Levi 21:17 - U TIENU MAAMA TILI 2013

¹⁷ «Yedi Alono: A puoliŋuani kuli siiga, yaa joa n pia poadi o gbanandi nni kuli, o kan nagini ki padi yaa pada n tie o Tienu jiema yeni, ba yaa yogu n tuu yaa yogu.

Gourmanchéma Bible

¹⁷ «Maadi leni Alono ki yedi o: A puoliŋuani kuli siiga yaa ja n pia poadi o gbanandi nni kuli, o kan nagini ki padi yaa pada n tie o Tienu jiema yeni, baa yaa yogu n tuu yaa yogu.

Levi 21:17 ပူးပေါင်းရင်းမြစ်များ

Pisomi 65:4

N tuonbiadi paadi nni, Ama a baa pa ti ti tuonbiadi sugili.

Levi 10:3

Musa den yedi Alono: «U Tienu o Diedo den tuodi ki waani yi lane wan den yedi: ‹N bua ke yaa niba n nagidi nni n yaa fangi n gagidiŋanma, ki kpiagi nni bi niba kuli nintuali.› » Alono den ŋmini suo.

Levi 21:16

O Diedo den maadi leni Musa, ki yedi:

Levi 21:21

O kopadiciamo Alono puoliŋuani kuli siiga, yua n pia poadi o gbanandi nni, kan fidi ki padi yaa pada n buodi u mu nni, o Diedo po. O pia poadi o gbanandi nni, lani yaa po o kan nagini ki teni o Tienu o jiema.

Levi 21:6

Bi baa kubi bi yula ki gagidi ki yaa ŋani bi Tienu po. Bi kan fali bi Tienu yeli, kelima bi padi o Diedo po a padijuukaana, yaala n tie bi Tienu jiema yeni. Bi baa yaa gagidi ki ŋanbidi bi yula.

Levi 3:11

O kopadiciamo baa juu lane li padibinbinli po. Li tie u mu n buoni yaa padijiema o Diedo po.

Levi 3:16

O kopadiciamo baa juu lani li padibinbinli po. Likuli tie u mu n buoni yaa padijiema, ke mi nuulu mani o Diedo po. Mi nankpama kuli tie o Diedo n die yaala.

Mi Coadima 16:5

O den maadi leni Kore leni o cagili yaaba kuli, ki yedi: «Saala tiŋaagu, o Diedo baa doagidi, ki waani yua n tie o yua leni yua n gagidi ki ŋani. Lani, o baa teni wan nagini o. Wan baa gandi yua kuli, o den baa cedi wani yo n nagini o kani.

1 Tesaloniki 2:10

Yinba leni U Tienu kuli tie ti po siedi, ke ti den pia yaa tagi n gagidi ki go tiegi ki naa pia ban baa fidi ki kuli ti leni yaala yinba yaaba n daani siiga.

1 Timote 3:2

Li tie tiladi ke yua n tie o gobidika Kilisiti Nitaanli siiga, n da pia ban baa fidi ki kuli o leni yaala. Wan yaa pia puoyendo bebe, ki pia mi yansoangima leni u tagiŋamu, ki kubi o yuli, ki gaani bi niba cangu leni mi buama, ki go tie yua n fidi mi bangima.

Hebilunba 7:26

Wani n tie yaa kopadicianba bado buolu n dagidi ti po. O gagidi ki ŋani cain, waa pia tagiliba kuli, tuonbiadiba kuli mo ki ye o niinni. O paadi leni ti tuonbiadi danba, U Tienu den duoni o ke o pendi tanpoli kuli.