Kolosi 3:4 - U TIENU MAAMA TILI 2013

⁴ Kilisiti, yua n tie yi miana, yaa go cua ki doagidi o yuli yaa yogunu, yimoko baa taani ki doagidi leni o o kpiagidi nni.

Gourmanchéma Bible

⁴ Kilisiti, yua n tie yi miali, yaa go cua ki doagidi o yuli yaa yogunu, yi moko baa taani ki doagidi leni o o kpiagidi nni.

Kolosi 3:4 ပူးပေါင်းရင်းမြစ်များ

Pisomi 17:15

Ama mini wani n teginma nni, N baa le a nunga. N yaa fundi yaa yogunu, N baa ñuadi ŋan tie maama ki guo.

Pisomi 73:24

A gobidi nni leni a tundi, Li yaa puoli, a baa kuani nni Ti kpiagidi nni.

Matie 13:43

Lanyogunu, bi niteginkaaba baa yendi nani u yienu yeni, bi Baa diema nni. Yua n pia a tuba ki baa gbadi wan gbadi.

Luki 17:30

Li go baa tua yene o Joa Bijua n baa doagidi o yuli yaa daali.

Jan n diani U Tienu Laabaaliŋamo maama 11:25

Jesu den yedi o: «Mini n tie bi tinkpiba fiima leni li miali. Yua n daani nni, ba o yaa kpe, o baa yaa fo.

Jan n diani U Tienu Laabaaliŋamo maama 14:3

N yaa gedi ki ban ŋanbi yi po u kaanu yeni, n baa guani ki cua ki taa yi tin yegi, ke min ye naani, yimoko baa yaa ye lankani.

Jan n diani U Tienu Laabaaliŋamo maama 14:6

Jesu den yedi o: «Mini n tie u sanu, i moamoani leni li miali. Oba kuli kan pundi Baa kani, li yàá tie mini yaa po.

Jan n diani U Tienu Laabaaliŋamo maama 17:24

Baa, ŋan puni nni yaaba yeni, min baa yaa ye naankani, n bua bani moko n yaa ye lankane. Lani n tie ban yaa nua n kpiagidi, ŋan puni nni yaadi, kelima a den bua nni hali ke ŋanduna daa tagi.

Jan n diani U Tienu Laabaaliŋamo maama 20:31

Ama yaama n tie ne diani ke yin daani ke Jesu tie U Tienu n Gandi Yua, U Tienu Bijua, ke yi yaa tuo ki daani o, yin baa li miali o yeli nni.

Jesu Tondiba Tuona 3:15

Yi den kpa li miali yaa Diedo U Tienu n den fiini yua bi tinkpiba siiga. Ti tie siedinba laa bonla kuli po.

LOMA YAABA 8:18

Lani yaa po, n bani ke tin laadi yaa fala yaa yogunu n tie ne, kan fidi ki boagini leni U Tienu n baa doagidi yaa kpiagidi, yaadi n baa yaa ye.

LOMA YAABA 8:19

Mi tagima kuli guu leni mi sugincianma U Tienu n baa doagidi o bila yaa yogunu.

1 Korenti 1:7

Yeni U Tienu paabu kuli siiga, ba bonyenbu ki poadi yi po, yin guu ke U Tienu baa doagidi ti Diedo Jesu Kilisiti yaa yogunu.

1 Korenti 15:43

Bi buli ti ke ti gundi, ama ti baa guani ki fii ki pia ti kpiagidi. Bi buli ti ke ti tadi, ama ti baa guani ki fii ki pia u fidu.

2 Korenti 4:17

Tin laadi yaa fala u naa yogunu po, naa tie puu leni wan bogindi ti yaa kpiagidi po. Laa kpiagidi yabi ki kan pendi hali abada.

Galati 2:20

Lanwani, laa go tie mini yua n ye ki fo, li tie Kilisiti yua n ye ki fo n niinni. Min pia yaa miali n gbanandi nni moala, n pia li kelima n dugi wani U Tienu Bijua po, wani yua n den bua nni ki puni o yuli ki kpe n po.

Filipi 3:21

O yaa cua, o baa lebidi ti gbanandi, yaadi n tadi kaa go pia kpiagidi, ki teni tin yaa naani leni wani Kilisiti yaa gbanandi, yaadi n pia ti kpiagiciandi. O baa tieni lani, kelima o paalu po, yuu n teni ke o paani li bonla kuli, ki go die la.

1 Tesaloniki 4:17

Lani, tinba yaaba n sieni ki fo baa taani leni ba, ki yugi a tawala nni ki tuogi o Diedo mi fawaama nni. Lani, ti baa yaa ye leni o Diedo hali yaa yogunu kuli.

1 Timote 6:14

ke ŋan yaa ŋua min teni a yaa ñoamabonli na cain, ki da tudi ba waamu, hali ti Diedo Jesu Kilisiti n baa doagidi o yuli yaa yogunu.

2 Timote 1:1

Mini Poli, yua n tie Jesu Kilisiti tondo kelima U Tienu yanbuama po. U Tienu den soani nni, min yaa wangi wan den niani yaa miali Jesu Kilisiti nni yaa maama.

2 Timote 4:8

Ba moala bi bili n po mi teginma badifogiliga, o Diedo yua n tie o bujiateginka n baa pa nni yaaga o guacuama daali. O kan pa mini nbebe ka, ama yaaba n den bua o guacuama kuli.

Titi 2:13

ki go guu tin sugini yaala ke li pia li pamancianli yeni. Lani n tie ti Tienu, yua n tie Tienciamu leni ti Candaano Jesu Kilisiti kpiagidi doagidima.

Hebilunba 9:28

li tie yeni ke Kilisiti den padi o yuli ki kpe yenma, ki tugi bi nisaaliba boncianla tuonbiadi. O go baa cua mi liema ki doagidi o yuli ke li kan go yaa tie ti tuonbiadi ñanma po ka, ama yaaba n den guu o tindima po.

1 Pieri 1:13

Lani yaa po yin bogini, yi yantiana mo n yaa se kaanyendu, ki bili yi suginma yin baa baa yaa ŋanbili nni, Jesu Kilisiti n baa doagidi yaa yogunu.

1 Pieri 5:4

Lanwani, o yankpaaciamo yaa doagidi o yuli yaa yogunu, yi baa baa yaa kpiagidi n kan yindi yaa badifogiliga.

1 Jan 2:28

Lanwani, n bibuadimu, yin yaa ye o niinni, ke wan baa doagidi yaa yogunu, tin yaa pia li papaali, ke o guacuama daali, n da tua ti po fe.

1 Jan 3:2

N buakaaba, moala ti tie U Tienu bila. Tin baa tua yaala daa doagidi, ama ti bani ke o yaa doagidi yaa yogunu, ti baa yaa tie nani wani n tie maama, kelima ti baa le o nani wan tie maama.

1 Jan 5:12

Yua n pia U Tienu Bijua pia li miali, yua n ki pia U Tienu Bijua, waa pia miali.

Jude 1:24

U Tienu yua n baa fidi ki kubi yi, ke yin da tuudi ki baa, ki go sieni yi o kpiagidi kani li pamancianli nni, ke yi naa pia ban baa fidi ki kuli yi leni yaala, n baa ti pagidi.

Mi Doagidima 2:7

Yua n pia a tuba, wan cengi mi Fuoma n tua Kilisiti Nitaana yaala. Yua n koani mi jama ki paadi, n baa pa o wan yaa di li miali tibu, yaabu n ye ŋalijani nni, bonluonkaala.› »

Mi Doagidima 22:1

Lani, maleki yeni den waani nni li miali kpenciamu yuu n tie yengiyengi nani mi tanpenpelinma yeni, ke u ña U Tienu leni ki Pebiga bali kalikaanu kani.

Mi Doagidima 22:14

Li pamanli ye leni yaaba n ŋuudi bi liada, ke ban baa ki yaa di li miali tibu bonluonkaala, ki go yaa tagi ki kua u dogu buliñoana kani.