Levi 19:15 - U TIENU MAAMA TILI 2013

¹⁵ Ŋan da jia yaa buudi n ki tiegi, ŋan da fali nilo, ŋan da jagi ke a baa todi o luodo, bi ŋan go da jagi ke a baa todi o piado mo li bujiali nni. Ama a baa jia a yieninlielo buudi nani lan tiegi maama.

Gourmanchéma Bible

¹⁵ Ŋan da jia yaa buudi n ki tiegi, ŋan da fali nilo, ŋan da jagi ke a baa todi o luodo, bi ŋan go da jagi ke a baa todi o piado mo li bujiali nni. Ama a baa jia a yieninlielo buudi nani lan tiegi maama.

Levi 19:15 ပူးပေါင်းရင်းမြစ်များ

Jobi 13:8

Naani yi tama ke yi baa maadi Yene ki taani o po? Naani yi bua ki fu ki gaa U Tienu yo?

Jobi 32:21

N kan tieni gagidima bi niba siiga, Ki bagi min taani yi siiga oba kuli po,

Jobi 34:19

Waa diidi bi badijaba nunbu, Waa tiendi gagidima o piado leni o luodo siiga, Kelima wani n tagi bikuli.

Pisomi 82:2

«Hali u laa yogunu yo Ke yi baa yaa ja yaa buudi n ki tiegi Ki saagi i tagili danba po i moamoani? Joma

Mi Ñama 18:21

Ŋan gandi bi niba siiga bi yanfuodanba yaaba n fangi U Tienu, ki bua i moamoani ki nani li suuli. Ŋan dini ba li bali ke ban tua niba tudili tudili, niba kobiga kobiga, niba piimuu muu leni niba piiga piiga yudanba.

Mi Kpanjama 18:5

Laa ŋani ban saa o nibiado po i moamoani, Ki nan muni o niteginka o moamoani.

Mi Kpanjama 24:23

Diidi bi yanfuodanba n go yedi yaala: Laa ŋani ti buudi yogunu mi paadima N yaa ye bi niba siiga.

Mi Kpanjama 31:9

Jia ti buudi leni mi teginma, Ki maadi ki gaa o ninñinnilo leni o luodo.»

Levi 19:35

Yin da tieni janbi li bujiali nni, bi u foaginu yaa bonbiigikaala nni, bi u kpiagu yaa bonbiigikaala nni, bi u yabinu yaa bonbiigikaala nni.

Jan n diani U Tienu Laabaaliŋamo maama 7:24

Yin da ja ti buudi nani yin nua maama, ama yin yaa ja ti buudi ke li tiegi.»

Jesu Tondiba Tuona 23:3

Poli den yedi o: «U Tienu baa pua ŋa, fini u bilinpienu na. A kaa u bujiakaanu po, ki baa jia n buudi nani li bali maama n bili maama. Ama, a nan miidi li bali maama, kelima a teni ke bi pua nni.»

Mi Tiadima 1:17

Yi bujiali nni, yin da pia gagidimiba kuli. Yin da jie niloba kuli kelima U Tienu n die li bujiali. Lanwani, li yaa tie ke buudiba jiama pa yi po hali boncianla, yi baa cuani ti n yaa kane, min gbadi ti.»

Mi Tiadima 10:17

Li Miali Diedo yi Tienu tie ban pugi yaala kuli Tienu, bi diediba kuli Diedo. O tie yaa Tienu yaa yeli n yabi, ki pia u paalu leni i jeje. Waa tiendi gagidima bi niba siiga, waa gaani suuli mo.

Mi Tiadima 16:19

Yin da saa moamoancakpigili, ki da pia gagidima bi niba siiga. Yin da gaa suuliba, kelima li suuli juandi bi yandanba nuni, ki biandi bi niteginkaaba maama fanma.

Mi Tiadima 27:19

‹Ti solindi n baa yua n muni o caano, ki kpienbiga bi li kpepuoli i moamoani!› Lani, bi niba kuli baa taani ki gaa: ‹Amina!›