Levi 22:32 - U TIENU MAAMA TILI 2013

³² Yin da cagini n yeli yaali n gagidi. Li pundi ke Isidayeli yaaba kuli n fangi n gagidiŋanma. N tie Li Miali Diedo yua n gagidi ki ŋanbidi yi.

Gourmanchéma Bible

³² Yin da fali ki joagini n yeli yaali n gagidi. Li pundi ke Isalele yaaba kuli n faami ki fangi n gagidiŋanma. N tie Li Miali Diedo Yua n Gagidi ki ŋanbidi yi.

Levi 22:32 ပူးပေါင်းရင်းမြစ်များ

Esayi 5:16

Li Miali Diedo U Paaciamu Kuli Daano Baa baa ti pagidi o bujiali nni. U Tienu, Yua n Gagidi ki ŋani mo Baa doagidi ke o gagidi ki ŋani O teginma nni.

Esayi 8:13

Li Miali Diedo U Paaciamu Kuli Daano Tie yin baa yaa nua yua, O gagidi ki ŋani, Yi baa jie wani bebe yo, Yi baa yaa fangi wani bebe yo.

Levi 10:3

Musa den yedi Alono: «U Tienu o Diedo den tuodi ki waani yi lane wan den yedi: ‹N bua ke yaa niba n nagidi nni n yaa fangi n gagidiŋanma, ki kpiagi nni bi niba kuli nintuali.› » Alono den ŋmini suo.

Levi 18:21

Ŋan da pa a bila siiga ba yendo, ban lu o u mu nni ki padi o, o bulo Moleki po. Ŋan da cagini a Tienu yeli. N tie Li Miali Diedo.

Levi 20:8

Yin yaa kubi n bali maama, ki yaa tiendi mikuli bonŋanla. N tie Li Miali Diedo yua n gagidi ki ŋanbidi yi.

Levi 21:15

Yeni, o kan kpiabi, ki cagini o puoliŋuani o buolu siiga, kelima n tie Li Miali Diedo yua n gagidi ki ŋanbi o.»

Levi 21:8

A baa nua o kopadiciamo ke o tie nigagidiŋamo, kelima o padi yaa pada n tie a Tienu jiema. O baa yaa tie a po nigagidiŋamo, kelima n gagidi ki ŋani, mini Li Miali Diedo yua n gagidi ki ŋanbidi yi yeni.

Levi 22:16

Bi yaa dini ma ke laa bi pundi ban je ma, bi baa tuni Isidayeli yaaba yaa tagili n pundi ban mia sugili. N tie Li Miali Diedo yua n gagidi ki ŋanbidi ba.»

Levi 22:2

«Waani Alono leni o bijaba ke ban fangi bi yula, ki foagidi leni Isidayeli yaaba n gagidi ki cuani n po yaa padijiedi. Yeni, wani Alono leni o bijaba kan cagini n yeli yaali n gagidi. N tie Li Miali Diedo.

Levi 22:31

Yi baa kubi n bali maama kuli, ki go yaa tiendi likuli. N tie Li Miali Diedo.

Levi 22:33

N den teni ke yi ñani Ejipiti diema nni, ki bua ki tua yi Tienu. N tie Li Miali Diedo.»

Matie 6:9

Diidi mani yin baa yaa jaandi maama: Ti Baa yua n ye tanpoli, Teni bi niba kuli n bandi ke a gagidi ki ŋani.

Luki 11:2

Jesu den yedi ba: «Yi yaa yen baa jaandi, yin yedi: ‹Ti Baa, a yeli n baa mi gagidiŋanma. Ŋan teni a diema n cua.

Jan n diani U Tienu Laabaaliŋamo maama 17:17

Gagidi ki ŋanbi ba i moamoani nni. A maama tie i moamoani.

1 Korenti 1:2

ki diani li tili U Tienu Nitaanli, yaali n ye Korenti dogu nni po. O den gagidi ki ŋanbi yi Jesu Kilisiti nni, ke yin yaa tie o nigagidiŋanba. N fuondi yi leni yaaba n jaandi ki miadi ti Diedo Jesu Kilisiti i kaani kuli, wani yua n tie bi Diedo leni ti yaa Diedo.