Levi 11:44 - U TIENU MAAMA TILI 2013

⁴⁴ N tie Li Miali Diedo yi Tienu, yi baa gagidi ki ŋanbidi yi yula, ki yaa ŋani cain, kelima n gagidi ki ŋani cain. Yin da joagini yi baa leni yaa bonfuoda n balini tiipo yeni.

Gourmanchéma Bible

⁴⁴ Kelima n tie Li Miali Diedo yi Tienu, yi baa gagidi ki ŋanbidi yi yula, ke yin yaa ŋani cain, kelima n gagidi ki ŋani cain. Yin da joagini yiba leni laa bonfuoda yaaba n balini tiipo yeni.

Levi 11:44 ပူးပေါင်းရင်းမြစ်များ

Pisomi 99:5

Pagi mani o Diedo ti Tienu, Gbaani mani o taaŋmaakaanu kani, Ki pugi o kelima o gagidi ki ŋani!

Pisomi 99:9

Pagi mani o Diedo ti Tienu! Gbaani mani o joagagidikaali po, Kelima o Diedo ti Tienu ŋani.

Mi Ñama 16:12

«N gbadi Isidayeli yaaba yenbidi: Ŋan yedi ba: Dinla yaa yenjuagu, yi baa ŋmani ti nandi, ku tiŋaagu mo, yi baa ŋmani dupen ki guo. Yeni, yi baa bandi ke n tie Li Miali Diedo yi Tienu.»

Mi Ñama 19:10

O Diedo den yedi Musa: «Gedi bi niba kani ki gagidi ki ŋanbi ba dinla leni saala. Ban ŋuudi bi tiadi.

Mi Ñama 19:6

Yi baa yaa tie n po bi kopadicianba diema, ki go tie n po yaa nibuolu n gagidi ki ŋani.› Diidi ŋan baa maadi Isidayeli yaaba yaala.»

Mi Ñama 20:2

«N tie Li Miali Diedo yi Tienu yua n den ñani yi, yin den ye ti yonbidi naankani, Ejipiti diema nni.

Mi Ñama 22:30

Yi baa yaa tie n po yaa niba n gagidi ki ŋani. Yin da ŋmani mani ki moayanga n kpa yaa yanga. Yin taa laa nandi ki pa i sangbanli.

Mi Ñama 23:25

Yi baa yaa tuuni Li Miali Diedo yi Tienu po. O baa seligi yi jiema leni yi ñima. N baa deli ki ñani u yianu yi siiga.

Mi Ñama 6:7

N baa taa yi yin tua n niba. N baa yaa tie yi Tienu, yeni, yi baa bandi ke li tie mini Li Miali Diedo yi Tienu n faabi yi leni Ejipiti yaaba n tuuni yi yaa tuona kuli.

Esayi 43:3

N tie Li Miali Diedo yi Tienu, Isidayeli Tienu yua n Gagidi ki ŋani, Yi Candaano. N daa yi Ejipiti kani ki faabi yi. Etiopi leni Seba mo n lebidi ki gaa yi kaanu.

Esayi 51:15

N tie o Diedo yi Tienu, Yua n lengidi mi ñincianma, Ki teni ke mi ñingola fu. O yeli n tie: «Li Miali Diedo U Paaciamu Kuli Daano.»

Levi 10:3

Musa den yedi Alono: «U Tienu o Diedo den tuodi ki waani yi lane wan den yedi: ‹N bua ke yaa niba n nagidi nni n yaa fangi n gagidiŋanma, ki kpiagi nni bi niba kuli nintuali.› » Alono den ŋmini suo.

Levi 11:43

Yin da tuo ki joagini yi yula leni yaa bonfuoda n balini ki tinga po yeni. Yin da tuo ban joagini yi.

Levi 18:2

«Yedi Isidayeli yaaba: N tie Li Miali Diedo yi Tienu.

Levi 19:10

Ŋan da goa ki cie yaala n sieni a duven tiidi bonluonkaala nni, ki da goa ki wodi yaala n suodi ki baa. A baa ŋaa lani o luodo leni o caano po. N tie Li Miali Diedo yi Tienu.

Levi 19:2

«Maadi leni Isidayeli yaaba nitaanli kuli ki yedi ba: Yi baa gagidi ki yaa ŋani kelima mini Li Miali Diedo yi Tienu, gagidi ki ŋani.

Levi 19:3

Yuakuli n fangi o naa leni o baa, ki kubi n fuodima dana ki gagidi a. N tie Li Miali Diedo yi Tienu.

Levi 19:4

Yin da lebidi ki ŋoadi tienfaama. Yin da duadi buliba leni ti kudi. N tie Li Miali Diedo yi Tienu.

Levi 20:26

Yi baa yaa tie n po bi nigagidiŋanba, kelima mini Li Miali Diedo gagidi ki ŋani. N den gagidi ki ñani yi i nibuoli nni, ke yin yaa tie n yaaba.

Levi 20:7

Yin gagidi ki yaa ŋani n po, kelima n tie Li Miali Diedo yi Tienu.

Levi 21:8

A baa nua o kopadiciamo ke o tie nigagidiŋamo, kelima o padi yaa pada n tie a Tienu jiema. O baa yaa tie a po nigagidiŋamo, kelima n gagidi ki ŋani, mini Li Miali Diedo yua n gagidi ki ŋanbidi yi yeni.

Amosi 3:3

Naani nibilie baa taani ki fii sanu Kaa kpa juogi ki dagini li po?

Mi Coadima 15:40

Yeni, yi baa yaa tiani n ñoamabona kuli po, ki yaa kubi a. Yi baa yaa tie yaaba n gagidi, ki ŋani yi Tienu po.

Matie 5:48

Yin gagidi ki yaa ŋani nani yi Baa yua n ye tanpoli n gagidi ki ŋani maama.

Mi Tiadima 14:2

Yi tie yaa nibuolu n gagidi ki ŋani o Diedo yi Tienu po. Yinbe ke o Diedo yi Tienu den gandi, ki tinga nibuoli kuli siiga, ke yin tua wan die yaaba.

1 Tesaloniki 4:7

U Tienu ki den yini ti ke tin yaa ye mi conconma nni ka, ama mi gagidiŋanma nni.

Josue 24:19

Ama Josue den yedi Isidayeli yaaba: «Yi kan fidi ki yaa ŋua Li Miali Diedo, kelima o tie U Tienu, ki gagidi ki ŋani cain, ki go pia li nunponli mo. O kan tieni yi po sugili yi yiema leni yi tuonbiadi kuli po.

1 Pieri 2:9

Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.

Mi Doagidima 22:11

Yua n naa tiegi, n suagi ki yaa tiendi yaala n ki tiegi. Yua n joagini, n suagi ki yaa joagindi o yuli. Yua n tiegi, n suagi ki yaa tiendi yaala n tiegi. Yua n gagidi ki ŋani, n suagi ki yaa gagidi ki ŋanbidi.»

1 Samueli 2:2

Yua n Gagidi ki ŋani nani fini o Diedo kuli naa ye. Toa kuli ki ye ke laa tie fini. Oba ki guu ti nani fini U Tienu ti Tanciangu.

1 Samueli 6:20

Lane Beti-Semesi yaaba den yedi: «Ŋme n baa fidi ki yaa ye ki fo o Diedo U Tienu Yua n Gagidi ki ŋani nintuali? Ku kpaku baa gedi le ki foagidi ti kani?»