Levi 19:9 - U TIENU MAAMA TILI 2013

⁹ Yi yaa ye yi diema nni u jetaagu yogunu, yi baa ŋaa poyendu yi kuanu nni, ki da yendi lipo. Yin da yendi yaala n sieni mi liegima po.

Gourmanchéma Bible

⁹ Yi yaa ye yi diema nni u jetaagu yogunu, yi baa ŋa poyendu yi kuanu nni ki naa yendi lipo. Yin da yendi yaala n sieni mi liegima po.

Levi 19:9 ပူးပေါင်းရင်းမြစ်များ

Levi 19:10

Ŋan da goa ki cie yaala n sieni a duven tiidi bonluonkaala nni, ki da goa ki wodi yaala n suodi ki baa. A baa ŋaa lani o luodo leni o caano po. N tie Li Miali Diedo yi Tienu.

Levi 19:8

Yua n ŋmani yeni, o baa gaa o tudima panpaani, kelima o fali ki joagini yaa bonla n gagidi o Diedo po. Bi baa paadi ki ñani laa nilo o buolu nni.

Levi 23:10

«Yedi Isidayeli yaaba: Yi yaa kua min baa pa yi yaa diema nni yaa yogunu, ke u jetaagu yogunu ban pundi, yi baa taa li dibabikpiali ki cua ki teni o kopadiciamo, yaala n tie yi kuanu yeni yaa bonluonkakpiala.

Levi 23:22

Yi yaa ye yi diema nni ke u jetaagu yogunu pundi, yi yaa taagi yi kpaandi, yin ŋaa poyendu yi kuanu nni, ki da yendi. Yin da yendi yaala n sieni mi liegima po. Yi baa ŋaa lani o luodo leni o caano po, ban liegi. N tie Li Miali Diedo yi Tienu.»

Levi 23:29

Yaa nilo n ki loli o ñoabu ki biidi o pali landaali, bi baa paadi ki ñani o o buolu nni.

Ruti 2:15

Li yaa puoli, o den fii ki baa yaa liegi. Boasi den yedi o naacenba: «Yin cedi wan yaa liegi ba a bonbaba siiga moko, ki da fu leni o.

Ruti 2:2

Dayenli, Moabi yua Ruti den yedi Noemi: «Cedi min gedi ki ban liegi orje. N yaa ban laa yua n baa tuo min liegi o kuanu nni, n baa liegi lankane.» Noemi den guani ki yedi o: «Gedi, n bisalo.»

Ruti 2:8

Lane Boasi den yedi Ruti: «N bisalo, ŋan da go gedi ki ban liegi koato nni. Ŋan da ña ne, ŋan yaa ye ne leni yaa puoba n tuuni ne.