Levi 14:10 - U TIENU MAAMA TILI 2013

¹⁰ Li daniili, o baa taa pebilalie leni binli pesalo, yaaba n ki pia poadi, ki cuani yaa yoma n kali leni mi kpama, kilo bonbiyia leni mi kpama litidi boagidima.

Gourmanchéma Bible

¹⁰ Li daniili daali o baa taa pebila lie ya n naa pia poadi leni yaa pesalo n pundi binyenli kaa pia poadi ki go cuani yaa yoma n kali leni mi kpama, kilo bonba yia leni mi kpama litidi boagidima.

Levi 14:10 ပူးပေါင်းရင်းမြစ်များ

Mi Ñama 29:40

Ki pebikpiaga po, ŋan baa mi yoma kilo bonbitaa ki nugi ma leni olivie kpama litidiyendo leni boagidima, ki go pugini duven litidi bonyendo leni boagidima.

Levi 1:10

O nilo yeni padili yaa tie padijuukaali ki tie yanbiga, li yaa tie pia bi ŋuabo, o baa padi bontonli yaali n ki pia poadi.

Levi 1:3

O paabu yaa tie padijuukaali ki tie nua, o baa taa yaa naatonli n ki pia poadi kuli. O baa padi li u Kadikaanu Gbandieli yeni buliñoabu kani, ki baa o Diedo n gaa o po.

Levi 14:11

Yaa kopadiciamo n baa padi mi ŋanbima padili baa taa yaa nilo n bua ki ŋanbi yeni n cuani yaa bonla kuli, ki cua ki sieni o Diedo nintuali, u Kadikaanu Gbandieli buliñoabu kani.

Levi 14:12

O kopadiciamo baa taa pebiyenga ki padi ga mi tudima padili po. O baa taa mi kpama litidi boagidima leni ki pebiga yeni, ki tieni yaa bogidili n doagidi ke o teni la U Tienu.

Levi 14:15

Lani, o kopadiciamo baa ñani mi kpama litidi boagidima yeni niinni, ki cabi ma o gannupuogu nni.

Levi 14:21

O nilo yeni yaa tie luodo ki naa pia yaala n dagidi, o baa cuani pebiyenga, yaaga n baa tua o tudima padili. Bi baa tieni yaa bogidili n doagidi ke bi teni ga o Diedo, ki padi ki mia sugili o tuonbiadi po. O baa cuani yaa yonŋanma n kali leni mi kpama, kilo bonbitaa bebe, lan tua mi jiema paabu leni mi kpama litidi boagidima.

Levi 2:1

O nilo yaa baa padi yaa padili n tie jiema o Diedo po, o paabu n yaa tie yonŋanma. Wan kuodi mi niinni mi kpama, ki taa a dugibila ki pugini.

Levi 2:11

Yin baa padi o Diedo po yaa padili kuli, yin da tieni dabinli, kelima u mu n baa buoni yaa pada o Diedo po kuli siiga, padiliba kuli kan yaa pia dabinli bi siadi.

Levi 2:13

Ŋan tieni mi yaama a pada kuli nni. Ŋan da cedi a padili n luo yaama. Li tie a Tienu n pia yaa ŋantaado leni a yaa maalima. Ŋan tieni a pada kuli nni mi yaama.

Levi 23:13

Yi go baa pugini yaa paabu n tie ne: yaa yoma n kali leni mi kpama kilo bonbiluoba, man tua yaa paabu n juu leni u mu, ki pia u nuulumanu o Diedo po. Yi go baa cuani duven litidiyendo leni boagidima, li ñincabili po.

Levi 4:32

Li yaa tie ke o nilo yeni baa cuani o candandi po pia, o baa cuani pesalo, yua n ki pia poadi.

Levi 9:1

Dananii n den pendi, Musa den yini Alono leni o bijaba, ki go yini Isidayeli yaaba nikpela.

Mi Coadima 28:20

Yi baa cuani naatonli kuli po, mi yoma kilo bonbiyia, ke mi kali leni mi kpama. Li petonli mo yaa po, yi baa cuani kilo bonbiluoba.

Mi Coadima 6:14

O baa cuani o padili o Diedo po, yaa pebiga n pia binyenli, kaa pia poadoba kuli, li padijuukaali po. O go baa cuani pesalo yua n pia binyenli, kaa pia poadi, ti tuonbiadi sugili miabu padili po leni petonli, yaali n ki pia poadoba, mi taanyenma padili po.

Matie 8:4

Jesu den yedi o: «Ŋan fangi a yuli ki da yedi niloba liba. Ama, gedi ki ban waani a yuli o kopadiciamo, ki padi Musa n den bili yaa padili, lan tua bi po siedi ke a ŋanbi.»

Marki 1:44

ki yedi: «Fangi a yuli, ki da yedi niloba liba, ama gedi o kopadiciamo kani, wan ban le ŋa. Ŋan padi Musa n den bili yaa padili buolu a ŋanbima po, lan tua bi po siedi ke a ŋanbi.»

Luki 5:14

Jesu den yedi o ke wan da togidi niloba yaala n tieni, ki go yedi o: «Gedi ki ban waani a yuli o kopadiciamo, ki padi a ŋanbima padili, nani Musa n den bili maama, lan tua bi po siedi ke a ŋanbi.»

Jan n diani U Tienu Laabaaliŋamo maama 1:29

Lan den fii ki faa, Jan den laa Jesu ke o kpendi o kani, ki yedi: «Diidi mani U Tienu Pebiga, yua n ñandi ŋanduna tuonbiadi.

Jan n diani U Tienu Laabaaliŋamo maama 6:33

kelima U Tienu n puuni yaa jiema tie yaama n ñani tanpoli po ki jiidi ki puuni ŋanduna li miali.»

Jan n diani U Tienu Laabaaliŋamo maama 6:51

Mini n tie yaa jiema n fo, ki ñani tanpoli po ki jiidi ki puuni li miali. Yua n di laa jiema kuli, baa yaa ye hali yaa yogunu kuli. Min baa pa o yaa jiema yeni tie n gbanandi, min baa pa yaadi ŋanduna yaaba kuli po, ke ban baa li miali.»

1 Pieri 1:19

Ama, o den daa ki faabi yi leni Kilisiti yaa soama, yaama n pia mayuli hali boncianla, ki tie nani ban padi yaa pebiga n ki pia poadoba kuli yaama maama yeni.