Kolosi 3:23 - U TIENU MAAMA TILI 2013

²³ Yin tiendi yaala kuli, yin yaa tiendi la leni li yankuali nani lan dagidi o Diedo po maama, ke laa tie bi nisaaliba po ka.

Gourmanchéma Bible

²³ Yin tiendi yaala kuli, yin yaa tiendi mani leni li yankuali nani lan dagidi o Diedo po maama, ke laa tie bi nisaaliba po ka.

Kolosi 3:23 ပူးပေါင်းရင်းမြစ်များ

2 Bi Badiba Jama 31:21

Wan den cili yaa tuonli kuli, U Tienu diegu tuonli nni, li bali maama nni leni mi mabilikaama nni, o den soani a ki lingi U Tienu yanbuama yo. O den soani laa tuona leni o pali kuli. U Tienu mo den todi o.

Pisomi 103:1

N baa pagi o Diedo leni n pali kuli. Yaala n ye n niinni kuli n pagi o yeli, Yaali n gagidi ki ŋani.

Pisomi 119:10

N lingi a leni n pali kuli, Da teni min jadi ki ŋaa a bali maama.

Pisomi 119:145

O Diedo n jaandi ki miadi a leni n pali kuli. Gaa n jaandi! Lani n tie min fidi ki kubi a mabilikaama.

Pisomi 119:34

Pa nni mi yanfuoma ke min fidi Ki kubi a bali maama, Yeni, n baa fidi ki yaa ŋua ma leni n pali kuli.

O Yanfuodaano 9:10

Ŋan baa fidi ki tieni yaala leni a fidu kuli, ŋan tieni la, kelima tuonli, bi kpaagili, bi banma, bi yanfuoma naa ye bi tinkpiba kaanu ŋan caa nan po yeni.

Jeremi 3:10

Ba leni lani kuli, o naataanpuoga Juda i janbi daano naa guani n kani leni o pali kuli, se faama bebe. O Diedo n yedi yeni.»

Matie 6:16

Yi yaa luo bu ñoabu yaa yogunu, da biidi mani yi nunmu nani palalie danba, yaaba n biidi bi nunmu ki baa waani bi niba ke bi luo bu ñoabu yeni. N waani yi i moamoani, bi baa bi panpaani n yeni.

LOMA YAABA 14:6

Yua n sua ke daaliba gagidi ki cie liyali, tieni yeni ki baa kpiagi o Diedo. Yua n di lan tie yaa jiema kuli, di ki baa kpiagi o Diedo, kelima o tuondi U Tienu o jiema po. Yua n kaa di jetianma moko tieni yeni, ki baa kpiagi o Diedo ki tuondi U Tienu.

LOMA YAABA 14:8

kelima ti yaa ye, ti ye o Diedo po, ti yaa kpe mo, ti kpe o Diedo po. Lanwani, ti yaa ye leni ti yaa kpe kuli, ti tie o Diedo yaaba.

Efesa 5:22

Yinba bi puoba, yuakuli n yaa miindi o yuli o calo kani, nani wan miindi o yuli o Diedo kani maama.

Kolosi 3:17

Yin maadi yaa maama kuli leni yin tiendi yaala kuli, tieni mani likuli o Diedo Jesu yeli nni, ki yaa tuondi U Tienu yua n tie Baa, kelima wani Jesu yaa po.

1 Pieri 1:22

Moala yi ŋanbi yi yula leni yin ŋua i moamoani, ke yin fidi ki yaa pia yaa buama n ki pia tuonanma yi kpiiba po. Lanwani, yin yaa bua yiyaba hali boncianla leni yi pala kuli.

1 Pieri 2:13

Lanwani, yin yaa miindi yi yula kelima o Diedo po, bi nisaaliba n dini yaa bali danba kuli kani, lan tie mi diema badiciamo yua n tugi li yuli,

1 Pieri 2:15

Lanwani, U Tienu bua ke yin yaa tiendi yaala n ŋani yeni, ki fidi ki mubini bi yanboandanba leni bi yanpiidanba ñoana.