Levi 10:3 - U TIENU MAAMA TILI 2013

³ Musa den yedi Alono: «U Tienu o Diedo den tuodi ki waani yi lane wan den yedi: ‹N bua ke yaa niba n nagidi nni n yaa fangi n gagidiŋanma, ki kpiagi nni bi niba kuli nintuali.› » Alono den ŋmini suo.

Gourmanchéma Bible

³ Musa den yedi Alono: «U Tienu Li Miali Diedo den tuodi ki kadi ki waani yi lane wan den yedi: ‹N bua ke yaa niba n nagidi nni n yaa fangi n gagidiŋanma, ki kpiagi nni bi niba kuli nintuali.› » Alono den ŋmini suo.

Levi 10:3 ပူးပေါင်းရင်းမြစ်များ

Mi cilima 18:25

A kan tuo o niteginka n taani ki kpe leni o nibiado. A kan tuo o niteginka n tua yenma leni o nibiado. Laa tuonli buolu foagi leni a. Li foagi leni a cain. Naani yua n ja ti buudi leni ki tinga yaaba kuli, o kan tieni mi teginma?»

Jobi 2:10

Ama Jobi den guani ki yedi o: «A maadi nani yaa pua n ki pia yama yene! Be yaa po yo ke ti baa yaa gaani U Tienu kani yaala n ŋani, Ki nan kan gaa yaala n bia wani?» Ba laa bonla kuli yaa niinni, Jobi naa den tieni ti tuonbiadi o maama nni.

Pisomi 119:120

Min fangi a maama teni Ke n gbanu jeli. N jie a buudi mo.

Pisomi 148:14

O pugini o niba paalu leni bi jigidi, Li tie kpiagidi bonla yo o nidugikaaba po, Isidayeli yaaba, bani yaa niba N nagi leni o bonŋanla yeni po. Pagi mani o Diedo!

Pisomi 39:10

N ŋmini suo, n kan yaadi n ñoabu, Kelima fini n tieni nni laa bonla.

Pisomi 39:9

Faabi nni leni n tuonbiadi kuli. Da tuo o yanluodaano n yaa fiagidi nni.

Pisomi 46:10

Wani n tendi ke bu toabu gbendi I kaani kuli. O kua li dabanli ki jendi li kpaanli. O buoni bu toabu teliti kuli leni u mu.

Pisomi 89:7

Li Miali Diedo, ŋme n baa tuo Ki biigi o yuli leni a tanpoli po? A bila siiga, ŋme n naani leni a?

Pisomi 93:5

A mabilikaama kuli tie moamoane cain, O Diedo, mi gagidiŋanma dagidi Leni a diegu u yogunu kuli po.

Mi Ñama 14:17

Nmo baa teni Ejipiti yaaba pala n juagi, ban ŋoadi ba mi ñima nni. N baa guli Faraon, o toatieba, o teliti leni o tandanba kuli, ki teni n kpiagidi n gedi foagima.

Mi Ñama 14:4

N baa teni Faraon pali n juagi, wan fii ki deli ke o baa cuo ba. Yeni, n yeli baa baa ti kpiagidi Faraon leni o toatieba tingbali nni. Ejipiti yaaba baa bandi ke n tie Li Miali Diedo.» Isidayeli yaaba den tieni yeni.

Mi Ñama 19:22

Ba bi kopadicianba yaaba n nagidi o Diedo kani, ban gagidi ki ŋanbi bi ba, ke o Diedo n da pua ki kpa ba.»

Mi Ñama 19:24

O Diedo den yedi o: «Fii ki jiidi. A baa yuandi ki do, fini leni Alono kuli. Ama bi kopadicianba leni bi niba n da sani ki do mini o Diedo kani, ke min da ti pua ki kpa ba.»

Mi Ñama 30:30

Ŋan wuli Alono leni o bijaba yula po mi kpagagidikaama, lan gagidi ki ŋanbi ba ban yaa tuuni n po.

Esayi 39:8

Esekiasi den guani, ki yedi Esayi: «Ŋan maadi o Diedo maama yaama yeni mani.» Esekiasi den tua o pali nni: «Mi yanduanma leni laafia baa yaa ye n miali dana nni.»

Esayi 49:3

O den yedi nni: «A tie n naacemo, Fini Isidayeli, min baa doagidi N kpiagidi fini yua yaa kani.»

Esayi 52:11

Gedi mani, gedi mani, Ña mani Babilonni diema nni! Da sii mani yaala n joagini kuli! Ña mani mi diema yeni siiga! Ŋanbi mani yiba, Yinba yaaba n tugi o Diedo tadimu yeni!

Esekieli 20:41

N yaa ñani yi, yin den yadi yadi ki ye yaa nilanbuoli leni yaa dielanma siiga, ki taani yi, n baa tuo ki gaa yi pada, nani yaa padijuukaana yaa muñii n pia u nuulumanu yeni. Yeni yinba n baa teni yaa nilanbuoli n sieni n bandi ke n gagidi ki ŋani.

Esekieli 28:22

Ŋan yedi ke mini o Diedo, U Tienu yedi mi naa maama: ‹N baa fii ki sedi fini Sidon po, Ki teni ban kpiagi nni a niinni. Lani, bi baa bandi ke n tie Li Miali Diedo, Kelima min baa jia yaa buudi po. Yeni, n baa doagidi n gagidiŋanma yi siiga.

Esekieli 38:16

A baa fii ki cua ki baa n niba Isidayeli yaaba, nani ti tawadi n yen libini mi diema maama yeni. Laa bonla baa tieni mi juodima yogunu. N baa teni ŋan cua ki baa n diema, ke i nilanbuoli n bandi nni. N baa teni bi nilanba n bandi nni leni fini Gogi paalu.›

Esekieli 40:46

Yaa dieli yaa buliñoabu n tiegi nujienu po yeni tie yaa kopadicianba n tuuni li padibinbinli tuonli po yo. Lani n tie Levi buolu yaaba siiga, Sadoki bijaba, yaaba n den baa fidi ki pundi o Diedo kani ki soani o po.»

Esekieli 42:13

O joa yeni go den yedi nni: «Nujienu po diena leni nuganu ya, ya n tiegi leni mi fanma yeni, tie yaa diena n gagidi ki ŋani. Yaa kopadicianba n kua u kaangagidiŋamu nni, baa yaa di yaala n gagidi ki ŋani cain laa diena nne. Bi baa yaa biliti lani nne yaa bonla n gagidi ki ŋani cain, bu paabu leni ban baa yaa biliti ban kodi yaa yandi ti tuonbiadi sugili po naani, kelima laa kaanu den gagidi ki ŋani.

Levi 21:15

Yeni, o kan kpiabi, ki cagini o puoliŋuani o buolu siiga, kelima n tie Li Miali Diedo yua n gagidi ki ŋanbi o.»

Levi 21:17

«Yedi Alono: A puoliŋuani kuli siiga, yaa joa n pia poadi o gbanandi nni kuli, o kan nagini ki padi yaa pada n tie o Tienu jiema yeni, ba yaa yogu n tuu yaa yogu.

Levi 21:21

O kopadiciamo Alono puoliŋuani kuli siiga, yua n pia poadi o gbanandi nni, kan fidi ki padi yaa pada n buodi u mu nni, o Diedo po. O pia poadi o gbanandi nni, lani yaa po o kan nagini ki teni o Tienu o jiema.

Levi 21:6

Bi baa kubi bi yula ki gagidi ki yaa ŋani bi Tienu po. Bi kan fali bi Tienu yeli, kelima bi padi o Diedo po a padijuukaana, yaala n tie bi Tienu jiema yeni. Bi baa yaa gagidi ki ŋanbidi bi yula.

Levi 21:8

A baa nua o kopadiciamo ke o tie nigagidiŋamo, kelima o padi yaa pada n tie a Tienu jiema. O baa yaa tie a po nigagidiŋamo, kelima n gagidi ki ŋani, mini Li Miali Diedo yua n gagidi ki ŋanbidi yi yeni.

Levi 22:9

Ban kubi n ñoamabonli yeni kuli, ki da ti kua ti tuonbiadi nni, kelima bi jiema po. Bi yaa joagini laa jiema mo, bi baa kpe. N tie Li Miali Diedo yua n gagidi ki ŋanbidi ba.

Levi 8:35

Lanwani, yi baa yaa ye u Kadikaanu Gbandieli buliñoabu kani, hali danalele, u yensiinu leni ku ñiagu kuli. Yin yaa kubi mani o Diedo bali maama kuli. Yeni, yi kan kpe. Lani n tie U Tienu n teni yaa ñoamabona.»

Mi Coadima 16:5

O den maadi leni Kore leni o cagili yaaba kuli, ki yedi: «Saala tiŋaagu, o Diedo baa doagidi, ki waani yua n tie o yua leni yua n gagidi ki ŋani. Lani, o baa teni wan nagini o. Wan baa gandi yua kuli, o den baa cedi wani yo n nagini o kani.

Mi Coadima 20:12

Li yaa puoli, o Diedo den yedi Musa leni Alono: «Nani yin kaa bi dugi n po, kaa den kpiagi nni Isidayeli yaaba nintuali yeni, yi kan gobidi ki kuani yaa nitaanli n tie ne, min puni ba yaa diema yeni niinni.»

Matie 10:37

Yua n bua o baa bi o naa ki cie mini, waa pundi ki yaa tie n ŋoadika. Yua n bua o bijua bi o bisalo ki cie nni, waa pundi ki yaa tie n ŋoadika.

Jan n diani U Tienu Laabaaliŋamo maama 12:28

N Baa, teni a yeli n baa ti kpiagidi.› » Lani, u nialu den maadi hali tanpoli po, ki yedi: «N teni ke li baa ti kpiagidi no, n go baa teni lin baa ti kpiagidi ki pugini.»

Jan n diani U Tienu Laabaaliŋamo maama 14:13

Yin baa mia yaala kuli n yeli nni, n baa tieni la, ke Baa n baa ti kpiagidi kelima Bijua po.

Mi Tiadima 32:51

Yi den tudi n po Isidayeli yaaba siiga Kadesi po, Meriba ñima kani, Tisini fanpienma nni. Yii den gagidi nni Isidayeli yaaba siiga.

2 Tesaloniki 1:10

wan cua yaa daali ki baa baa ti kpiagidi o nigagidiŋanba siiga, ke yaaba n daani o kuli mo n ñuadi o ŋamu. Yimoko baa ye bi siiga, kelima yi den daani ti siedo.

1 Pieri 4:17

U yogunu pundi ke ti buudi baa cili leni U Tienu diegu. Lanwani, li yaa tie ke ti buudi cili leni tinba, yaaba n yie kaa tuo ki tiendi U Tienu Laabaaliŋamo n yedi yaala mo yaa juodima baa yaa tie lede?

1 Samueli 2:30

Lani yaa po, mini o Diedo Isidayeli Tienu yedi: ‹N den bili ke a diegu leni a baadiegu baa yaa tuuni li kopadiciantuonli n nintuali hali yaa yogunu kuli. Ama dinla n kadi ki waani ke li kan go tua yeni. N baa kpiagi yua n kpiagi nni, ama yaaba n fali nni, n baa fali ba.

1 Samueli 3:18

Lanwani, Samueli den togidi o li kuli kaa wuoni liba. Eli den yedi: «O tie o Diedo, wan tieni yaala n dagidi o po.»

1 Samueli 6:20

Lane Beti-Semesi yaaba den yedi: «Ŋme n baa fidi ki yaa ye ki fo o Diedo U Tienu Yua n Gagidi ki ŋani nintuali? Ku kpaku baa gedi le ki foagidi ti kani?»