Levi 26:12 - U TIENU MAAMA TILI 2013

¹² N baa yaa cuoni leni yi, n baa yaa tie yi Tienu, yimo baa yaa tie n niba.

Gourmanchéma Bible

¹² N baa yaa cuoni leni yi, n baa tie yi Tienu, yi mo baa tie n niba.

Levi 26:12 ပူးပေါင်းရင်းမြစ်များ

Mi cilima 17:7

N baa kuani o ŋantaado mini leni fini siiga leni a puoliŋuani siiga, nifiima kuli nni. Li baa yaa tie yaa ŋantaado n kan gbeni. Laa ŋantaado yaa niinni, n baa yaa tie a Tienu leni a puoliŋuani yaa Tienu.

Mi cilima 17:8

N baa pa fini leni a puoliŋuani kuli, ŋan ye yaa diema nni moala ki tie caano, Kanana diema kuli yeni ke man yaa tie bi yaa diema yaa yogunu kuli po. N baa yaa tie bi Tienu.»

Mi cilima 3:8

Bi den gbadi o Diedo U Tienu nialu ke o den goadi u koaŋamu nni ku yenjuaboandigu. O joa leni o pua den sani ki wuoni u koaŋamu tiidi siiga, ki foagidi leni o Diedo U Tienu nunga.

Mi cilima 5:22

Enoki n den mali Matusalemi yaa yogunu, Enoki den cuoni leni U Tienu hali bina kobitaa, ki go mali a bonjala leni a bonpola.

Mi cilima 5:24

Enoki den cuoni leni U Tienu, li yaa puoli, waa go den ye, kelima U Tienu den taa o.

Mi cilima 6:9

Diidi Nowe yaabila maama nne: Nowe den tie niteginka leni papiendaano laa yogunu niba kuli siiga. Nowe den cuoni leni U Tienu.

2 Samueli 7:7

Min den yegi leni Isidayeli yaaba naankani kuli, n den pia min puogi yaaba ban yaa gobidi n niba Isidayeli yaaba. Mii buali bi siiga oba kuli: Be n teni ke yii maa n po diegu ki ŋanbi ku leni sediri tiidi daadi?›

Pisomi 50:7

N niba, cengi mani, n baa maadi. Isidayeli yaaba, n baa tieni siedi ki cuo yi. N tie U Tienu yi Tienu.

Mi Ñama 29:45

N baa yaa ye Isidayeli yaaba siiga. N baa yaa tie bi Tienu.

Mi Ñama 29:46

Lani, bi baa bandi ke mini n tie Li Miali Diedo bi Tienu yua n ñani ba Ejipiti diema nni, ki baa yaa ye bi siiga. Mini n tie Li Miali Diedo bi Tienu.

Mi Ñama 3:6

O go den yedi o: «N tie a baa Tienu, ki go tie Abalahama, Isaaka leni Jakob Tienu.» Musa den pii o nunga kelima o den jie kaa bua ki noanli ki le U Tienu.

Mi Ñama 6:7

N baa taa yi yin tua n niba. N baa yaa tie yi Tienu, yeni, yi baa bandi ke li tie mini Li Miali Diedo yi Tienu n faabi yi leni Ejipiti yaaba n tuuni yi yaa tuona kuli.

Esayi 12:2

N faabima Tienu, N baa dugi a po, n kaa jie, Kelima Li Miali Diedo n tie n fidu leni n yanbu. Wani n tua n faabima.»

Esayi 41:10

Ŋan da jie kelima n ye leni a. Ŋan da nua leni yanbani Kelima n tie a Tienu. N baa yaa pugidi a fidu, N baa cua ki todi a, N kubi a leni n nujienu yuu paani li bonla kuli.

Jeremi 11:4

min den kuani yua leni yi baanba, min den ñani ba Ejipiti diema nni yaa daali, ban den ye yaa buaga nni. N den yedi ban cengi n nialu, ki tieni min yedi yaala kuli. Yeni yi baa tua n niba, nmo baa tua yi Tienu.

Jeremi 30:22

Yi baa tua n niba, nmo n tua yi Tienu.

Jeremi 31:33

Mini o Diedo yedi: «Diidi min baa kuani yaa ŋantaado leni Isidayeli diema yaaba. Laa dana yaa pendi, n baa kuani n bali maama bi yantiana nni, ki diani ma bi pala nni. N baa yaa tie bi Tienu, bani mo baa yaa tie n niba.

Jeremi 32:38

Bi baa yaa tie n niba, nmo baa yaa tie bi Tienu.

Jeremi 7:23

Ama n den yedi ba yaa maama n tie ne: ‹Cengi mani n maama, n baa yaa tie yi Tienu, yimo n yaa tie n niba. Yaa cuoni mani, min yedi yin tagini yaa sani nni kuli, lani n tie yi yema n yaa mani yi po.›

Esekieli 11:20

Yeni, bi baa fidi ki ŋoadi n ñoamabona, ki yaa kubi n mabilikaama. Bi baa yaa tie n niba, nmo baa yaa tie bi Tienu.

Esekieli 36:38

Lanwani, yaa dogi n wudi yeni baa guani ki gbie bi niba nani ban gagidi ki caani yaa yankuli Jerusalemi po mi jaanma po yeni. Lani, bi baa bandi ke n tie Li Miali Diedo.»

Joeli 2:27

Yeni, yi baa bandi ke n ye yinba Isidayeli yaaba siiga. Yi baa bandi ke mini n tie Li Miali Diedo yi Tienu, Ke toa ki ye. N niba mo kan go le fe abada.›

Sakari 13:9

N baa ŋaani bani yaaba n sieni ki fo yeni, Nani ban yen puli ŋanjilifa leni wula U mu nni maama, Ki ñani ti joagindi yeni. Bi baa yaa jaandi ki miadi nni, N baa yaa gaani bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Mi Coadima 5:3

Li yaa tie jaba bi puoba, yin ñani ba li nagili nni, ke ban da joagini li nagili, min ye yaali nni.»

Matie 22:32

‹N tie Abalahama, Isaaka leni Jakob Tienu?› U Tienu mo naa tie tinkpila Tienu ka, o tie yaaba n fo Tienu yo.»

2 Korenti 6:16

U Tienu diegu pia be yaa ŋantaadi leni i buli? Tinba mo n tie U Tienu yua n fo dieli, nani U Tienu wani o ba n yedi maama: «N baa yaa ye leni ba ki cuoni bi siiga ki tie bi Tienu, Bimo baa yaa tie n niba.

Mi Tiadima 23:14

Yuakuli baa yaa pia o tiadi nni li bongbiidikaala, yi yaa ñani ki cuoni yaa yogunu, yin gbiidi ki buoga, ki yuandi ki piini yi bindi.

Mi Tiadima 23:15

O Diedo yi Tienu cuoni yi nagili siiga, ki baa yaa kubi yi, ki baa taa yi yibalinba ki mubini ba yi nuu nni. Yi nagili baa gagidi ki yaa ŋani. Yeni, o Diedo n da ti le yi kani bongundiliba kuli, ke wan da buli yi o nunga.»

Hebilunba 11:16

Die moamoani bi den kuani bi yama ki bua ki pundi yaa dogu n ŋani ki cie, wuni tanpoli yuu yeni. Lani yaa po, laa pia U Tienu po fe ban yini o bi Tienu, kelima o ŋanbi bi po u dogu.

Mi Doagidima 2:1

Ŋan diani Kilisiti Nitaanli, yaali n ye Efesi po yaa maleki po ki yedi o: «Yua n muubi a ŋmabileleeda o jienu, ki go cuoni wula fidisantuankaanilele siiga yeni, yedi yaala n tie ne:

Mi Doagidima 21:7

Yua n koani mi jama ki paadi baa baa laa seli kuli. N baa yaa tie o Tienu, omo baa yaa tie n biga.