Levi 2:11 - U TIENU MAAMA TILI 2013

¹¹ Yin baa padi o Diedo po yaa padili kuli, yin da tieni dabinli, kelima u mu n baa buoni yaa pada o Diedo po kuli siiga, padiliba kuli kan yaa pia dabinli bi siadi.

Gourmanchéma Bible

¹¹ Yin baa padi Li Miali Diedo po yaa padili kuli, yin da tieni dabinli kelima mi fantama n baa buoni yaa pada Li Miali Diedo po kuli siiga, padiliba kan yaa pia dabinli bi siadi.

Levi 2:11 ပူးပေါင်းရင်းမြစ်များ

Mi Ñama 23:18

Ŋan da taani n padiyanga leni yaa dupen n pia dabinli. Ŋan padi n po yaa yanga yeni kpama kan duani lan faa.

Mi Ñama 29:25

Lani yaa pendi, ŋan gaa bi nuu nni ki juu la li padibinbinli po. Laa padili tie padijuukaali o Diedo nintuali, ki go tie yaa nuulu n mani o Diedo po.

Mi Ñama 34:25

Yin da padi n po yaa dupen n pia dabinli ki taani leni yin padi n po yaa yanga soama. Yin da teni mi Pendima jaanma padinandi n duani lan faa.

Mi Kpanjama 24:13

N bijua, je ti siadi kelima ti mani. Mi siakpama mo mani bu ñoabu nni.

Mi Kpanjama 25:16

A yaa baa ti siadi, Je yaala n baa dagidi a bebe. A yaa dini ki pendi mo, a baa sii ti.

Mi Kpanjama 25:27

Laa ŋani nilo n je ti siadi boncianla, Laa go ŋani nilo n lingi kpiagiciandi o yuli po.

Levi 1:13

O baa taa mi ñima ki ŋuudi tugu nni yaala leni a biana. O kopadiciamo baa maani likuli li padibinbinli po, ki juu. Li tie padijuukaali, u mu n buoni yaali, ke li nuulu mani o Diedo po.

Levi 6:10

Ban da tieni dabinli lienni. Lani n tie min teni ba yaa biinu, n padijuukaana siiga. Li tie yaa bonla n gagidi ki ŋani cain, nani ti tuonbiadi leni mi tudima candanbaani pada yeni.

Matie 16:6

Jesu den yedi ba: «Fangi mani yi yula bonŋanla leni Farisieninba leni Sadusieninba dabinli.»

Marki 8:15

Jesu den tundi ba ki yedi: «Fangi mani yi yula bonŋanla leni Farisieninba leni Herodi dabinli.»

Luki 12:1

Lanyogunu ku niligu den taani tuda tuda hali ki ŋmaadi biyaba. Jesu den cili ki maadi leni o ŋoadikaaba ki yedi: «Fangi mani yi yula bonŋanla ki da kubi Farisieninba dabinli, ki da tie palalie danba.

Luki 21:34

Fangi mani yi yula, ki da tuo mi jekandikaama, li dañokandikaali leni mi yema yanyagidi n fie yi yantiana, ki guli yi ke landaali cuama n da ludi yi.

Jesu Tondiba Tuona 14:22

I kaani kuli, bi den paagidi yaaba n daani pala, ki tundi ba ke ban yaa se bonŋanla li dandanli nni, ki tua ba: «Li tie tiladi tin kpa le fala boncianla, ki baa ki kua U Tienu diema nni.»

Galati 5:9

«Li dabinli waamu bebe baa teni ti yonbudi kuli n pili.»

1 Pieri 4:2

Lani yaa po, yaa dana n sieni yi po ki tinga ne niinni, yin da go ye ki ŋua ti gbanandi bonbuakaala ka, ama yin yaa ye ki tiendi U Tienu yanbuama.