Levi 1:5 - U TIENU MAAMA TILI 2013

⁵ O baa kodi ki yanga yeni u kaangagidiŋanmoanu nintuali. Alono bijaba, bi kopadicianba mo baa cuani mi soama ki mii mii li padibinbinli yaali n ye u Kadikaanu Gbandieli yeni nintuali kaani kuli.

Gourmanchéma Bible

⁵ O baa kodi ki yanga yeni u *kaangagidiŋanmoanu nintuali. Alono bijaba, bi kopadicianba mo baa cuani mi soama ki miimii li *padibinbinli yaali n ye u Kadikaanu gbandieli yeni nintuali kaani kuli.

Levi 1:5 ပူးပေါင်းရင်းမြစ်များ

2 Bi Badiba Jama 35:11

Bi den kodi i pe leni i ŋuabi mi pendima jaanma po, ki tendi bi kopadicianba mi soama ke bi wuliti ma li padibinbinli po. Levi buolu mo den lidi, ki ñandi ban kodi yaa yandi gbandi.

Mi Ñama 29:11

Ŋan kodi li naatonli o Diedo nintuali u Kadikaanu Gbandieli buliñoatuogili kani.

Mi Ñama 29:16

Ŋan kodi li petonli yeni, ki taa li soama ki wuli ma ki gaani ki lindi li padibinbinli kuli.

Mi Ñama 40:6

Ŋan sieni a padijuukaana binbinli li dieli buliñoabu nintuali, lani n tie u Kadikaanu Gbandieli nintuali.

Esayi 52:15

Moala o go baa tua yene, I nibuoli boncianla n baa yaa jie Yua. Bi badiba mo baa mubini bi ñoana o kani, Kelima bi baa le, ban kaa den togidi ba yaala, Ki gbadi ban kaa den kpa gbadi yaala.

Esekieli 36:25

N baa mii yi po yaa ñima n ŋani cain, ke yin ŋuudi ki ŋanbi. N baa ŋuudi ki ŋanbi yi leni yi joagindi leni yi buli kuli.

Esekieli 43:18

O joa yeni go den yedi nni: «Nisaalo biga, o Diedo U Tienu yedi: ‹Diidi yaa ñoamabona n bili ban baa maa yaa padibinbinli po, ki yaa juugi a padijuukaana, ki go miini li po mi soama.

Levi 1:11

O baa kodi li li padibinbinli jienu po, u kaangagidiŋanmoanu nintuali. Alono bijaba, bi kopadicianba mo baa wuli mi soama li padibinbinli po, ki gaani i kaani kuli.

Levi 1:15

O kopadiciamo baa padi ku bonyugidigu yeni li padibinbinli po. O baa jia o yuli leni o taajenbiñiagu, ki juu la li padibinbinli po. O baa ŋmiani ki ñani mi soama ki mii mii li padibinbinli po, ki gaani i kaani kuli.

Levi 16:15

O baa kodi ti tuonbiadi sugili miabu ŋuabuali bi niba po, ki taa li soama ki kandi bu kpalidoaginkaabu ki kua. O baa tieni laa soama mo nani wan bi tieni maama leni li naatonli yaa soama yeni. O baa mii mi soama ku kpaku biili po leni li nintuali.

Levi 17:11

kelima gbanandi kuli miali ye mi soama nne. N puni yi ma, ke man yaa ye li padibinbinli po, ke man pa yi sugili ki faabi yi miana, kelima li tie li miali po yo, ke mi soama puuni ti tuonbiadi sugili.

Levi 3:13

O baa maani o nuu ki padiyanga yeni yuli po, ki kodi ka u Kadikaanu Gbandieli buliñoatuogili kani. Alono bijaba baa wuli o soama li padibinbinli kaani kuli.

Levi 3:2

O baa maani o nuu ki padiyanga yuli po, ki kodi ka u Kadikaanu Gbandieli buliñoatuogili kani. Alono bijaba bi kopadicianba mo, baa mii mii mi soama li padibinbinli kaani kuli.

Levi 3:8

O baa maani o nuu ki padiyanga yeni yuli po, ki kodi ka u Kadikaanu Gbandieli buliñoatuogili kani. Alono bijaba baa mii mii mi soama li padibinbinli kaani kuli.

Levi 4:29

O baa maani o nuu o ŋuasalo yeni yuli po, ki kodi o ban kodi a padijuukaana yaa yandi naankani.

Levi 4:33

O baa maani o nuu o pesalo yeni yuli po, ki kodi o ban kodi a padijuukaana yaa yandi naankani.

Levi 4:7

O Diedo nintuali, o baa duuni mi soama ban juugi tulale yaa padibinbinli yina, lini yaali n se u kaangagidiŋanmoanu nni. O baa taa yaa soama n sieni, ki wuli a padijuukaana binbinli yaali n se u Kadikaanu Gbandieli buliñoabu kani yeni tiipo.

Mise 6:6

N baa cua o Diedo nintuali leni be? N baa pugi tanpolijoma Tienu leni be? Naani n baa cua leni yaa naabila N pia binyenli yenli yo Ki padi o po a padijuukaana?

Mi Coadima 18:17

Ama ŋan da gaa daafaabima ligi, i ne, i pe leni i ŋuabi wani yaa bontonkpiamu po, kelima laa yandi wani tie yaadi n ŋani. A yen baa kodi ti ki wuli mi soama li padibinbinli po, ki ñani mi kpama ki juu, lan tua bi padijuukaali, yaa padili yaa nuulu n mani o Diedo po.

Hebilunba 10:11

Kopadiciamo kuli yen se o tuonli kaanu daali kuli, ki tuuni o tuonli, ki go padi i yogini boncianla padibuoyendu, ya n kan fidi ki ñani ti tuonbiadi abada.

Hebilunba 12:24

Yi cua Jesu kani, wani yua n tie o ŋantaadipaano yaa candanbaalo leni o soama kani, yaama n mii ki maadi yaa maama n ŋani ki cie Abeli yaa soama n den maadi yaala.

1 Pieri 1:2

U Tienu yua n tie Baa den gandi yi, nani wan den tuodi ki bani ki jagi maama, ki teni ke o Fuoma gagidi ki ŋanbi yi, ke yin yaa tuodi ki tiendi Jesu Kilisiti n yedi yaala, o soama mo n mii ki ŋanbi yi. Li ŋanbili leni mi yanduanma n yaa pugidi yi po boncianla.

1 Samueli 1:25

Bi den padi naatonli, ki taa ki biga ki gedini Eli kani.