Levi 13:20 - U TIENU MAAMA TILI 2013

²⁰ O kopadiciamo baa diidi o bonŋanla. O yaa sua ke li legili yeni kobidi pendi, o baa doagidi ki waani ke o nilo yeni joagini, kelima gbaadima yaa legile, yaali n legidi li sinakpinli yeni yaa nayiagu nni.

Gourmanchéma Bible

²⁰ O kopadiciamo baa diidi o bonŋanla. O yaa sua ke li legili yeni kobidi pendi, o baa doagidi ki waani ke o nilo yeni joagini kelima gbaadima yaa legile, yaali n legidi li sinakpinli yeni yaa nayiagu nni.

Levi 13:20 ပူးပေါင်းရင်းမြစ်များ

Levi 13:19

o yaa sua ke li sinakpinli n den ye naani yeni moali ki pieni, bi li yaa tieni li legimoanli, wan gedi ki waani o kopadiciamo.

Levi 13:2

«O nilo yaa sua ke o gbanu pia maalima, bi caliga bi yaa legipienli n naani leni mi gbaadima, ban cuani o o kopadiciamo Alono kani, yaa ka o bijaba yaaba n tie bi kopadicianba yeni siiga nni yendo kani.

Levi 13:21

Ama o kopadiciamo yaa laa ke li legili naa pia kobipiendi, ke li gbangu mo naa mia, ke yaala n bi moani yeni bua ki bodi, o baa piadi ki luoni li daano hali danalele.

Levi 13:3

O kopadiciamo baa diidi li legili yeni bonŋanla, o nilo yeni gbanu po. O yaa sua ke li legili yeni kobidi pieni, bi ke likani gbangu mia, li tie gbaadima yaa legile. Yaa kopadiciamo n biigi o yeni baa doagidi ki waani ke laa nilo joagini.

Matie 12:45

Lanwani, ki baa gedi ki ban taa cicibiadimulele, yaamu n bia ki cie kani kiba, mun yegi ki ban kua li niinni ki yaa ye. Laa nilo yeyuankaama baa yaa bia ki cie mi kpiama. Li baa tua yeni moala ne niba yaaba n bia po.»

Jan n diani U Tienu Laabaaliŋamo maama 5:14

Lan yeni waamu Jesu den tuogi o U Tienu diegu nni ki yedi o: «Diidi ki le, a baa laafia, ŋan da go tieni tuonbiadi, ke yaala n bia ki cie line n da cuo ŋa.»

2 Pieri 2:20

Li yaa tie ke yaaba n den faabi leni ŋanduna joagindi kelima ti Diedo, Jesu Kilisiti o Candaano yaa bandima po, bi yaa go kua lienni ke ti paadi ba, bi juodima baa yaa bia ki cie bi cilima.