Levi 1:4 - U TIENU MAAMA TILI 2013

⁴ O baa maani o nuu ki padiyanga yeni yuli po. O Diedo baa gaa laa padili, ki ñani laa nilo po o tuonbiadi.

Gourmanchéma Bible

⁴ O baa maani o nuu ki padiyanga yeni yuli po. Li Miali Diedo baa ga laa padili ki ñani laa nilo po o *tuonbiadi.

Levi 1:4 ပူးပေါင်းရင်းမြစ်များ

Mi Ñama 28:38

Laa bonla baa yaa ye Alono yutunli po. O baa tugi Isidayeli yaaba tagili a pada po, laa tugili baa yaa ye o yutunli po, wan baa cua o Diedo nintuali yaa yogunu kuli. Yeni o Diedo baa gaa bi miabu.

Mi Ñama 29:10

Ŋan cuani li naatonli u Kadikaanu Gbandieli nni. Alono leni o bijaba baa maani bi nii li naatonli yuli po.

Mi Ñama 29:15

Ŋan taa a petona siiga yenli, Alono leni o bijaba baa maani bi nii li yuli po.

Mi Ñama 29:19

Ŋan taa li petonlieli, Alono leni o bijaba n maani bi nii li yuli po.

Mi Ñama 29:33

Yeni, bi baa je yaa padijiema n gagidi ki ŋanbi ba bi kopadicianba tuonli cilima po leni yaa padijiema n mia U Tienu sugili bi po. Nitoa kuli ki pia sanu ki je laa jiema, kelima mi tie yaa jiema n gagidi ki ŋani.

Esayi 56:7

N baa yini bani n joagagidikaali po, Ki teni ban mangi bi pala n diegu nni, Ban jaandi nni naani. N baa tuo ki gaa bi padijuukaana Leni bi pada kuli n padibinbinli po, Kelima n Diegu baa yaa yi I jaandi diegu yo i nibuoli kuli po.

Esekieli 45:15

Yi baa ñani yaa yandi n kpaa Isidayeli diema muabunli nni, pe kobilie siiga, peyendo bu paabu po, li padijuukaali po leni mi taanyenma padili ke lan tua ti tuonbiadi sugili miabu padili yi po. Li Miali Diedo U Tienu n yedi yeni.

Danieli 9:24

Li bili binalele taalima piilele a buolu leni a dogagidiko po. Lanyogunu bili ke mi yiema n gbeni, Ke mi tudima n baa u bianu, Ke ti tuonbiadi n baa sugili, Ke yaa teginma n baa yaa ye hali yaa yogunu kuli N doagidi ke li bonlekaala leni U Tienu saawalipuaba Den soagini yaala kuli n tieni, Ke u kaangagidiŋanmoanu mo n go gagidi.

Levi 16:21

Alono baa maani o niliedi li ŋuabuafuodili yeni yuli po, ki togidi Isidayeli yaaba tagili, bi biadima leni bi tuonbiadi kuli. O baa maani likuli li ŋuabuali yeni yuli po, ki teni ban gedini li mi fanpienma nni. Lani, o baa teni li, yua n baa deli ki yaani li mi fanpienma nni.

Levi 16:24

O baa wali yaa kaanu n gagidi nni, ki la o tiafandi. Li puoli, o baa ña ki padi wani o ba yaa padijuukaali leni o niba yaa padijuukaali. O baa mia sugili wani o ba leni o niba kuli po.

Levi 22:21

Li go baa yaa tie yene, o nilo yaa cua ki padi o Diedo po taanyenma padili, li yaa tie yaa yanga n ñani ti yanciandi nni bi ti yanbidi nni. Li yaa tie ke o cuani li nianli po, bi yanbuama po, o padiyanga yeni baa yaa tie yaaga n ki pia poadoba kuli. Yi yaa bua o Diedo n gaa yi paabu, se ki yanga yeni n da pia poadi kuli.

Levi 22:27

«Nua, pia bi ŋuabo yaa mali o biga, ki biga yeni baa ye leni o naa danalele. Li yaa pundi dananii ki yaa ji caa, li baa tuo ban taa ka ki padi o Diedo po li padijuukaali.

Levi 3:13

O baa maani o nuu ki padiyanga yeni yuli po, ki kodi ka u Kadikaanu Gbandieli buliñoatuogili kani. Alono bijaba baa wuli o soama li padibinbinli kaani kuli.

Levi 3:2

O baa maani o nuu ki padiyanga yuli po, ki kodi ka u Kadikaanu Gbandieli buliñoatuogili kani. Alono bijaba bi kopadicianba mo, baa mii mii mi soama li padibinbinli kaani kuli.

Levi 3:8

O baa maani o nuu ki padiyanga yeni yuli po, ki kodi ka u Kadikaanu Gbandieli buliñoatuogili kani. Alono bijaba baa mii mii mi soama li padibinbinli kaani kuli.

Levi 4:15

U Tienu nintuali, Isidayeli yaaba nikpela baa maani bi nii li naatonli yuli po, bi siiga yendo n kodi li.

Levi 4:20

O baa tieni laa naatonli moko nani ban tiendi i candanbaani padili yaa naatonli maama. O baa tieni lini moko yene. O kopadiciamo baa padi li nitaanli po, ki mia li po sugili yene. Li baa baa sugili mo.

Levi 4:24

O Diedo nintuali, o baa maani o nuu li ŋuabuali yeni yuli po, ki kodi li, ban kodi a padijuukaana yaa yandi naankani. Li tie i candanbaani padili.

Levi 4:26

O baa juu mi kpama kuli li padibinbinli po, nani ban tiendi maama mi taanyenma pada po. O baa padi o yudaano yeni po, ki mia o po sugili yene. Yeni, o baa baa sugili.

Levi 4:29

O baa maani o nuu o ŋuasalo yeni yuli po, ki kodi o ban kodi a padijuukaana yaa yandi naankani.

Levi 4:31

O kopadiciamo baa ñani mi kpama kuli, nani ban tiendi mi taanyenma padiyanga maama yeni, ki juu ma li padibinbinli po, lan tua o Diedo po nuulumanu. O baa padi o nilo yeni po, ki mia o po sugili yene. Yeni, o baa baa sugili.

Levi 4:33

O baa maani o nuu o pesalo yeni yuli po, ki kodi o ban kodi a padijuukaana yaa yandi naankani.

Levi 4:35

O kopadiciamo baa ñani mi kpama kuli, nani ban tiendi mi taanyenma padipia maama yeni, ki taani leni yaala n baa juu kuli, ki juu li padibinbinli po, ki taani leni u mu n buoni yaala o Diedo po. O baa padi o nilo yeni po, ki mia o po sugili yene. Yeni, o baa baa sugili.

Levi 4:4

O baa cuani li naatonli yeni u kaangagidiŋanmoanu nintuali, u Kadikaanu Gbandieli buliñoatuogili kani. O baa maani o nuu li naatonli yeni yuli po, ki kodi li lankani, o Diedo nintuali.

Levi 5:6

Li yaa puoli, o baa cuani o tudima yeni candanbaani po pesalo bi ŋuasalo, o kopadiciamo n padi ki mia o po o Diedo sugili.

Levi 6:7

Line n tie yaa padili n tie jiema bali maama. O Diedo nintuali, Alono bijaba n baa cua ki padi laa padili li padibinbinli kani.

Levi 8:14

O den teni ke bi cuani li naatonli i candanbaani padili po. Alono leni o bijaba den maani bi nii li naatonli yeni yuli po.

Levi 8:18

Li yaa puoli, o den teni ke bi cuani li padijuukaali petonli, Alono leni o bijaba den maani bi nii li petonli yeni yuli po.

Levi 8:22

Musa go den teni ke bi cuani li petonlieli, yaali n tie bi kopadicianba bali dinma po yeni. Alono leni o bijaba den maani bi nii li petonli yeni yuli po.

Levi 9:7

O den yedi Alono: «Nagini li padibinbinli kani, ki padi a candanbaani padili leni a padijuukaali. Tieni yeni ki mia sugili fini a ba po leni bi niba kuli po. Lani, ŋan padi bi niba po, ki mia bi po sugili nani o Diedo n bili maama.»

Mi Coadima 15:25

O kopadiciamo baa mia Isidayeli yaaba nitaanli kuli po, bi tuonbiadi sugili. Lani, bi baa baa sugili, kelima li tie yaa tuonbiadi ke bi tieni kaa bani. Bi go baa baa sugili, kelima bi cuani li padili, yaala n juu u mu nni, o Diedo po. Bi go baa baa sugili, kelima bi cuani ki padiyanga ti tuonbiadi sugili miabu po, ban tieni yaa tuonbiadi kaa bani yeni po.

Mi Coadima 15:28

O kopadiciamo baa padi ki mia yua n tieni ti tuonbiadi kaa bani yeni po sugili o Diedo nintuali. O yaa padi ki mia o po sugili, o baa baa sugili.

Mi Coadima 25:13

Laa ŋantaado baa yaa tie, wani leni o puoliŋuani kuli po, li kopadiciantuonli yaa ŋantaado, yua n baa yaa ye hali yaa yogunu kuli po, kelima o doagidi ke o pia o Tienu nunponli buolu, ki teni ke Isidayeli yaaba baa bi tuonbiadi sugili.»

Mi Coadima 8:10

Ŋan teni Levi buolu n nagini o Diedo nintuali, ke Isidayeli yaaba n maani bi nii bi po.

Mi Coadima 8:12

Levi buolu baa maani bi nii a naatona yeni yula po. A baa taa naatonyenli, ki padi ti tuonbiadi sugili miabu padili. Li naatonlieli mo, a baa padi li li padijuukaali o Diedo po, ki mia Levi buolu po, bi tuonbiadi sugili.

LOMA YAABA 12:1

Lani yaa po, n kpiiba, n mia yi ki go tundi yi, kelima U Tienu ninñingbadima po, ke yin pa U Tienu yi yula nani yaa padili n fo, yaali n gagidi ki ŋani ki mani o po. Lani n tie lan pundi, yin yaa kpiagidi o maama.

LOMA YAABA 3:25

U Tienu den tuodi ki bili ke wani Jesu baa tua i candanbaani padili yaaba n pia li dandanli o soama po kuli yaa po. U Tienu tieni yeni ke wan fidi ki doagidi o teginma, kelima o den juuni leni bi niba n den tieni yaa tuonbiadi u yogunkpelu kaa cuo ba ti po.

LOMA YAABA 5:11

Laa tie lani bebe ka, ama ti pia li pamancianli U Tienu nintuali, kelima ti Diedo Jesu Kilisiti po, wani yua n teni ke ti mangi leni U Tienu.

Filipi 4:18

N diani yeni ki waani yi ke yin den soani n po yaala kuli pundi n kani, ke n pia ke li kandi. Min den gaa yin den soani Epafroditi ke wan teni nni yaala yeni, mii go luo liba kuli. Yi paabu yeni tie nani yaa tulale yaa nuulu n mani leni U Tienu n gaa yaa padili ke li mani o po yeni.

Hebilunba 10:4

kelima li kan tuo a naatona leni a ŋuabuana soama n fidi ki ñani ti tuonbiadi.

1 Jan 2:2

Wani n tie i candanbaani padili ti tuonbiadi po. Laa tie ti yaa tuonbiadi bebe po ka, ama ŋanduna yaaba kuli yaa tuonbiadi po.