Kolosi 3:16 - U TIENU MAAMA TILI 2013

¹⁶ Kilisiti maama leni man pia yaa ŋalimano kuli, n gbie yi pala nni. Yaa bangi mani ki go tundi yiyaba leni mi yanfuoma. Yaa yiini mani Pisomi, U Tienu yani leni yaa yani n doagidi mi Fuoma n bangi yi yaala, ki yiini ki pagi U Tienu leni i tuondi yi pala nni.

Gourmanchéma Bible

¹⁶ Kilisiti maama n gbie yi pala nni leni man pia yaa ŋalimano kuli. Yaa bangi mani ki go tundi yiyaba leni mi yanfuoma. Yaa yiini mani Pisoma, leni U Tienu yani, leni yaa yani n doagidi mi Fuoma n bangi yi yaala, ki yiini ki pagi U Tienu leni i tuondi yi pala nni.

Kolosi 3:16 ပူးပေါင်းရင်းမြစ်များ

1 Bi Badiba 3:28

Isidayeli yaaba kuli den gbadi o bado n den jia yaa buudi. Bi den fangi o kelima bi den laa ke U Tienu yanfuoma ye o niinni, ki gobidi o ke o joa ti buudi leni mi teginma.

1 Bi Badiba Jama 25:7

Bi den tie kobilie n piinii n nibinii, ki taani leni bi kpiiba yaaba n den bani o Diedo yani hali bonŋanla, ke bikuli tie bangikaaba.

Nehemi 12:46

kelima hali yogu, Davidi leni Asafi yogunu, li den pia bi yanyinba yudanba yaaba n gobidi ti pagidi yani leni i tuondi yani U Tienu kpiagidi po.

Jobi 23:12

Mii lebidi o bali maama. N kubi n pali nni o ñoamabona kuli.

Pisomi 119:11

N kubi a maama n pali nni, Ke min da tieni a po ti tuonbiadi.

Pisomi 119:54

A mabilikaama n tie n yani, Min ban ye ku cangu yaa diema yeni niinni.

Pisomi 138:1

Davidi yanbu. U Tienu, n pagi a leni n pali kuli, N baa yiini fini U Tienu nintuali ki pagi a.

Pisomi 28:7

O Diedo n tie n fidu leni n gbankoandigu. N dugi o po, kelima o todi nni, N pali mani hali ke li kandi. N baa yaa yiini ki pagi o.

Pisomi 32:7

A tie n po wuonkaanu ki kubi nni, Ki faabidi nni leni li paboanli. A teni ke mi faabima yani lindi nni. Joma.

Pisomi 71:23

N yaa yiini ki pagi a yaa yogunu, N pali baa yaa mani. N pali baa yaa mani hali boncianla, Kelima a faabi nni.

Mi Kpanjama 14:8

O yandaano faami o tagu po, Kelima o tie yanfuodaano. Bi yanluodanba bodi, Kelima bi yanluoma po.

Mi Kpanjama 18:1

Yua piadi ki ye o bebe, Lingi o yuceli ŋamu yo, Waa tuodi tundi mo.

I Yani 1:1

Salomon yanbu yaabu n mani ki cie i yani kuli.

Esayi 10:2

Bi deli ki foagidi a luoda ti buudi kaanu, Ki muni bi ninñinniba i moamoani, Ki tieni a kpepuona ban bua yaala, Ki kpabidi a kpienbila mo.

Esayi 26:1

Landaali bi baa yiini bu naa yanbu Juda diema nni: «Ti pia yaa dogu n pa. O Diedo puni ti i bilini yin tua Ti faabima leni ti wuonkaanu.»

Esayi 30:29

Yi baa yiini nani Mi jaanma daali ñiagu yeni. Yi pala baa yaa mani, Nani yua n cuoni ki ŋua Ki yeliga piebima yeni, Ki caa o Diedo juali po, Wani Isidayeli Tanciangu.

Esayi 5:1

Cedi mani min yiini n danli po, N danlibuado yanbu o duvenkuanu po. N danli den pia o duventiidi kuanu Yaa tinga n pia ti bugidi nni.

Jeremi 15:16

N yaa li gbadi a maama kuli, N yen li di ma yo, Kelima mi mangidi n pali hali boncianla. A maama yeni mani ki go nuagi n po, Kelima fini Li Miali Diedo U Paaciamu Kuli Daano n die nni. A yeli mo maa n po.

Matie 26:30

Ban den yini Pisominba, bi den ñani ki gedi Olivie Tiidi juali po.

Luki 2:51

O den yegi leni ba ki kuni Nasareti, ki tuo ki ŋua bi maama. O naa den kubi laa bonla kuli o pali nni.

Jan n diani U Tienu Laabaaliŋamo maama 15:7

Yi yaa tuugi leni nni ki ye n niinni, ke n maama mo ye yi niinni, mia mani yin bua yaala kuli, yi baa baa la.

LOMA YAABA 10:17

O nilo baa baa li dandanli kelima wan gbadi yaala po, wan gbadi yaala mo tie Kilisiti maama.

LOMA YAABA 15:14

N kpiiba, n bani ke yi pala gbie leni li ŋanbili, ke yi bani cain yin baa yaa tiendi yaala kuli, ki go baa fidi ki tundi yiyaba.

1 Korenti 14:15

Lanwani, n baa tieni lede? N baa jaandi leni U Tienu Fuoma, ama n baa yaa jaandi leni n yantiali mo. N baa yaa yiini leni U Tienu Fuoma, ama n baa yaa yiini leni n yantiali mo.

1 Korenti 14:26

N kpiiba, ti baa tieni lede? Yi yaa taani, one baa yaa pia bu yanbu, one mi bangima, one mi doagidima, one mi malanma, one mi malanma soaginma. Likuli n tieni ke Kilisiti Nitaanli n baa mi todima.

Efesa 1:17

Ti Diedo Jesu Kilisiti Tienu, wani Baa yua n pia ti kpiagidi kuli, n teni o Fuoma n yendi yi yantiana, ki go doagidi yi po U Tienu, yin bandi o moamoani.

Efesa 5:17

Lani yaa po, yin da tie yanluodanba, ama yin yaa fani ki moandi ki bandi o Diedo yanbuama.

Efesa 5:19

Lani, yi baa yaa maadi leni yiyaba, ki togidi Pisominba leni yaa yani n pagi U Tienu leni U Tienu Fuoma Yua n gobidi yi, ke yi yini yaa yani. Yaa yiini mani ki pagi o Diedo leni yi pala kuli.

Efesa 5:26

O den tieni yeni ki baa ŋuudi ki ŋanbi li leni mi ñima leni U Tienu maama.

Kolosi 1:28

Ti tuodi ki wangi nilo kuli wani yaa maame, ki go bangi laa maama leni mi yanfuoma, ki bua ki cuani nilo kuli U Tienu kani, ke o dagidi cain Kilisiti nni.

Kolosi 1:9

Li tie lani yaa po ke hali tin gbadi lani kuli yaa daali, ti jaandi yi po U Tienu kaa cedi, ki miadi o wan gbieni yi pala leni yaa yanfuoma leni yaa fanu n ñani wani U Tienu kani, ke yin bandi o yanbuama.

Kolosi 4:6

Yi maama n yaa mani yogunu kuli, ki tie nani yaa jiema n pia mi yaama ke li dagidi yeni. Li pundi yin yaa bani ki guani nilo kuli po yaa maguankaama n dagidi.

1 Tesaloniki 1:8

O Diedo maama naa den yadi yi kani Maseduani leni Akayi po bebe ka, ama yin pia yaa dandanli U Tienu po den yadi i kaani kuli, hali ke laa go tie tiladi tin maadi li po.

1 Tesaloniki 4:18

Lanwani, yin yaa baagidi mani yiyaba pala leni laa maama.

2 Tesaloniki 3:15

Yin da nua o ke o tie yi yibali ka, ama yin yaa nua o ke o tie yi kpiilo, ki tuo ki tundi o.

1 Timote 6:17

Ŋan tundi yaaba n tie a piada ŋanduna na niinni, ke ban da pia ti japaadi, ki da piani bi yula bi piama, yaama n ki pia dugidi. Ama ban piani bi yula U Tienu po, wani yua n puuni ti li bonla kuli ke li kandi, ki bua tin mangi ti pala li po.

2 Timote 3:15

Hali a biwaama nni a bani i Diani. I baa fidi ki pa ŋa mi yanfuoma, yaama n baa ciani a mi tindima nni, kelima a daani Jesu Kilisiti.

Titi 3:6

U Tienu den teni ke ti Candaano Jesu Kilisiti yadi ti po o Fuoma yeni ke li kandi.

Jaki 1:5

Yi siiga niloba yaa luo mi yanfuoma, wan mia U Tienu yua n puuni bi niba kuli leni ti bulicindi, kaa fu leni ba, o baa pa o ma.

Jaki 3:17

Ama yaa yanfuoma n ñani tanpoli n tie maama nne: Mi kpa ŋani cain, yaala n ŋua mo tie ke mi kpendinni mi yanduanma, ki dingi, ki pia li yumiinli, ki gbie leni mi ninñingbadima. Mi tiendi a tuonŋama, maa tiendi gagidima bi niba siiga, maa pia palalie mo.

Jaki 5:13

Yi siiga niloba yaa ye leni fala, wan jaandi. Niloba yaa ye leni li pamanli, wan yiini U Tienu yani, ki pagi o.

1 Jan 2:14

Yinba a biwaala, n den diani yi po kelima yi bani Baa. Bibaanba, n den diani yi po kelima yi bani wani yua n ye hali mi cilima. Bi nipanba, n den diani yi po kelima yi pia u fidu, U Tienu maama mo ye yi niinni, yi go paadi o Biado.

1 Jan 2:24

Yinba yaa po, li ŋani yin den gbadi yaala hali mi cilima n yaa ye yi niinni. Li yaa tie ke yin den gbadi yaala hali mi cilima ye yi niinni, yimoko baa yaa ye Bijua leni Baa niinni.

1 Jan 2:27

Ama yinba wani, yin den baa o kani yaa Fuoma Yua yeni, ye yi niinni, laa go tie tiladi ban bangi yi. Mi Fuoma yaama n bangi yi li bonla kuli, tie moamoandaano, kaa tie faadaano. Lani yaa po, yin yaa ye o niinni nani wan bangi yi maama.

2 Jan 1:2

Ti bua yi kelima i moamoani po, yii n ye ti niinni, ki go baa yaa ye leni ti hali yaa yogunu kuli.

Mi Doagidima 14:3

Bi den yiini bu yanpanbu li bali kalikaanu nintuali, a bonfuodinaada leni a nikpela nintuali. Oba kuli ki den fidi ki bandi bu yanpanbu yeni, kali bani, i kobiga n piinaadi n tudinaadi, ban den daa ki faabi yaaba ki tinga nni.

Mi Doagidima 15:3

ki yiini U Tienu naacemo Musa yanbu, buni, ki Pebiga yanbu, ki tua: «Li Miali Diedo U Tienu U Paaciamu Kuli Daano, A tuona yabi ki pia mi ñuadima. A sani tiegi ki tie moamoani, Fini yua n tie i nibuoli kuli bado.

Mi Doagidima 19:10

N den gbaani o taana kani ki baa kpiagi o, ama o den yedi nni: «Da tieni yeni. N tie fini leni a kpiiba, yaaba n kubi Jesu yaa siedi kuli yaa tuonsoanlielo. Kpiagi U Tienu, kelima Jesu yaa siedi n teni ke bi soani mi naa maama.»

Mi Doagidima 5:9

Bi den yiini bu yanpanbu ki tua: «A pundi ki gaa li tili ki tabidi mi maalima, Kelima bi den kodi a, Ke a daa bi niba U Tienu po leni a soama. Lani, a faabi ba i buoli leni i mabuoli kuli nni, Ki go faabi ba i nibuoli leni mi diema kuli siiga.