Levi 23:3 - U TIENU MAAMA TILI 2013

³ Nilo kuli baa tuuni o tuonli danaluoba, ama li daleleeli, yi kan tieni puu kuli landaali, kelima li tie mi fuodima daali. Li baa yaa pia taangagidikaali. Yi kan soani tuonliba kuli. Li tie o Diedo fuodima daali, yin kaa naankani kuli po.

Gourmanchéma Bible

³ Nilo kuli baa tuuni o tuonli dana luoba, ama li daleleeli daali yi kan tieni pu kuli laa daali, kelima li tie mi *fuodima daali. Li baa pia taangagidikaali. Yi kan soani tuonliba kuli. Li tie Li Miali Diedo fuodima daali yin kaa naankani kuli po.

Levi 23:3 ပူးပေါင်းရင်းမြစ်များ

Mi Ñama 16:23

Musa den yedi ba: «O Diedo bili laa ñoamabonle: Saala tie mi fuodima daali, yaa fuodima daali n gagidi ki ŋani o Diedo po: Yin puli yin bua ki puli yaala, ki ŋaani yin bua ki ŋaani yaala. Yaala n sieni kuli, yin bili hali lan faa.»

Mi Ñama 16:29

Tiadi mani ke o Diedo n puni U Tienu fuodima daali, li tie lani yaa po yo ke o puni yi danalie yaa jiema li daluobili daali. Yuakuli n yaa kaa o kaanu, oba n da fii wan ye naani li daleleeli.»

Mi Ñama 16:30

Lanwani, bi niba den fuo li daleleeli.

Mi Ñama 23:12

Danaluoba siiga, ŋan soani ŋan pia yaa tuona kuli. Ama li daleleeli, ŋan fuodi, ki kpiagi U Tienu fuodima daali. Yeni, a nua leni a ŋunbo mo baa fuodi. A puotuado bijua leni o caano mo n baa ki fuo ki jiini.

Mi Ñama 34:21

Yin yaa tuuni mani yi tuona kuli danaluoba, ki fuodi ki da soani li daleleeli. Yin yaa fuodi mani yeni, ba bu kpaabu leni u jetaagu yogunu kuli.

Esayi 56:2

Li pamanli ye leni yaa nilo n tieni laa bonla, Ki se bonŋanla ki kubi Mi fuodima daali ki naa fali li, Ki kubi o yuli, kaa tiendi yaala n bia.»

Esayi 56:6

Lanwani, yaa canba n baa sani ki tabini o Diedo Ki baa yaa tuuni o po, Ki baa yaa bua o Diedo yeli, Ki baa yaa tie o naacenba, Yaaba n baa yaa jigini o fuodima daali kuli, Ki kan fali laa dana, Ki baa yaa se ke li pa n ŋantaado nni,

Esayi 58:13

Yi yàá miidi n fuodima daali, Kaa tiendi yaala n mani yi yula po N dagagidikaali daali, Yi pamanli baa yaa ye o Diedo niinni. Yi yaa nua ke n fuodima daali tie Yaa bonla n mani hali bonŋanla, Ke o Diedo daali mo tie yaa daali n pia ti kpiagidi, O Diedo baa yaa tie yi pamanli. Yi yaa kpiagi li daali yeni, Kaa ŋua yi yaa sani, Ki puuni yi yula yaala n mani, Bi kaa puuni yi yula mayuogidi po,

Levi 19:3

Yuakuli n fangi o naa leni o baa, ki kubi n fuodima dana ki gagidi a. N tie Li Miali Diedo yi Tienu.

Luki 13:14

Ama li bali maama bangima dieli yudaano pali den biidi Jesu n paagi o nilo mi fuodima daali yeni po, ke o yedi ku niligu: «Yi pia danaluoba ki baa yaa tuuni yi tuona. Yin yaa kpendi mani laa danluobida yaa niinni ban paagi yi, ki da cua mi fuodima daali.»

Luki 23:56

Lani, bi den guani bi denpo ki bogini yaa tibidi n pia u nuulumanu leni tulale. Mi fuodima daali bi den fuodi, nani li bali maama n bili maama.

Jesu Tondiba Tuona 15:21

Ki cili hali yogu, li den pia dogu nni kuli yaaba n wangi Musa bali maama, kelima bi den cogi ma mi fuodima daali kuli li bali maama bangima diena nni.»

Mi Doagidima 1:10

U Tienu Fuoma Yua den cuo nni o Diedo daali. N den gbadi u nialiciamu n puoli, ke u tie nani bi piebi kakaci yeni.