Kolosi 3:5 - U TIENU MAAMA TILI 2013

⁵ Lanwani, yin kpa mani ŋanduna bonbuaka-biadila, yaala n die yi gbananbuoli, mi conconma, ti cagindi buoli kuli, ti gbanandi bonbuaka-biadila, yaala n joagini yaa buama kuli leni mi ŋalimanbuama, yaala n tie nani i buli ŋoadima yeni.

Gourmanchéma Bible

⁵ Lanwani yin kpa mani ŋanduna bonbuaka-biadila yaala n die yi gbananbuoli nni, mi conconma leni ti cagindi buoli kuli, leni ti gbanandi bonbuaka-biadila, leni yaala n *joagini yaa buama kuli, leni mi ŋalimanbuama, yaala n tie nani i *buli ŋoadima yeni.

Kolosi 3:5 ပူးပေါင်းရင်းမြစ်များ

Mi Ñama 37:22

A gbina leni i beni yii ñani u fidisantuankaanu kani kuli den duadi ki tie yenma. Likuli den taani ki tie wulamoano.

Matie 15:19

Ti yanmaalibiadi, mi kukpama, mi conconma buoli kuli, bu subu, mi siedifaama leni ti sugidi kuli ña li pali nne.

LOMA YAABA 1:26

Li tie lani yaa po ke U Tienu mo ŋaa ba, ke bi gbanandi fiima, yaama n tie ti cagindi ki jigidi ba, n paadi ba. Ba bi puoba ŋaa U Tienu n bili bi po yaala, ki cagini bi yula.

LOMA YAABA 1:29

Yaala n kaa tiegi kuli gbie bi pala nni, yaala n bia, mi ŋaliŋabuama leni mi biadima. Bi pala go gbie leni li nunponli, mi kukpama, li koanli, mi niama buoli kuli, bu nunfanbiadibu leni ku tugutongu.

LOMA YAABA 6:13

Yin da go teni ti tuonbiadi n diedi yi gbananbuoli, ki teni tin tua mi biadima jatiadi. Ama yin teni yi yula U Tienu, nani yaaba n fii bi tinkpiba siiga, ki go ye ki fo yeni. Yin yaa puuni yi gbanandi U Tienu ki teni tin tua mi teginma jatiadi.

LOMA YAABA 6:6

Ti bani ke bi den joani ti tagikpelu leni Kilisiti li dapoanpoanli po ke u kpe. Ti gbanankpiadi, ti tuonbiadi n die yaadi, kan go fidi liba. Lani n tie tin da go ye ti tuonbiadi yonbidi nni.

LOMA YAABA 7:23

Ama n go laa batoali n gbanandi nni. Laa bali n moa leni yaa bali n tuuni n yantiali nni, ki teni ke n tua ti tuonbiadi bali kpaadili.

LOMA YAABA 7:5

Li nisaali-yantiali n den die ti yaa yogunu, li bali maama den fiini li bonbuaka-biadila ti gbanandi kuli nni. Li den teni ke ti tiendi yaala n kpendinni mi kuuma.

LOMA YAABA 8:13

Yi yaa tiendi ti gbanandi n bua yaala, yi baa kpe. Ama yi yaa teni ke mi Fuoma paalu kpa yi gbanandi bontienkaala, yi baa yaa ye.

1 Korenti 5:1

I kaani kuli bi niba tua ke ti cagindi ye yi siiga, yaa cagindi buolu n kaa ye ba bi nilanba siiga. Lani n tie ke yi siiga, yendo ye leni o baa pua.

1 Korenti 6:11

Yi siiga bi nitianba den tie laa nibuolu, ama U Tienu ŋuudi yi, ki gagidi yi, ki teni ke yi tua niteginkaaba o Diedo Jesu Kilisiti yeli leni ti Tienu Fuoma po.

1 Korenti 6:13

Yi go tua: «Mi jiema ye ku tugu po, ku tugu mo ye mi jiema po.» U Tienu baa ti bolini likuli yenma. Ama ti gbanandi naa ye mi conconma po ka, ti ye o Diedo po, o Diedo mo ye ti gbanandi yaa po.

1 Korenti 6:18

Yin sani ki foagidi mani leni mi conconma. Tuonbiatoadi kuli ye ti gbanandi niinpo, ama yua n puni o yuli mi conconma po, tudi o gbanandi po yo.

2 Korenti 12:21

N jie ke n yaa cua, n Tienu baa miidi nni yi siiga. N jie ke n baa buudi kelima tianba po, bani yaaba n den kpa tieni ti tuonbiadi ki naa lebidi bi pala ki ŋaa ban den kubi ki tiendi yaa joagindi leni yaa conconma leni yaa cagindi kuli yeni.

Galati 5:24

Yaaba n tie Kilisiti yaaba joani ti gbanandi, ti yantiali leni ti bonbuakaala li dapoanpoanli po.

Efesa 4:19

Baa go bani i fe n tie yaala. Bi puuni bi yula mi conconma po, ki baa yaa tiendi ti joagindi buolu kuli, ki kuandi bi yama lienni ki pugidi.

Kolosi 2:11

O yaa niinne, ke yi kua yaa koanciagu n naa tie o nisaalo nuu n tieni yaala, ama Kilisiti n tieni yaala. Lani n tie ke yi landi ti nisaali-gbanandi tagibiadu.

1 Tesaloniki 4:3

U Tienu n bua yaala lani n tie yi gagidiŋanma, ke yin kubi yi yula ki da tieni conconbuoluba kuli.

1 Tesaloniki 4:5

ki da tuo o gbanandi bonbuakaala n diedi o nani bi nilanba yaaba n kaa bani U Tienu n tiendi maama.

1 Timote 6:10

I ligi buama tie bonbiadila buoli kuli yaa jiinu. Bi nitianba den kuani bi yama mi ligibuama nni, ki yaadi ki ŋaa li dandanli, ki kuani bi yula li pabiidicianli nni.

Hebilunba 12:16

Yin go fangi yi yula ke oba n da tie conconma daano leni yua n fali yaala n gagidi, nani Esayu yeni, yua n den kuadi o nikpedi kelima jeyenma po.

Hebilunba 13:4

Bi niba kuli n yaa jigindi li puotaali, ki da tuo li puotaali duanu n joagini, kelima U Tienu baa jia mi conconma buoli danba kuli buudi.

Hebilunba 13:5

Yin da pa yi yula i ligi buama po. Ama yin yaa mangidi yi pala leni yin pia yaala moala, kelima U Tienu yedi: «N kan ŋaa ŋa, N kan lu ŋa abada.»

Jaki 4:1

Yin pia yaa koana leni yaa janjanma kuli yi siiga yeni, likuli ŋua be? Laa ŋua yi gbanandi bonbuakaala, yaala n tiendi bu toabu yi gbanandi nni ka yo?

1 Pieri 2:11

N buakaaba, n mia ki go tundi yi, yinba yaaba n tie canba leni sancenba ŋanduna nni, ke yin yaa yiedi ki da tiendi yi gbanandi bonbuakaala, yaala n tiendi bu toabu leni yi yantiana.

Mi Doagidima 21:8

Ama bi jawaandanba, yaaba n ki daani, ti cagindi danba, bi nikpaba, mi conconma buoli kuli danba, u ñoagubiadu danba, i buli danba leni yaaba n pua mi faama kuli, bikuli yekaanu baa yaa tie u mu leni li cidibili n co yaa kpenu nni. Lani n tie mi kuliema.»

Mi Doagidima 22:15

Ama i sangbanli, u ñoagubiadu danba, mi conconma buoli kuli danba, bi nikpaba, i buli danba, yaaba n bua mi faama ki go pua ma kuli, baa yaa ye niinpo.