Levi 1:9 - U TIENU MAAMA TILI 2013

⁹ O nilo yua n cua li padili po yeni, baa taa mi ñima ki ŋuudi tugu nni yaala leni a biana, o kopadiciamo mo n juu likuli li padibinbinli po. Li tie padijuukaali, u mu n buoni yaali, ke li nuulu mani o Diedo po.

Gourmanchéma Bible

⁹ O nilo yua n cuani li padili yeni baa taa mi ñima ki ŋuudi tugu nni yaala leni a biana, o kopadiciamo mo n sia likuli li padibinbinli po. Li tie padijuukaali, mi fantama n buoni yaa padili, yaali yaa nuulu n mani Li Miali Diedo po.

Levi 1:9 ပူးပေါင်းရင်းမြစ်များ

Mi cilima 8:21

O Diedo den gbadi yaa nuulu n mani o po. Lanwani, o Diedo den maadi o pali nni mi naa maama: «N kan go soli ki tinga kelima o nisaalo po, kelima o pali nni, o li tia mi biadima hali o biwaama yogunu. N kan go bolini yaala n fo kuli nani min tieni maama moala yeni.

1 Bi Badiba Jama 6:34

Alono leni o bijaba n den padi a pada, a padijuukaana padibinbinli po leni a dugibila, tulale padibinbinli po. Bi den tuuni u kaangagidiŋanmoanu nni, ki padi ki miadi sugili Isidayeli yaaba tuonbiadi po, nani U Tienu naacemo Musa n den bili maama.

2 Bi Badiba Jama 4:6

O go den tieni kumoantadimu piiga ki kuani mu ku diegu yeni niinni, ki sieni bonmumuu jienu po, bonmumuu mo ganu po, mi ŋuudima po. Laa taditi nne ke bi den ŋuudi yaala n tie a padijuukaana po kuli. Ku tadiciangu yeni ñima den ye bi kopadicianba nidima po yo.

Pisomi 51:6

N tieni a po ti tuonbiadi, N tudi fini bebe yaa po yo, N tieni yaala n bia a nuni po. Yeni, a yaa maadi, Li baa sua ke a pia i moamoani. A yaa jia n buudi mo, li kaa pia poadoba.

Pisomi 66:15

N baa padi a po li padijuukaali Leni yaa yandi n pia mi kpama, A petona leni a dugibila. N baa padi a po a naatona leni a ŋuabuana. Joma.

Mi Ñama 12:9

Yin da ŋmani ti, ke tii beni, yin da ŋaani ti mi ñima nni mo, ama yi baa puli ti ki taani li yuli, a biana leni ti nuadi kuli.

Mi Ñama 29:18

Ŋan juu li petonli yeni kuli li padibinbinli po. Laa bonla tie li padijuukaali o Diedo po, yaala n baa buodi ke li nuulu baa yaa mani, o Diedo U Tienu po.

Mi Ñama 29:25

Lani yaa pendi, ŋan gaa bi nuu nni ki juu la li padibinbinli po. Laa padili tie padijuukaali o Diedo nintuali, ki go tie yaa nuulu n mani o Diedo po.

Jeremi 4:14

Jerusalemi, ñani a pali nni mi biadima, Lani n tie ŋan baa mi faabima. Hali u laa yogunu yo, ke a baa waagi Ki kubi a pali nni ti yantiabiadi?

Esekieli 20:28

N den gedini ba min den yugidi n nuu ki poli ke n baa pa ba yaa diema nni. Bi den yaadi ki diidi yaa juana n kpedi leni yaa tiidi n biigi, ki den padi bi pada lankani. Bi den bieni n pali leni ban den kpendinni likani yaa paabu, yaa padijuukaana leni ban den cabini yaa ñincaba kuli.

Esekieli 20:41

N yaa ñani yi, yin den yadi yadi ki ye yaa nilanbuoli leni yaa dielanma siiga, ki taani yi, n baa tuo ki gaa yi pada, nani yaa padijuukaana yaa muñii n pia u nuulumanu yeni. Yeni yinba n baa teni yaa nilanbuoli n sieni n bandi ke n gagidi ki ŋani.

Esekieli 40:38

Diebiyenli go den ye a buliñoana buliñoajadi siiga. Lankane bi den ŋuudi ban den kodi yaa yandi a padijuukaana po.

Levi 1:13

O baa taa mi ñima ki ŋuudi tugu nni yaala leni a biana. O kopadiciamo baa maani likuli li padibinbinli po, ki juu. Li tie padijuukaali, u mu n buoni yaali, ke li nuulu mani o Diedo po.

Levi 1:17

O baa toadi i fiabi ki ban ŋaa lan yaa diegi. Lanwani, o kopadiciamo baa maani ku bonyugidigu yeni yaa daadi n maa li padibinbinli po ki co yeni po. Li tie padijuukaali, u mu n buoni yaali, ke li nuulu mani o Diedo po.

Levi 2:16

O kopadiciamo baa taa i yoncaginsagidi yeni leni mi kpama, ki taani leni a dugibila yeni ki juu li padibinbinli po, lan tua bontiadikaala. Li tie u mu n buoni yaa padijiema o Diedo po.

Levi 2:2

O baa taa ki gedini Alono bijaba, bi kopadicianba kani. O kopadiciamo baa yidi mi yonŋanma yeni nukuli, ke mi kpama leni a dugibila kuli ye lienni. O baa juu likuli li padibinbinli po, ki doagidi ke li padili yeni kuli tie o Diedo po. Li tie ban juu yaa padili ke li nuulu mani o Diedo po.

Levi 2:9

Wani o kopadiciamo baa ñani lienni yaala n baa yaa tie mi tiadima po, ki juu la li padibinbinli po. Li tie u mu n buoni yaa padili, yaali yaa nuulu n mani o Diedo po.

Levi 3:11

O kopadiciamo baa juu lane li padibinbinli po. Li tie u mu n buoni yaa padijiema o Diedo po.

Levi 3:5

Alono bijaba baa juu lani li padibinbinli po. O baa maani la, yaa padijuukaali n maa yaa daadi n co yeni tanpoli, likuli n buodi. Li tie u mu n buoni yaa padili, ke li nuulu mani o Diedo po.

Levi 4:31

O kopadiciamo baa ñani mi kpama kuli, nani ban tiendi mi taanyenma padiyanga maama yeni, ki juu ma li padibinbinli po, lan tua o Diedo po nuulumanu. O baa padi o nilo yeni po, ki mia o po sugili yene. Yeni, o baa baa sugili.

Levi 6:14

A baa sagi ma leni mi kpama ki sanga nni, ki cabidi boncaba caba ki cuani, man tua yaa paabu yaa nuulu n mani o Diedo po.

Levi 8:21

Ama o den taa mi ñima ki ŋuudi ti nuadi leni a biana, ki juu ki buoni li petonli yeni kuli cain li padibinbinli po. Li den tie yaa padili n juu ki buodi cain, yaali yaa nuulu n mani o Diedo po, nani wani o Diedo n den puogi Musa maama.

Levi 8:28

Li yaa puoli, o den gaa ki juu likuli li padibinbinli po, li padijuukaali tanpoli. Lini n tie li kopadiciantuonli kuama padili, yaa padili n juu ki buodi cain, yaali yaa nuulu n mani o Diedo po.

Levi 9:14

O den ŋuudi a biana leni ti nuadi, ki maani li padijuukaali po, ki juu likuli li padibinbinli po.

Sakari 13:7

Li Miali Diedo U Paaciamu Kuli Daano yedi: «Ki jugisiega, fii ki baa o yankpaalo, Min den taa yua ke o tie n todika yeni. Ŋan kpa o, lani i pe baa yadi i kaani kuli, Min baa ki cuo a bonbila.»

Mi Coadima 15:3

yi baa yaa padi o Diedo po, ban yen juugi yaa pada u mu nni: lan tie padijuukaali, ñoanianu padili, yanbuama paabu padili, bi jaanma dana pada. Yi baa padi i ne leni ti yanbidi, lan tua yaa nuulu n mani o Diedo po.

Mi Coadima 28:11

O ŋmaalo dakpiali kuli, yi baa padi naatonbilalie, petonyenli leni pebilalie, ya n pia binli binli, kaa pia poadi, ki padi ba li padijuukaali, o Diedo po.

Mi Coadima 28:7

Li ñincabili baa yaa tie mi daama litidiyendo leni boagidima, pebiga kuli po. A baa cabi mi daama yeni u kaangagidiŋamu nni, o Diedo po.

Mi Coadima 28:8

Yi baa padi ki pebiliega mo ku yenjuagu, ki taani leni bu paabu leni yaala n baa cabi nani ku tiŋaagu yaa pada yeni. Li baa yaa tie ban juu yaa padili u mu nni, ke li nuulu mani o Diedo po.

2 Korenti 2:15

Ti tie U Tienu po nani Kilisiti nuulumanu yeni, ki go tie yeni yaaba n ye mi tindima sanu nni leni yaaba n ye mi bodima sanu nni po.

Efesa 5:2

Yin yaa ye leni yiyaba leni mi buama, nani Kilisiti n den bua ti maama, ki puni o yuli U Tienu, ki tua yaa paabu leni yaa padili yaa nuulu n mani.

Mi Tiadima 12:27

Yi baa padi yi padijuukaana, ti nandi leni mi soama o Diedo yi Tienu padibinbinli po. Yi baa wuli yi pada soama o Diedo yi Tienu padibinbinli po, ama yi baa ŋmani ti nandi.

Filipi 4:18

N diani yeni ki waani yi ke yin den soani n po yaala kuli pundi n kani, ke n pia ke li kandi. Min den gaa yin den soani Epafroditi ke wan teni nni yaala yeni, mii go luo liba kuli. Yi paabu yeni tie nani yaa tulale yaa nuulu n mani leni U Tienu n gaa yaa padili ke li mani o po yeni.