Levi 1:14 - U TIENU MAAMA TILI 2013

¹⁴ O nilo yeni padili yaa tie padijuukaali, ki tie bonyugiditi, o baa padi kpaajefanmu bi kpaajenawuundi.

Gourmanchéma Bible

¹⁴ O nilo yeni padili yaa tie padijuukaali ki tie bonyugiditi, o baa padi kpaajefanmu bi kpaajenawuundi.

Levi 1:14 ပူးပေါင်းရင်းမြစ်များ

Mi cilima 15:9

O Diedo den guani ki yedi o: «Ŋan taa yaa naasalo n pia binataa, yaa ŋuasalo n pia binataa, yaa petonli n pia binataa leni kpaajefanyenga leni kpaajenawuunyengu.»

Levi 12:8

O pua yeni yaa kan fidi ki baa ki pebiga, o baa taa kpaajefanmulie bi kpaajenawuundilie ki cuani. Yendo baa tua li padijuukaali, o lielo mo baa tua ti tuonbiadi sugili miabu, lani, o baa ŋanbi.»

Levi 5:10

o baa padi yaa kpaajiega n sieni, kan tua padijuukaali ki ŋoadi nani lan bili a padijuukaana po maama. Lanwani, o kopadiciamo baa padi o nilo yeni po, ki mia o po sugili. Yeni, o baa baa sugili.

Levi 5:11

Nilo yaa luo kaa fidi ki baa baa kpaajefanmulie, bi kpaajenawuundilie yeni, wan cuani mi yoma kilo bonbitaa ki teni o candandi padili po, kelima li tie tuonbiadi sugili miabu yaa padili.

Levi 5:7

Nilo yaa luo ki kan fidi ki baa pesalo bi ŋuasalo, wan cuani kpaajefanmulie bi kpaajenawuundilie o tudima padili po, ki padi o Diedo po. Yendo baa yaa tie i candanbaani padili, yendo mo baa yaa tie padijuukaali.

Matie 11:29

La mani n naakpakpaadi-daagu, ki gaa n bangima, kelima n dingi ki pia li yumiinli, yeni yi baa baa mi fuodima yi naani po.

Matie 21:12

Jesu den kua U Tienu diegu nni, ki deli ki ñani yaaba n kuadi leni yaaba n daa lienni kuli, ki tudi ki luni bi ligilebidiba kpagidi leni a kpaajekuada bonkalikaala.

Luki 2:24

Bi go den cuani nani o Diedo bali maama n bili ban baa padi U Tienu po yaala, lani n tie kpaajefanmulie, yaa ka kpaajenawuundilie.

2 Korenti 8:12

O nilo yaa pia li yankuali ki baa tieni mi todima, U Tienu baa gaa la ki nua o piama banlu, ki naa nua wan ki pia yaala.

Hebilunba 7:26

Wani n tie yaa kopadicianba bado buolu n dagidi ti po. O gagidi ki ŋani cain, waa pia tagiliba kuli, tuonbiadiba kuli mo ki ye o niinni. O paadi leni ti tuonbiadi danba, U Tienu den duoni o ke o pendi tanpoli kuli.