Levi 14:22 - U TIENU MAAMA TILI 2013

²² O go baa cuani kpaajefanmulie bi kpaajenawuundilie, nani o paalu n da maama. Yenga baa tua ti tuonbiadi sugili miabu padili, ki liega mo n tua li padijuukaali.

Gourmanchéma Bible

²² O go baa cuani kpaajefanmu lie yaaka kpaajenawuundi lie nani wan pia yaa banlu. Yenga baa tua ti tuonbiadi sugili miabu padili, ki liega mo n tua li padijuukaali.

Levi 14:22 ပူးပေါင်းရင်းမြစ်များ

Pisomi 68:13

A toagola yudanba sani ki yadi. Yaa puoba n sieni ti diedi nni boagidi ti fagidi.

I Yani 2:14

Fini n kpaajebuadiga, A wuo ti tanlondi nni, Ki go wuo mi joajiidima yaa mabinma nni. Cedi min le a nunga, Ki gbadi a nialu, Kelima a nialu mani, A nunga mo ŋani!»

Esayi 38:14

N den ñiidi nani ki tancancalinga N fidibi ki ñiidi maama yeni. N den mua nani ki kpaajiega yeni. N nuni den yaadi ki nua tanpoli Ke li pia mi ninñima. N Diedo, bi wangi nni fala! Tua n todika.

Esayi 59:11

Tikuli duni nani ki fuayanbiadiga ursi yeni. Ti bunbidi yogunu kuli mo Nani mu kpaajiemu yeni. Ti bi sugini yaa bujiali n tiegi, Ama tii baa puu kuli. Ti bi sugini mi faabima, Ama mi foagi leni ti.

Jeremi 48:28

Yinba Moabi yaaba, Ña mani i dogi nni ki ban yaa ye a juana nni. Tua mani nani yaa kpaajiega n tiendi o tiali Mi joayidima po yeni.

Esekieli 7:16

Yaaba n sieni ki naa kpe, Baa sani ki do a juana po, Nani ti joaloandi nni kpaajela yeni. Bikuli baa mua ki figindi, Yuakuli baa mua o tagili po.

Levi 14:21

O nilo yeni yaa tie luodo ki naa pia yaala n dagidi, o baa cuani pebiyenga, yaaga n baa tua o tudima padili. Bi baa tieni yaa bogidili n doagidi ke bi teni ga o Diedo, ki padi ki mia sugili o tuonbiadi po. O baa cuani yaa yonŋanma n kali leni mi kpama, kilo bonbitaa bebe, lan tua mi jiema paabu leni mi kpama litidi boagidima.

Levi 14:24

O kopadiciamo baa taa mi kpama litidi boagidima leni mi tudima padili yaa pebiga, ki tieni yaa bogidili n doagidi ke o teni U Tienu.

Levi 15:14

Li daniili, o baa taa kpaajefanmulie bi kpaajenawuundilie ki gedi o Diedo nintuali, ki teni o kopadiciamo u Kadikaanu Gbandieli kani.

Levi 5:7

Nilo yaa luo ki kan fidi ki baa pesalo bi ŋuasalo, wan cuani kpaajefanmulie bi kpaajenawuundilie o tudima padili po, ki padi o Diedo po. Yendo baa yaa tie i candanbaani padili, yendo mo baa yaa tie padijuukaali.

Mi Coadima 6:10

Li daniili, o baa cuani o kopadiciamo kani, kpaajefanmulie bi kpaajenawuundilie, u Kadikaanu Gbandieli buliñoabu kani.