Levi 23:28 - U TIENU MAAMA TILI 2013

²⁸ Yi kan soani tuonliba kuli landaali, kelima li tie ti tuonbiadi sugili miabu daali, ban baa tieni yi po sugili o Diedo nintuali yaa daali.

Gourmanchéma Bible

²⁸ Yi kan soani tuonliba kuli laa daali kelima li tie ti tuonbiadi sugili yaa daali, ban baa tieni yipo sugili Li Miali Diedo nintuali yaa daali.

Levi 23:28 ပူးပေါင်းရင်းမြစ်များ

Esayi 53:10

O Diedo den tuo ke bi pua ki moagi o, Ki waani o fala. Wan puni o miali ke li tua li padili yeni, O baa le o puoliŋuani, O miali baa foagidi, O Diedo yanbuama mo n tieni o nuu nni.

Danieli 9:24

Li bili binalele taalima piilele a buolu leni a dogagidiko po. Lanyogunu bili ke mi yiema n gbeni, Ke mi tudima n baa u bianu, Ke ti tuonbiadi n baa sugili, Ke yaa teginma n baa yaa ye hali yaa yogunu kuli N doagidi ke li bonlekaala leni U Tienu saawalipuaba Den soagini yaala kuli n tieni, Ke u kaangagidiŋanmoanu mo n go gagidi.

Levi 16:30

kelima li tie landaale ke bi baa mia yi po sugili ki ŋanbi yi. Yi baa baa mi ŋuudima yi tuonbiadi kuli po, ki yaa ŋani o Diedo nintuali.

Levi 16:33

O baa mia sugili u kaangagidiŋamu po, u Kadikaanu Gbandieli po leni li padibinbinli po. O baa mia sugili bi kopadicianba kuli po leni li nitaanli kuli po.

Levi 16:34

Li baa yaa tie yi po yaa bali maama n kan pendi abada. O baa padi ti tuonbiadi sugili miabu padili binli kuli yenma, kelima Isidayeli yaaba yaa tuonbiadi po.» Bi den tieni o Diedo n den waani Musa yaala kuli.

Levi 23:27

«Cilele dapiiga daali, baa yaa tie ti tuonbiadi sugili miabu dacianli jaanma. Yi baa yini bi niba, ki tieni taangagidikaali. Yi baa loli yi ñoana, ki biidi yi pala ki padi o Diedo po a padijuukaana.

Sakari 3:9

N bili Josue nintuali li tanli, yaali n pia nunilele. N baa diani li po dianu ki ñani mi naa diema tuonbiadi dayenli dayenli. Li Miali Diedo U Paaciamu Kuli Daano n yedi yeni.

Hebilunba 10:10

U Tienu yanbuama yeni po Kilisiti den puni o gbanandi, ki tua li padili ki kpe ti po yenma, ke li dagidi yogunu kuli po, ki gagidi ki ŋanbi ti.

Hebilunba 10:14

O padiyenli yeni yaa po, o teni ke wan gagidi ki ŋanbi yaaba dagidi cain, hali yaa yogunu kuli po.

Hebilunba 9:12

O den kua u kaangagidiŋanmoanu nni yenma, ke li dagidi i yogini kuli po. Waa den kua leni a naabila leni a ŋuabuana yaa soama ka, ama leni wani o ba yaa soaceli, ki baa ti po yaa daafaabima n baa ye hali yaa yogunu kuli.

Hebilunba 9:26

Li yaa den tie yeni, Kilisiti den baa cili ŋanduna tagima yogunu, ki yaa laadi fala. Ama moala ŋanduna juodima yogunu, o cua ki padi o yuli yenma u yogunu kuli po, ki bolini ti tuonbiadi.

1 Jan 2:2

Wani n tie i candanbaani padili ti tuonbiadi po. Laa tie ti yaa tuonbiadi bebe po ka, ama ŋanduna yaaba kuli yaa tuonbiadi po.

1 Jan 4:10

Mi buama yeni naa tie ke tinba ka den bua U Tienu, ama mi tie ke wani n den bua ti, ki soani o Bijua ke o tua i candanbaani padili ti yaa tuonbiadi po.

1 Jan 5:6

Jesu Kilisiti tie yua n den cua leni mi ñima leni mi soama. Waa den cua leni mi ñima bebe ka, o den cua leni mi ñima leni mi soama. Mi Fuoma n tiendi siedi lipo kelima mani mi Fuoma yeni n tie i moamoani.