Levi 16:18 - U TIENU MAAMA TILI 2013

¹⁸ O baa ña yaa padibinbinli n se o Diedo nintuali yeni kani, ki mia sugili li padibinbinli po. O baa taa li naatonli yeni leni li ŋuabuali yeni soama, ki duuni ma li padibinbinli yina po leni li lindima kuli.

Gourmanchéma Bible

¹⁸ O baa ña yaa padibinbinli n se Li Miali Diedo nintuali yeni kani, ki mia sugili li padibinbinli po. O go baa taa li naatonli yeni soama leni li ŋuabuali yeni yaa soama ki tieni ma li padibinbinli yina po leni li lindima kuli.

Levi 16:18 ပူးပေါင်းရင်းမြစ်များ

Mi Ñama 30:10

Li binli nni yenma, Alono baa padi ti tuonbiadi sugili padili, ki wuli ki padiyanga soama li padibinbinli yina po. Binli kuli, laa padili baa tieni nifiima n tuu nifiima. Li padibinbinli baa yaa tie o Diedo nintuali yaa bonla n gagidi ki ŋani hali boncianla.»

Esekieli 43:20

A baa taa li soama ki tieni li padibinbinli yinnaada yeni po, li bunbunli ñoakunnaadi po leni yaala n kugini ki lindi li kuli po. Yeni a baa ñani li padibinbinli yeni po ti tuonbiadi, ki gagidi ki ŋanbi li.

Esekieli 43:22

Li dalieli, ŋan taa yaa ŋuabuali n ki pia poadi, ki padi li ti tuonbiadi sugili miabu po. A baa tieni yeni ki ñani li padibinbinli tuonbiadi, nani ŋan den tieni maama leni li naatonbili, ki ñani ti tuonbiadi yeni.

Esekieli 45:19

O kopadiciamo baa taa ban padi yaa yanga ti tuonbiadi sugili miabu po yeni yaa soama, ki tieni ma ku diegu buliñoakpiani po, li padibinbinli bunbunli ñoakunnaadi po leni deeni luolu yaa buliñoakpianu po.

Levi 16:16

O baa tieni yeni ki mia sugili u kaangagidiŋamu po, kelima Isidayeli yaaba joagindi, bi biadima leni bi tuonbiadi kuli po. O baa tieni yeni leni u Kadikaanu Gbandieli, yaali n ye leni ba, bi joagindi nni.

Levi 16:17

Alono yaa kua u kaangagidiŋamu nni ki baa mia sugili yaa yogunu, oba kuli kan yaa ye u Kadikaanu Gbandieli nni, hali wan baa ña. O baa padi ki mia sugili wani o ba leni o diegu yaaba kuli po leni Isidayeli nitaanli kuli po.

Levi 4:18

O Diedo nintuali, o baa duuni mi soama yaa padibinbinli n se u Kadikaanu Gbandieli nni yeni yina po. O baa taa yaa soama n sieni ki wuli ma a padijuukaana binbinli yaali n se u Kadikaanu Gbandieli buliñoabu kani yeni tiipo.

Levi 4:25

O kopadiciamo baa tuu o nubili ki padiyanga yeni soama, ki duuni ma a padijuukaana binbinli yina po. Li yaa puoli, o baa wuli yaa soama n sieni li padibinbinli yeni tiipo.

Levi 4:7

O Diedo nintuali, o baa duuni mi soama ban juugi tulale yaa padibinbinli yina, lini yaali n se u kaangagidiŋanmoanu nni. O baa taa yaa soama n sieni, ki wuli a padijuukaana binbinli yaali n se u Kadikaanu Gbandieli buliñoabu kani yeni tiipo.

Mi Coadima 28:22

Yi baa padi ŋuabuali ti tuonbiadi po, ki mia yi tuonbiadi sugili.

Jan n diani U Tienu Laabaaliŋamo maama 17:19

N gagidi ki ŋanbi n yuli a po, ke bani moko n gagidi ki ŋanbi a po i moamoani nni.

Hebilunba 2:11

Jesu yua n gagidi ki ŋanbidi bi niba U Tienu po leni wan gagidi yaaba yeni kuli, taa Baayendo. Li tie lani yaa po ke waa jie i fe ki yini ba o waamu,