Levi 16:4 - U TIENU MAAMA TILI 2013

⁴ O baa la li kopadician-badiliadili yaali n tie len, ki yaa soali yaa kpataali n tie len, ki ñagini yaa cabiñaginkaali n tie len, ki fini yaa finfingu n tie len. O baa yie o kopadiciamo tiayiegagidikaadi kuli, ama se wan kpa wali hali bonŋanla.

Gourmanchéma Bible

⁴ O baa laa li kopadicianbadi-liadili yaali n tie*len, ki yaa soali yaa kpataali n tie len, ki go ñagini yaa cabiñaginkaali n tie len, ki go yili yaa yufinfingu mo n tie len. O baa laa o kopadiciamo yaa tiayiegadikaadi kuli, ama se wan kpa wali hali bonŋanla.

Levi 16:4 ပူးပေါင်းရင်းမြစ်များ

Mi Ñama 28:2

Ŋan tieni a kpelo Alono po yaa tiadi n gagidi ki doagidi ke n gandi o ki puni o li bali.

Mi Ñama 29:4

Ŋan kuani Alono leni o bijaba u Kadikaanu Gbandieli nni, ki baa mi ñima ki wali ba.

Mi Ñama 30:20

bi yaa baa kua u Kadikaanu Gbandieli nni. Li baa yaa tie Isidayeli yaaba po mi tiadima bonla o Diedo nintuali, bi miana daafaabima po.

Mi Ñama 40:12

Li yaa puoli, ŋan teni Alono leni o bijaba n cua ki pundi u Kadikaanu Gbandieli buliñoabu kani, ki taa mi ñima ki wali ba.

Esayi 53:2

O den kpeli o nintuali nani li benkpeli yeni, Nani yaa jiinu n pudi ki tinkuonga nni yeni, Waa den pia bugima, bi ŋamuba Hali ke ti baa bua ki diidi o. Wan naani maama mo ki den tie Tin baa bua ki ñuadi yaala.

Esekieli 44:19

Bi yaa baa ña niinpo yaa luolu nni, bi niba n ye naani yeni, bi baa landi ban bi tuuni u kaangagidiŋamu nni, ki la yaa tiadi. Bi baa la tiatoadi, ke ban da gagidi ki ŋanbi bi niba leni bi tiadi.

Esekieli 9:2

N den laa ke nibiluoba ñani nujienu buliñoabu po, yaabu n yuugi kani, ke yuakuli mo muubi mi bolinma jatiagu o nuu nni. Yaa joa yaa tiadi n den luni leni len ke o bondiankaala juani o gbanñagidigu mo den yegi leni ba. Bi den cua ki sedi ti kumoandi padibinbinli kani.

Levi 16:23

Li yaa puoli, Alono baa kua u Kadikaanu Gbandieli nni, ki landi wan bi la len tiadi yaadi yeni kuli, ki kua u kaangagidiŋamu nni, ki bili ti kuli lankani.

Levi 16:24

O baa wali yaa kaanu n gagidi nni, ki la o tiafandi. Li puoli, o baa ña ki padi wani o ba yaa padijuukaali leni o niba yaa padijuukaali. O baa mia sugili wani o ba leni o niba kuli po.

Levi 16:32

Yaa kopadiciamo n baa baa mi gagidima sogima, ban baa gagidi yua wan lebidi o baa li kopadiciantuonli nni yeni, wani n baa mia yi po sugili landaali. O baa la yaa tiayiekaadi n tie len, tini yaadi n tie tiagagidikaadi yeni.

Levi 6:10

Ban da tieni dabinli lienni. Lani n tie min teni ba yaa biinu, n padijuukaana siiga. Li tie yaa bonla n gagidi ki ŋani cain, nani ti tuonbiadi leni mi tudima candanbaani pada yeni.

Levi 6:3

Li yaa fii ki faa, o kopadiciamo baa la yaa liadicianli n luni leni len gaali, ki go yie yaa kpataali n luni leni len gaali, ki wodi yaa fantanpienma n ye li padibinbinli po, u mu n den juu ki buoni li padijuukaali yeni ki ŋaa yaala. Wan wodi ki bili ki balini li padibinbinli.

Luki 1:35

Maleki den guani ki yedi o: «U Tienu Fuoma Yua baa cua a kani, tanpolijoma Tienu paalu baa yini a po. Lani yaa po, bi baa yini ŋan baa maa yaa bigagidiŋanga yeni U Tienu Bijua.

Filipi 2:7

Ama o den landi laa kpiagidi kuli o yama po, Ki taa o naacemo n tie maama ki lani, Ki tua nani bi nisaaliba n tie maama yeni. Wan den tua nisaalo ki tie nani bi nisaaliba n tie maama,

Hebilunba 10:22

Lani kuli yaa po, tin yaa nagidi U Tienu kani leni li payenli leni li dandanmoanli, ki yaa pia yaa pala n ŋuudi ki ñani yaa pali siedi n bia leni yaa gbanandi n ŋuudi leni mi ñinŋanma.

Hebilunba 2:14

A bila n tie nisaaliba ki pia ti gbanandi leni mi soama yeni, Jesu moko den tua nisaalo, ki pia ti gbanandi leni mi soama. O den tua yeni ki kpe, ke o kuuma n bolini Sutaani paalu, wani yua n pia mi kuuma paalu.

Hebilunba 7:26

Wani n tie yaa kopadicianba bado buolu n dagidi ti po. O gagidi ki ŋani cain, waa pia tagiliba kuli, tuonbiadiba kuli mo ki ye o niinni. O paadi leni ti tuonbiadi danba, U Tienu den duoni o ke o pendi tanpoli kuli.