Levi 2:1 - U TIENU MAAMA TILI 2013

¹ O nilo yaa baa padi yaa padili n tie jiema o Diedo po, o paabu n yaa tie yonŋanma. Wan kuodi mi niinni mi kpama, ki taa a dugibila ki pugini.

Gourmanchéma Bible

¹ O nilo yaa baa padi yaa padili n tie jiema Li Miali Diedo po, o paabu n yaa tie yonŋanma. Wan kuodi mi niinni mi kpama ki taa a *dugibila ki pugini.

Levi 2:1 ပူးပေါင်းရင်းမြစ်များ

Mi Ñama 29:2

Ŋan taa ŋalikama yoma ki pua yaa dupen n ki pia dabinli leni yaa maada n ki pia dabinli, ki buuni leni mi kpama leni yaa lalaadi n ki pia dabinli, ki nan ñuni mi kpama bonŋanla.

Esayi 43:23

Yii den taa yi pebila ki padi n po a padijuukaana. Yi pada mo naa den kpiagidi nni. Mii den tieni yi paalu ka, Ke yin cuani n po bu paabu, Mii didi den coagini yi mo, Ke yin yaa juugi n po a dugibila.

Esayi 66:20

Bi baa ñani yi kpiiba i nilanbuoli kuli siiga, Ki tugi ba i taami leni ti toateliti po, yaa toateliti n liibi, I buomi leni ti yuoyuodi po ki cuani ba, N joagagidikaali Jerusalemi kani. Bi baa tua pienma padili o Diedo po, Nani Isidayeli yaaba n kpendinni bi pienma pada Leni yaa tiagu n ŋani bonŋanla nni O Diedo diegu po maama yeni. O Diedo n yedi yeni.

Esekieli 46:20

O den yedi nni: «Laa fanma tie bi kopadicianba n baa yaa ŋaandi ban padi yaa yandi i tagili po, ti tuonbiadi sugili miabu po nandi naankane. Bi go baa yaa ŋaandi bu paabu padiyandi nandi moko lankane. Yeni bi kan ñani ti niinpo ke bi niba n da ti gagidi ki ŋanbi.»

Joeli 1:9

Mi pienma pada leni a ñincaba pada bodi o Diedo diegu nni. O Diedo naacenba bi kopadicianba, ye leni li paboanli.

Joeli 2:14

Ŋme n bani o yaa kan guani ki lebidi o yantiali, Ki seligi yi bonŋanla. Yeni, yi baa fidi ki yaa kpendinni O Diedo yi Tienu po bu paabu leni a ñincaba.

Levi 14:10

Li daniili, o baa taa pebilalie leni binli pesalo, yaaba n ki pia poadi, ki cuani yaa yoma n kali leni mi kpama, kilo bonbiyia leni mi kpama litidi boagidima.

Levi 24:7

Yin taa yaa dugibila n ŋani bonŋanla ki sieni dupen kpamu kuli kani, a dugibila yeni baa yaa tie mi tiadima bonla ki maa dupen yeni po, ki juu leni u mu o Diedo nintuali.

Levi 5:11

Nilo yaa luo kaa fidi ki baa baa kpaajefanmulie, bi kpaajenawuundilie yeni, wan cuani mi yoma kilo bonbitaa ki teni o candandi padili po, kelima li tie tuonbiadi sugili miabu yaa padili.

Levi 6:7

Line n tie yaa padili n tie jiema bali maama. O Diedo nintuali, Alono bijaba n baa cua ki padi laa padili li padibinbinli kani.

Levi 9:17

O go den padi yaa padili n tie jiema. O den yidi mi yoma nukuli ki juu ma li padibinbinli po, ke laa taa leni tiŋaagu kuli yaa padijuukaali.

Levi 9:4

Ban go baa mi taanyenma padili naatonli, li petonli, yaa padili n tie jiema ki kali leni mi kpama, ki padi ba o Diedo nintuali, kelima dinla o Diedo baa doagidi o yuli yi po.»

Malaki 1:11

Ki cili hali u yienu n pudi naani, ki ban tuoni hali wun baali naani, i nibuoli kuli kpiagidi n yeli. I kaani kuli bi niba padi ki siagi n yeli po a dugibila. Bi go padi yaa pada n ŋani ki dagidi n yeli po, ki kpiagidi n yeli. I nibuoli kuli kpiagidi n yeli. Li Miali Diedo U Paaciamu Kuli Daano n yedi yeni.

Mi Coadima 18:9

Diidi yaa bonla n gagidi ki ŋani hali boncianla siiga, yaala n ki juu u mu nni, yin die yaala nne: Bi pada, bi paabu, bi tuonbiadi sugili pada, mi guaniŋanbima pada leni ban padi ki puuni ya kuli. Laa bonla yaala n gagidi hali boncianla yeni tie fini leni a bijaba yaa po yo.

Mi Coadima 28:5

Yin yen baa taani leni yaa pienma mo, baa yaa tie mi yoma kilo bonbitaa, ki nugi ma leni olivie kpama, litidiyendo leni boagidima.

Mi Coadima 29:18

Yi baa cuani mi pienma leni li ñincabili, a naatona, a petona leni a pebila yeni pada po, nani bi coali n da maama, nani lan bili maama.

Mi Coadima 8:8

Lani yaa pendi, bi baa taa naatonbili leni yaa paabu n yegi leni la, ki taani leni yaa yoma n kali leni mi kpama. A baa taa li naatonbili, lin tua ti tuonbiadi sugili miabu padili.

Jan n diani U Tienu Laabaaliŋamo maama 6:35

Jesu den yedi ba: «Mini n tie li miali jiema. Yua n cua n kani, mi koma kan go gbadi o, yua n daani nni mo, u ñuñuunu kan go cuo o abada.

1 Jan 2:20

Ama yinba wani, yi baa U Tienu Fuoma Yua, yua n teni ke yikuli bani i moamoani.

1 Jan 2:27

Ama yinba wani, yin den baa o kani yaa Fuoma Yua yeni, ye yi niinni, laa go tie tiladi ban bangi yi. Mi Fuoma yaama n bangi yi li bonla kuli, tie moamoandaano, kaa tie faadaano. Lani yaa po, yin yaa ye o niinni nani wan bangi yi maama.

Jude 1:20

Ama yinba n buakaaba, yin yaa suagi liiga yi dandanli yaali n gagidi ki ŋani boncianla nni, ki yaa jaandi leni U Tienu Fuoma Yua yaa paalu.

Mi Doagidima 8:3

Malekitoa, yua n kubi ban juugi a dugibila yaa tiagu nni, ke ku tie wula den cua ki sedi li padibinbinli kani. Bi den teni o a dugibila boncianla, ke wan taani leni bi nigagidiŋanba jaandi, ki juu la wula padibinbinli, yaali n ye li bali kalikaanu nintuali kani po.