Levi 24:14 - U TIENU MAAMA TILI 2013

¹⁴ «Teni ban ñani yaa nilo n soli n yeli yeni, li nagili niinpo. Yaa niba n den gbadi o maama kuli baa maani bi nii o yuli po. Li yaa puoli, li nitaanli kuli baa lugidi o a tana ki kpa o.

Gourmanchéma Bible

¹⁴ «Teni ban ñani yaa nilo n soli mini yaa yeli yeni li nagili niinpo. Yaa niba n den gbadi o maama kuli baa maani bi nii o yuli po. Lani li nitaanli kuli baa lugidi o a tana ki kpa o.

Levi 24:14 ပူးပေါင်းရင်းမြစ်များ

1 Bi Badiba 21:10

ki cuani niyuogidilie likani ki sieni ba Naboti nintuali, ban kuli o ke o sugi U Tienu leni o bado. Li yaa puoli, yin ñani o u dogu nni ki lugidi o a tana wan kpe.»

Levi 13:46

O yaa ye leni a lega yeni, o baa yaa ye leni o joagindi. Yeni, o baa piadi ki ña li nagili nni, ki ban yaa ye o bebe.

Levi 20:2

«Ŋan waani Isidayeli yaaba yaa maama n tie ne: Isidayeli buolu yua, bi caano yua n kaa yi siiga, yaa padi o biga Moleki po, bi baa kpa li daano. Mi diema niba kuli baa taani ki lugidi o a tana ki kpa o.

Levi 20:27

Joa, yaa ka pua, yua n baa fidi ki maadi leni bi tinkpiba, bi ki bu ku baagu, bi baa kpa o. Bi baa lugidi o a tana ki kpa o. Laa niba soama baa guani ki jagini bi yula po.»

Levi 24:13

O Diedo den maadi leni Musa, ki yedi:

Jan n diani U Tienu Laabaaliŋamo maama 8:59

Lani yaa po, bi den taa a tana ki baa lugidi o. Ama Jesu den wuoni ki ñani U Tienu diegu nni.

Mi Tiadima 17:5

Lanwani, yin teni ban cuani laa joa bi laa pua, yua n tieni laa tuongundili yeni, u dogu buliñoabu kani, yin lugidi o a tana hali wan kpe.

Mi Tiadima 17:7

Siedinba yeni, n baa kpa lugidi o a tana, lani yaa puoli yaa niba n sieni mo kuli, n taani ki lugidi o a tana hali wan kpe. Yi baa tieni yeni ki ñani li bonbiadila yi siiga.»

Mi Tiadima 21:21

O dogu nikpela kuli baa lugidi o a tana wan kpe. Yi baa tieni yeni, ki ñani li bonbiadila yi siiga. Yeni, Isidayeli yaaba yaa gbadi, bi baa yaa ye leni li fangili.»

Mi Tiadima 22:21

u dogu niba n lugidi o a tana. O baa kpe kelima o tieni ti cagindi Isidayeli yaaba siiga, ki conbi ki da kaa o baadiegu nni. Yi baa tieni yeni ki ñani li bonbiadila yi siiga.

Josue 7:25

Josue den yedi Akan: «Be yaa po ke a faligi ti? O Diedo baa faligi a dinla.» Lani, Isidayeli yaaba kuli den lugidi o a tana ki kpa o. Bi den kpa o niba kuli yeni, ki juu o bonpiakaala kuli.