Levi 25:9 - U TIENU MAAMA TILI 2013

⁹ Cilele dapiiga, yi baa teni ban piebi li naatuntunli, ti tuonbiadi sugili miabu dacianli yeni po. Yi baa piebi li naatuntunli yi diema nni kuli.

Gourmanchéma Bible

⁹ Cilele yaa danpiiga daali yi baa teni ban piebi li naatuntunli, ti *tuonbiadi sugili miabu yaa dacianli yeni yaa po. Yi baa piebi li naatuntunli yi diema kuli nni.

Levi 25:9 ပူးပေါင်းရင်းမြစ်များ

Pisomi 89:15

Mi teginma leni yaa bujiali n tiegi Tie a bali kalikaanu tanpuuli. Li ŋanbili leni i moamoani ye a nintuali.

Pisomi 89:16

O Diedo, li pamanli ye Leni yaa nibuolu n yiini i yani ki kpiagidi a, Bani yaaba n cuoni a nunmanga yenma nni.

Esayi 27:13

Landaali, bi baa piebi li naatuntuncianli. Yeni, yaaba n den bodi Asiiri diema nni, Baa guani ki cua. Yaaba n yadi Ejipiti diema nni Baa gbaani ki pugi o Diedo, Yaa juali n gagidi ki ŋani yuli po. Li baa tua Jerusalemi dogu nne.

Levi 16:20

Alono yaa tieni ti tuonbiadi sugili miabu padili u kaangagidiŋanmoanu po, u Kadikaanu Gbandieli po leni li padibinbinli po kuli ki gbeni, o baa teni ban cuani yaa ŋuabuali n fo yeni.

Levi 16:29

Line n tie yaa bali maama n kan pendi abada. Cilele dapiiga, yi baa loli yi ñoana, ki waani yi yula fala. Yi kan soani tuonliba kuli, ba u dogu maabiga, bi yaa caano n kaa yi siiga kan soani tuonliba kuli,

Levi 16:30

kelima li tie landaale ke bi baa mia yi po sugili ki ŋanbi yi. Yi baa baa mi ŋuudima yi tuonbiadi kuli po, ki yaa ŋani o Diedo nintuali.

Levi 23:24

«Yedi Isidayeli yaaba: Cilele dakpiali baa yaa tie yi po fuodima daali. Yi baa piebi a naatuntuna, ki kpaani. Yi baa taani bi niba ki tieni taangagidikaali.

Levi 23:27

«Cilele dapiiga daali, baa yaa tie ti tuonbiadi sugili miabu dacianli jaanma. Yi baa yini bi niba, ki tieni taangagidikaali. Yi baa loli yi ñoana, ki biidi yi pala ki padi o Diedo po a padijuukaana.

Levi 25:8

A baa coadi mi fuodima bina, binalele hali taalimilele. Laa fuodima binleleeli yeni, baa taani ki yaa tie piinaa n binayia.

Levi 27:17

Li yaa tie mi faabima binli ke o niani o kuanu, bi baa ŋoadi ŋan bili yaa dunga.

Levi 27:24

Mi faabima binli yaa cua, bi baa guani u kuanu yua n den kpa kuadi u yeni, wani yua n den die laa tinga yeni.

Mi Coadima 10:10

Yi pamanli dana nni, yi jaanma dana nni leni yi ŋmapaani dana nni, yi baa yaa piebi kakacinba, ki padi yi padijuukaana leni yi taanyenma pada. Lani n baa tua yi po mi tiadima, yi Tienu nintuali. N tie Li Miali Diedo yi Tienu.»

Mi Coadima 36:4

Lanwani, mi faabima binli yaa cua Isidayeli yaaba po, ban baa kuni yaa nibuolu yeni yaa faali baa pugini, ti baanba buolu yaa faali mo n wadi.»

LOMA YAABA 10:18

To, n buali line, naani baa gbadi u tondu bi? Bi gbadi saa. Li diani: «Bi niali yadi yadi ki tinga nni kuli, Bi maama mo yadi yadi hali ŋanduna banlu kuli.»

LOMA YAABA 15:19

N den baa U Tienu Fuoma paalu, ki tieni bi siiga sinankeeninba leni mi bancianma. N den cili ki wangi Kilisiti Laabaaliŋamo Jerusalemi, ki yuandi ki wangi o i kaani kuli, hali ki ban gaani ki pundi Iliri diema.

1 Tesaloniki 1:8

O Diedo maama naa den yadi yi kani Maseduani leni Akayi po bebe ka, ama yin pia yaa dandanli U Tienu po den yadi i kaani kuli, hali ke laa go tie tiladi tin maadi li po.

Josue 6:4

Kopadicianbilele baa kua yaaba n bugi ku ŋantaadikpaku liiga, ki yaa kubi naatuntunalele ki piebi ki cuoni. Li daleleeli, yin lindi mani u dogu taalimilele, ke bi kopadicianba yeni piebi a naatuntuna yeni.