba n den faligidi yi yaa nuu nni, Bani yaaba n den tua: ‹Labini mani tin tagini!› Lani yaa po n den teni, Ke yi buani tua nani ki tinga yeni, Ki naani leni u sanu bi santagiba po.»

Esayi 9:3

Yeni, yaa tugili n bi maa bi po yeni, Yaa gbiamu n den pua bi buanu yeni, Ban n den mabindi ba leni yaa gbadunduli yeni, A pua ki mudi likuli nani Madiani daali yene.

Jeremi 2:20

Hali yogu, n den cie a landili, Ki cie a baabi yii n luo ŋa. Ama a yedi: «N bua ki diedi n yuli.» Die yaa juaga n kpedi kuli po Leni yaa tibu n bundi mo kuli tinga, A kpaagi ki duandi nani li puoconconli yeni.

Jeremi 28:2

«Li Miali Diedo U Paaciamu Kuli Daano, Isidayeli Tienu yedi nanda: ‹N mudi Babilonni bado paalu!

Jeremi 28:4

O Diedo n yedi ke o go baa guani nekanba Joakimi bijua Yekonia Juda bado leni ban gedini yaaba Babilonni, kelima n baa mudi Babilonni bado paalu.› »

Esekieli 30:18

Li daali baa yaa biigi Tapanesi dogu po. Min baa jiini Ejipiti paalu, ki gbeni o paalu japaadi yaa daali, Tawaligu n baa libini Tapanesi dogu, ban gedini u bisiaba mo ti yonbidi.

Esekieli 34:27

Li fuali nni tiidi baa luoni i bonluonkaala, ki tinga n yaa tendi ki baali, ban yaa ye leni mi yanduanma bi diema nni. N baa cie yaa kpaadi n den luo n niba, ki faabi ba leni yaaba n bi kubi ba ti yonbidi yeni. Lani, bi baa bandi ke n tie Li Miali Diedo.

Ose Tili 11:4

N den dia ba mi ninñima leni mi buama baabi, Ki tie bi po nani yua n nuadi ki biga ki tabini oba yeni. N den puuni ba li bonjekaala.

Levi 25:38

N tie Li Miali Diedo yi Tienu yua n den ñani yi Ejipiti diema nni, ki puni yi Kanana diema, kelima n bua tua yi Tienu.

Levi 25:42

Bi tie n yaa naacenba, min den ñani yaa niba Ejipiti diema nni. Bi kan kuadi ba nani ban kuadi i yonbi maama.

Levi 25:55

Isidayeli yaaba tie mini o Diedo yaa naacenba, min den ñani yaaba Ejipiti diema nni. N tie Li Miali Diedo yi Tienu.

Nahumi 1:13

Moala, n baa faabi yi Leni yi yibalinba mabinga, Ki cie ban loli yi yaa baabi.»