Levi 15:14 - U TIENU MAAMA TILI 2013

¹⁴ Li daniili, o baa taa kpaajefanmulie bi kpaajenawuundilie ki gedi o Diedo nintuali, ki teni o kopadiciamo u Kadikaanu Gbandieli kani.

Gourmanchéma Bible

¹⁴ Li daniili daali o baa taa kpaajefanmu lie bi kpaajenawuundi lie ki gedi ki teni o kopadiciamo u *Kadikaanu gbandieli kani Li Miali Diedo nintuali.

Levi 15:14 ပူးပေါင်းရင်းမြစ်များ

Levi 1:14

O nilo yeni padili yaa tie padijuukaali, ki tie bonyugiditi, o baa padi kpaajefanmu bi kpaajenawuundi.

Levi 12:6

Li yaa tie bonjaga bi bonpuoga yaa madi po, ke o ŋanbima dana pundi, o baa taa yaa pebiga n pia binyenli li padijuukaali po, ki go taa ku kpaajenawuungu bi ki kpaajiefanga ti tuonbiadi sugili miabu padili po, ki cua ki teni o kopadiciamo u Kadikaanu Gbandieli kani.

Levi 12:8

O pua yeni yaa kan fidi ki baa ki pebiga, o baa taa kpaajefanmulie bi kpaajenawuundilie ki cuani. Yendo baa tua li padijuukaali, o lielo mo baa tua ti tuonbiadi sugili miabu, lani, o baa ŋanbi.»

Mi Coadima 6:10

Li daniili, o baa cuani o kopadiciamo kani, kpaajefanmulie bi kpaajenawuundilie, u Kadikaanu Gbandieli buliñoabu kani.

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba po, ke timo n baa ki tua o yaa niinni U Tienu niteginkaaba.

Hebilunba 10:10

U Tienu yanbuama yeni po Kilisiti den puni o gbanandi, ki tua li padili ki kpe ti po yenma, ke li dagidi yogunu kuli po, ki gagidi ki ŋanbi ti.

Hebilunba 10:12

Ama, wani Kilisiti n den padi padiyenli bebe ti tuonbiadi po yaala n dagidi yogunu kuli po, o den kali U Tienu jienu.

Hebilunba 10:14

O padiyenli yeni yaa po, o teni ke wan gagidi ki ŋanbi yaaba dagidi cain, hali yaa yogunu kuli po.

Hebilunba 7:26

Wani n tie yaa kopadicianba bado buolu n dagidi ti po. O gagidi ki ŋani cain, waa pia tagiliba kuli, tuonbiadiba kuli mo ki ye o niinni. O paadi leni ti tuonbiadi danba, U Tienu den duoni o ke o pendi tanpoli kuli.