Levi 19:22 - U TIENU MAAMA TILI 2013

²² O kopadiciamo baa mia o po sugili o Diedo nintuali. O baa padi o po li petonli yeni, lin tua mi tudima padili, kelima o joa yeni n tieni yaa tuonbiadi po. Yeni o joa yeni baa baa o tuonbiadi sugili.

Gourmanchéma Bible

²² O kopadiciamo baa mia opo sugili Li Mali Diedo nintuali. O baa padi opo li petonli, lin tua mi tudima padili kelima o ja yeni n tieni yaa tuonbiadi yaa po. O ja yeni baa baa o tuonbiadi sugili.

Levi 19:22 ပူးပေါင်းရင်းမြစ်များ

Levi 19:21

Ama o joa yeni baa taa petonli ki cuani li u Kadikaanu Gbandieli buliñoabu kani, o tudima po.

Levi 19:23

Yi yaa kua mi diema nni yaa yogunu, ki ŋuu lienni yaa tiidi n luoni kuli, yi baa nua yi bonluonkaala ke li naani leni yaa nilo n ki kua ku koanciagu yeni, hali binataa. Yi kan ŋmani la.

Levi 4:20

O baa tieni laa naatonli moko nani ban tiendi i candanbaani padili yaa naatonli maama. O baa tieni lini moko yene. O kopadiciamo baa padi li nitaanli po, ki mia li po sugili yene. Li baa baa sugili mo.

Levi 4:26

O baa juu mi kpama kuli li padibinbinli po, nani ban tiendi maama mi taanyenma pada po. O baa padi o yudaano yeni po, ki mia o po sugili yene. Yeni, o baa baa sugili.

Levi 4:31

O kopadiciamo baa ñani mi kpama kuli, nani ban tiendi mi taanyenma padiyanga maama yeni, ki juu ma li padibinbinli po, lan tua o Diedo po nuulumanu. O baa padi o nilo yeni po, ki mia o po sugili yene. Yeni, o baa baa sugili.

Levi 4:35

O kopadiciamo baa ñani mi kpama kuli, nani ban tiendi mi taanyenma padipia maama yeni, ki taani leni yaala n baa juu kuli, ki juu li padibinbinli po, ki taani leni u mu n buoni yaala o Diedo po. O baa padi o nilo yeni po, ki mia o po sugili yene. Yeni, o baa baa sugili.

Levi 5:7

Nilo yaa luo ki kan fidi ki baa pesalo bi ŋuasalo, wan cuani kpaajefanmulie bi kpaajenawuundilie o tudima padili po, ki padi o Diedo po. Yendo baa yaa tie i candanbaani padili, yendo mo baa yaa tie padijuukaali.