Levi 13:6 - U TIENU MAAMA TILI 2013

⁶ Li daleleeli, o kopadiciamo go baa diidi o miliema. O yaa sua ke li legili bua ki bodi, ke laa pugidi o gbanu po, o kopadiciamo baa doagidi ki waani ke o nilo yeni ŋani, ke li tie calimu bebe. O nilo yeni baa ŋuudi o tiadi, ki ŋanbi cain.

Gourmanchéma Bible

⁶ Li daleleeli daali o kopadiciamo go baa diidi o mi liema. O yaa sua ke li legili bua ki bodi, ke laa pugidi o gbanu po, o kopadiciamo baa doagidi ki waani ke o nilo yeni ŋani, ke li tie calimu bebe. O nilo yeni baa ŋuudi o tiadi ki go ŋanbi cain.

Levi 13:6 ပူးပေါင်းရင်းမြစ်များ

1 Bi Badiba 8:38

a niba Isidayeli yaaba kuli yaa tuo bi tagili ki jaandi ki mia ŋa, bi yaa diidi ku naa diegu po ki yugidi bi nii ki jaandi a,

1 Bi Badiba 8:45

fini yua n ye hali tanpoli n gaa bi po bi jaandi leni bi miabu ki todi ba.

Pisomi 19:12

A naacemo baa u fanu, Li ñuadi yabi yua tuo ki ŋoadi Mi yedima po.

Mi Kpanjama 20:9

Ŋme n baa yedi: «N pendi n pali cain, Mii pia tuonbiadiba kuli.»

O Yanfuodaano 7:20

Moamoani de! Ki tinga nni ki pia yaa nilo n tiegi, Ki tiendi yaala n ŋani ki kan tudi.

Esayi 42:3

O kan kua ki dudi yaa ñinmuagu n diegi, O kan gbindi yaa fidisancabigu n ŋubidi. O baa doagidi yaa bujiali n tiegi Leni i moamoani.

Levi 11:25

Yua n tugi li bonkpienla, o baa ŋuudi o tiadi kuli ki yaa ye leni o joagindi hali ku yenjuagu.

Levi 11:28

Yua mo n tugi laa yankpienga baa ŋuudi o tiadi, ki yaa ye leni o joagindi hali ku yenjuagu. Yi baa yaa nua laa yandi kuli ke ti tie yi po joagindi.

Levi 11:40

Yaa nilo n ŋmani laa yankpienga baa ŋuudi o tiadi ki yaa ye leni o joagindi hali ku yenjuagu. Yua mo n taa ki ñani ki yankpienga yeni baa ŋuudi o tiadi ki yaa ye leni o joagindi hali ku yenjuagu.

Levi 13:2

«O nilo yaa sua ke o gbanu pia maalima, bi caliga bi yaa legipienli n naani leni mi gbaadima, ban cuani o o kopadiciamo Alono kani, yaa ka o bijaba yaaba n tie bi kopadicianba yeni siiga nni yendo kani.

Levi 13:5

Li daleleeli, o kopadiciamo baa diidi o bonŋanla. O yaa sua ke li legili yeni naa talini ki pugini o gbanu po, o baa piadi ki luoni o miliema hali danalele goga.

Levi 13:7

Ama yaa nilo n den waani o kopadiciamo o calimu leni o legili yeni, ke o kopadiciamo doagidi ki waani o ke o ŋani yeni, yaa yuandi ki sua ke li legili talini o gbanu po, o baa gedi o kopadiciamo kani miliema. O kopadiciamo go baa diidi o calimu.

Levi 14:8

Ban ŋanbi yaa nilo yeni baa ŋuudi o tiadi kuli, ki kuo o gbanu po kobidi kuli, ki wali. Yeni, o baa ŋanbi. Li yaa puoli, o baa fidi ki kua li nagili nni. O kan fidi ki kua o gbandieli nni, danalele yàá tuoni.

LOMA YAABA 14:1

Yaa gaani mani yua n tadi li dandanli nni cangu, ki da nia leni o wan tama yaala po.

2 Korenti 7:1

N buakaaba, kelima tin pia laa ñoaniani yeni, tin yaa ŋanbidi mani ti yula. Tin yaa ñandi ti gbanandi leni ti yantiali kuli joagindi. Tin yaa tiendi ania ki suagi liiga leni mi gagidiŋanma, hali ki pundi li bianu U Tienu fangili nni.

Mi Tiadima 32:5

Bi yaa biidi bi yula, laa ŋua wani, Ama li ŋua o bila yaaba n pia i tagili, Bani u nibuobiadu yeni.

Hebilunba 10:22

Lani kuli yaa po, tin yaa nagidi U Tienu kani leni li payenli leni li dandanmoanli, ki yaa pia yaa pala n ŋuudi ki ñani yaa pali siedi n bia leni yaa gbanandi n ŋuudi leni mi ñinŋanma.

Hebilunba 9:10

Laa ñoamabona kuli den tuugi leni mi jiema, li bonñokaala leni mi wali-ŋanbima buoli kuli, yaama n da den baa ki ye hali mi lebidima yogunu n baa cua.

Jaki 3:2

Tikuli tudi yaa tudima buoli n yabi. O nilo yàá tudi o maama nni ba waamu, o tie yaa nilo n ŋani ki dagidi cain, ki fidi ki paani o gbanandi kuli.