Levi 18:21 - U TIENU MAAMA TILI 2013

²¹ Ŋan da pa a bila siiga ba yendo, ban lu o u mu nni ki padi o, o bulo Moleki po. Ŋan da cagini a Tienu yeli. N tie Li Miali Diedo.

Gourmanchéma Bible

²¹ Ŋan da teni a bila siiga baa yendo ban lu o mi fantama nni ki padi o, o bulo *Moloko po. Ŋan da jugi ki biidi a Tienu yeli. N tie Li Miali Diedo.

Levi 18:21 ပူးပေါင်းရင်းမြစ်များ

1 Bi Badiba 11:33

N baa tieni la kelima Isidayeli yaaba ŋaa nni ki pugi Sidon yaaba bulo Asitate, Moabi yaaba bulo Kemosi leni Anmoni yaaba yaa bulo Milikom. Baa cuoni n sani nni ki tieni yaala n tiegi n po, baa kubi n bali maama leni n mabilikaama nani Salomon baa Davidi n den tieni maama.

1 Bi Badiba 11:7

Lanwani, Salomon den maa yaa juali n se ki tiegi Jerusalemi yuli po, li padibinbinli Moabi yaaba cancaginbulo Kemosi po leni Anmoni yaaba yaa cancaginbulo Moleki po.

2 Bi Badiba 16:3

O den ŋoadi Isidayeli badiba fuuli, ki juu ba o bijua u mu nni, ki togidi o Diedo n den deli Isidayeli yaaba po yaa nilanbuoli yeni cagindi.

2 Bi Badiba 17:31

Afa yaaba moko den tagi bi yaa buli ke bi yi ba Nibikasi leni Taditaki. Sefaravayimi yaaba mo den juugi bi bila ki padi bi buli Adirameleki leni Anameleki po, ki bua ki kpiagi ba.

2 Bi Badiba 21:6

O den taa o bijua ki padi li padili, ki juu o u mu nni. O den bu ku baagu, ki go tiendi ti buligbandi. O den baa yaa ñoagidanba n maadi leni bi tinkpiba leni a lingida ki kaani. O go den pugini ki tiendi yaala n bia o Diedo po, ki biendi o pali.

2 Bi Badiba 23:10

O bado Josiasi den biidi o bulo Moleki yaa kaanu, yuu n den ye Hinomi bijaba joaloangu nni, ki yi Tofeti. O den tieni yeni ke niloba n da go taa o bijua bi o bisalo, ki juu u mu nni o bulo Moleki po.

2 Bi Badiba Jama 28:3

O den juu tulale Hinomi bijaba joaloangu nni. O den juu o bijaba u mu nni, ki ŋoadi i nilanbuoli cagindi, o Diedo n den deli yaaba Isidayeli yaaba nintuali.

Jeremi 19:5

Bi maa i buli pada kaani ke yi kpedi, ki taa bi bijaba ki padi a padijuukaana o bulo Baali po. N naa den puni ba laa sanu, mii den maadi ba laa maama, mii den baa li yanjagili mo.

Jeremi 32:35

Bi maa i padikaani Baali po Beni-Hinomi joaloangu nni, ki baa yaa padi ki juugi bi bijaba leni bi bisiaba, o bulo Moleki po. Mii den puogi ba ban tieni laa bonla. Mii den baa li yantiali ki baa tieni laa cagindi, ki teni Juda n tieni ti tuonbiadi.»

Jeremi 7:31

Bi ŋanbi a pada kaani Beni-Hinomi joaloangu nni, ki baa yaa siagi bi bijaba leni bi bisiaba, min kaa den puni yi yaa sanu, min kaa den baa yaa yanjagili mo.› »

Esekieli 20:26

N den teni ke bi joagini biba leni ban tieni yaa pada, ki padi bi bonjakpiala yeni po. N den kuani ba laa fala nni, ki bua ban bandi ke n tie Li Miali Diedo.›

Esekieli 20:31

Yin kpendinni bu paabu ki go padi yi bila, ki poandi ba u mu nni yeni, yi joagini yi yula leni i buli. Lanwani, yinba Isidayeli yaaba, yi tama yene ke n baa cedi yin cua ki bu nni? Kalam! Mini o Diedo U Tienu yua n fo n poli ki yedi ke n kan tuo yin cua ki bu nni.›

Esekieli 23:37

Bi puni bi yula mi conconma po. Bi nii mo pia mi soama. Bi den conbi leni i buli, ki taa ba ban den mali n po yaa bijaba yeni, ki padi ba i buli po.

Levi 19:12

Yin da pua faama ki poli n yeli nni, kelima yi baa biidi yi Tienu yeli. N tie Li Miali Diedo.

Levi 21:6

Bi baa kubi bi yula ki gagidi ki yaa ŋani bi Tienu po. Bi kan fali bi Tienu yeli, kelima bi padi o Diedo po a padijuukaana, yaala n tie bi Tienu jiema yeni. Bi baa yaa gagidi ki ŋanbidi bi yula.

Levi 22:2

«Waani Alono leni o bijaba ke ban fangi bi yula, ki foagidi leni Isidayeli yaaba n gagidi ki cuani n po yaa padijiedi. Yeni, wani Alono leni o bijaba kan cagini n yeli yaali n gagidi. N tie Li Miali Diedo.

Levi 22:32

Yin da cagini n yeli yaali n gagidi. Li pundi ke Isidayeli yaaba kuli n fangi n gagidiŋanma. N tie Li Miali Diedo yua n gagidi ki ŋanbidi yi.

Levi 24:15

Ŋan go yedi Isidayeli yaaba kuli mine: Yaa nilo n soli o Tienu kuli baa tugi o tuonbiadi panpaani.

Amosi 2:7

Bi fiagidi taliginba, Ki muni ba i moamoani li bujiali kaanu. Ki biga leni o baa koa jafanyendo kani, Ki bua ki biidi n yeli yaala n gagidi ki ŋani.

Amosi 5:26

Lanwani, tugi mani yi buli, Yi bulo Sikuti yua n tie yi bado Leni Kiyuni yua n tie yi buli ŋmabili. Lani kuli tie yi nii n tagi yaale.

Mise 6:7

Naani petona tuda tuda n baa mangi o Diedo pali? Naani o Diedo bua yaa kpama n baa gbieni i kpenciame? Naani n baa taa n bonjakpiage ki padi n yiema po? Naani n baa taa n bimadige ki padi n tuonbiadi po?

Malaki 1:12

Ama yinba, Isidayeli yaaba fali n yeli yeni, ki tua ke o Diedo padibinbinli joagini, ki go tua tin baadi likani yaa padijiedi naa tie puu.

Jesu Tondiba Tuona 7:43

Yi den tugi o bulo Moleki gbandieli Ki go tugi o bulo Lefana yaa ŋmabiga, Yin den tagi yaa buli nannana ki baa kpiagidi ŋa. Lani yaa po, n baa teni ban gedini yi ti yonbidi hali Babilonni diema liiga.›

LOMA YAABA 1:23

Bi lebidi U Tienu yua n kan kpe yaa kpiagidi, ki kpiagidi a nannana, ya n naani leni o nisaalo yua n baa kpe, ti bonyugiditi, ti yandi leni li bonbalinkaala.

LOMA YAABA 2:24

Nani lan diani maama: «Yinba yaa po n teni ke bi nilanba sugidi U Tienu yeli.»

Mi Tiadima 12:31

Yin da tieni yeni o Diedo yi Tienu po, kelima bi tiendi bi buli po, a tuongunda buoli kuli leni ti cagindi yaala n ki ŋani o Diedo po. Bi juugi ba bi bijaba leni bi bisiaba u mu nni, bi buli kpiagidi po.

Mi Tiadima 18:10

Ban da le yi kani niloba, ke o luni o bijua bi o bisalo u mu nni. Oba n da pa o yuli mi lingima po. Oba n da kuani o yuli baayuadiidu nni. Oba n da pua tama. Oba n da lingi buligbandi.