Levi 14:21 - U TIENU MAAMA TILI 2013

²¹ O nilo yeni yaa tie luodo ki naa pia yaala n dagidi, o baa cuani pebiyenga, yaaga n baa tua o tudima padili. Bi baa tieni yaa bogidili n doagidi ke bi teni ga o Diedo, ki padi ki mia sugili o tuonbiadi po. O baa cuani yaa yonŋanma n kali leni mi kpama, kilo bonbitaa bebe, lan tua mi jiema paabu leni mi kpama litidi boagidima.

Gourmanchéma Bible

²¹ O nilo yeni yaa tie luodo ki naa pia yaala n dagidi, o baa cuani pebiyenga yaaga n baa tua o tudima padili. Bi baa tieni yaa bogidili n doagidi ke bi teni ga Li Miali Diedo ki padi ki mia sugili o tuonbiadi po. O baa cuani yaa yonŋanma n kali leni mi kpama, kilo bonba taa bebe lan tua mi jiema paabu leni mi kpama litidi boagidima.

Levi 14:21 ပူးပေါင်းရင်းမြစ်များ

Jobi 34:19

Waa diidi bi badijaba nunbu, Waa tiendi gagidima o piado leni o luodo siiga, Kelima wani n tagi bikuli.

Mi Kpanjama 17:5

Yua n ñuadi o luodo sugi yua n tagi o yo, Yua mangi o pali o lielo yebiadima po, Bi kan cedi o fanma.

Mi Kpanjama 22:2

O piado leni o luodo kuli tie yenme, Kelima o Diedo n tagi bani bonbilie yeni kuli.

Esekieli 46:7

O baa pugini o paabu yeni po, ŋalikama kilo piitaa naatonli kuli po, ŋalikama kilo piitaa petonli kuli po leni wan bua ki maani yaala a pebila mo yaa po. O baa pugini o paabu yeni po, mi kpama litidi bonbiluoba ŋalikama kilo piitaa kuli po.

Levi 1:14

O nilo yeni padili yaa tie padijuukaali, ki tie bonyugiditi, o baa padi kpaajefanmu bi kpaajenawuundi.

Levi 12:8

O pua yeni yaa kan fidi ki baa ki pebiga, o baa taa kpaajefanmulie bi kpaajenawuundilie ki cuani. Yendo baa tua li padijuukaali, o lielo mo baa tua ti tuonbiadi sugili miabu, lani, o baa ŋanbi.»

Levi 14:10

Li daniili, o baa taa pebilalie leni binli pesalo, yaaba n ki pia poadi, ki cuani yaa yoma n kali leni mi kpama, kilo bonbiyia leni mi kpama litidi boagidima.

Levi 14:22

O go baa cuani kpaajefanmulie bi kpaajenawuundilie, nani o paalu n da maama. Yenga baa tua ti tuonbiadi sugili miabu padili, ki liega mo n tua li padijuukaali.

Levi 27:8

Li yaa tie ke yaa nilo n niani li nianli yeni luo hali ke li pendi, ki naa baa fidi ki pa ŋan bili yaa dunga yeni, a baa taa o ki gedini o kopadiciamo kani. Wani n baa jagi li nianli yeni po, wan sua ke yua n niani li nianli yeni n baa fidi ki pa yaala.

Levi 5:11

Nilo yaa luo kaa fidi ki baa baa kpaajefanmulie, bi kpaajenawuundilie yeni, wan cuani mi yoma kilo bonbitaa ki teni o candandi padili po, kelima li tie tuonbiadi sugili miabu yaa padili.

Levi 5:7

Nilo yaa luo ki kan fidi ki baa pesalo bi ŋuasalo, wan cuani kpaajefanmulie bi kpaajenawuundilie o tudima padili po, ki padi o Diedo po. Yendo baa yaa tie i candanbaani padili, yendo mo baa yaa tie padijuukaali.

Luki 6:20

Lani, Jesu den yaadi ki diidi o ŋoadikaaba ki yedi: «Li pamanli ye leni yinba yaaba n tie a luoda, kelima U Tienu diema tie yi yaame.

2 Korenti 8:12

O nilo yaa pia li yankuali ki baa tieni mi todima, U Tienu baa gaa la ki nua o piama banlu, ki naa nua wan ki pia yaala.

2 Korenti 8:9

Yi bani ti Diedo Jesu Kilisiti ŋanbili, wani yua n den tie piado den tua luodo kelima yi yaa po, ke o luoma yeni teni ke yimo n baa lan kandi.

1 Samueli 2:8

O fiindi o ninñinnilo, ki ñandi o ku tangbangu nni. Ki fiindi o luodo, ki ñandi o ti baadi nni, Ki tendi ke bi taagi ki kaa leni a nikpiaga ti kpiagidi kaanu. O Diedo n die ki tinga benjieli kuli, Ki teni ke ki maa yi yaa po.