Kolosi 4:12 - U TIENU MAAMA TILI 2013

¹² Epafrasi yua n tie yi siiga yua, ki go tie Jesu Kilisiti naacemo moko fuondi yi. O moa yi po yogunu kuli o jaandi nni, ki miadi yi po, ke yin yaa tie yaaba n dagidi cain, ki bani U Tienu n bua yaala, ki yaa se ke li pa U Tienu sanŋoadima nni.

Gourmanchéma Bible

¹² Epafasa yua n tie yi siiga yua ki go tie Jesu Kilisiti naacemo moko fuondi yi. O moa yipo yogunu kuli o jaandi nni, ki miadi yipo ke yin yaa tie yaaba n dagidi cain, ki bani U Tienu n bua yaala, ki yaa se ke li pa U Tienu sanŋoadima nni.

Kolosi 4:12 ပူးပေါင်းရင်းမြစ်များ

Matie 5:48

Yin gagidi ki yaa ŋani nani yi Baa yua n ye tanpoli n gagidi ki ŋani maama.

Luki 1:1

N buado Teofili, bi niba boncianla den moandi ki diani yaala n den tieni ti siiga togida.

Luki 22:44

Li paboancianli den kubi o ke o jaandi ki pugidi. O tontonjena den tua nani mi soama yeni ki condi tiipo.]

Jan n diani U Tienu Laabaaliŋamo maama 12:26

O nilo yaa tuuni n po, wan yaa ŋua nni. Min baa yaa ye naani, wani n naacemo mo baa yaa ye lankane. Yua n tuuni n po kuli, n Baa baa jigini o.

LOMA YAABA 15:14

N kpiiba, n bani ke yi pala gbie leni li ŋanbili, ke yi bani cain yin baa yaa tiendi yaala kuli, ki go baa fidi ki tundi yiyaba.

LOMA YAABA 15:30

N kpiiba, n mia yi kelima ti Diedo Jesu Kilisiti yaa po leni U Tienu Fuoma buama po, ke yin taani leni nni min moa yaa muali nni, ki yaa jaandi U Tienu ki miadi o n po leni li yankuali.

1 Korenti 14:20

N kpiiba, da kpaagi mani nani a biwaala yeni. Li bonbiadila yaa po, yin yaa tie nani a canpanda yeni, ama yi kpaagili nni, yin yaa tie nikpela.

1 Korenti 2:6

Min bangi yaala, tie yanfuoma bangima yo Kilisiti niba yaaba n kpeligi li dandanli nni po. Laa yanfuoma naa tie o naa jamaano yaama ka, laa tie ŋanduna bali danba yaaba n ye mi bodima sanu nni yanfuoma mo ka.

2 Korenti 13:11

N kpiiba, n majuodikaama tie mine: Yin yaa mangidi mani yi pala. Moandi mani ki ŋanbi ki dagidi cain, baagi mani yiyaba, ki yaa pia mani yantiayenli, ki yaa mani leni yiyaba. Lanwani, mi buama leni mi yanduanma Tienu baa ye leni yi.

Galati 1:10

Moala po, naani n moandi ke bi nisaaliba n saa n po i moamoani bi, bi U Tiene? Naani n moandi ki bua ki mangi bi nisaaliba yaa pala bi? Li yaa tie ke n bi bua ki mangi bi nisaaliba yaa pala, n kan bi yaa tie Kilisiti naacemo.

Galati 4:19

N bila, n go baa ki laadi yi po yaa fala n tie nani u maditugukoanu hali yin baa baa Kilisiti tagu yi niinni.

Kolosi 1:22

o teni ke yi mangi leni o moala kelima o Bijua n den kpe yaa kuuma o gbanandi nni yaa po. U Tienu tieni yeni ki bua ke yin sedi o nintuali ki ŋani cain, ki da pia tagiliba kuli, kaa pia ban baa kuli yi leni yaala.

Kolosi 1:28

Ti tuodi ki wangi nilo kuli wani yaa maame, ki go bangi laa maama leni mi yanfuoma, ki bua ki cuani nilo kuli U Tienu kani, ke o dagidi cain Kilisiti nni.

Kolosi 1:29

Li tie lani yaa po ke n tuuni, ki moa li muali leni o yaa fidu, yuu n tuuni n niinni leni u paalu.

Kolosi 1:7

Li tie nani ti buado leni ti tuonsoanlielo Epafrasi n den bangi yi maama. O tie yi po Kilisiti naacendugika,

Kolosi 1:9

Li tie lani yaa po ke hali tin gbadi lani kuli yaa daali, ti jaandi yi po U Tienu kaa cedi, ki miadi o wan gbieni yi pala leni yaa yanfuoma leni yaa fanu n ñani wani U Tienu kani, ke yin bandi o yanbuama.

Kolosi 4:9

Ti kpibuado Onesimi yegi leni o. Omoko tie nidugika, ki tie yi siiga yua. Bi baa waani yi nekanba laabaalo kuli.

1 Tesaloniki 5:23

Mi yanduanma Tienu, wani o ba n yaa gagidi ki ŋanbidi yi cain yi pala nni, yi yantiana nni leni yi gbanandi nni kuli. Lani n tie yin da pia tagiliba kuli ti Diedo Jesu Kilisiti cuama daali.

Filemon 1:23

Epafrasi, mini leni yua n taa ki ye li kpaadidieli nni kelima Jesu Kilisiti yaa po, fuondi a.

Hebilunba 5:14

Ama yaa jiema n juagi tie yaaba n kpedi ki dagidi yaa po yo. Bani n tie yaaba n pia yaa yantiali n maani ki biigidi, ki gagidi yaala n ŋani leni yaala n bia.

Hebilunba 5:7

Wani, wan den tie nisaalo ki ye o gbanandi nni yaa yogunu, o den miadi U Tienu yua n baa fidi ki faabi o leni mi kuuma, i tantani leni ti nunsiidi nni. U Tienu den gbadi o miabu, kelima o den fangi wani U Tienu.

Jaki 1:1

Mini Jaki, U Tienu leni o Diedo Jesu Kilisiti naacemo, n diani yinba i piiga n buoliedi, yii n yadi yadi ki ye ŋanduna nni kuli po. N fuondi yi bonŋanla.

Jaki 1:4

Ama li tie tiladi ke li juunli n yaa tuuni li tuonli ki dudi cain, ke yin tua yaaba n ŋani ki dagidi cain, ki da luo liba kuli.

Jaki 5:16

Lanwani, yin tuo yi tuonbiadi yiyaba nintuali, ki go yaa jaandi yiyaba po ke yin paagi. O niteginka jaandi pia u paalu hali boncianla.

2 Pieri 1:1

Mini Simon Pieli, Jesu Kilisiti naacemo leni o tondo, n diani li tili yi po, yinba yaaba n taa leni ti ki baa yaa dandanli n tie bonmoanla, kelima ti Tienu leni Jesu Kilisiti ti Candaano teginma po.

Jude 1:24

U Tienu yua n baa fidi ki kubi yi, ke yin da tuudi ki baa, ki go sieni yi o kpiagidi kani li pamancianli nni, ke yi naa pia ban baa fidi ki kuli yi leni yaala, n baa ti pagidi.