Kolosi 3:10 - U TIENU MAAMA TILI 2013

¹⁰ ki lani u tagipaanu, yuu n pandi mi bandima nni cain yogunu kuli, nani yua n tagi u yaa nannanli yeni.

Gourmanchéma Bible

¹⁰ ki lani u tagipaanu, yu n pandi mi bandima nni cain yogunu kuli, nani yua n tagi u yaa nannanli yeni.

Kolosi 3:10 ပူးပေါင်းရင်းမြစ်များ

Mi cilima 5:1

Line n tie Adama yaabila yela tili. U Tienu n den tagi o nilo yaa yogunu, o den tagi o wani U Tienu yaa nannanli nni.

Jobi 29:14

N yen taa mi teginma ki la, Man yaa tie n liadili, N moamoani mo n den tie N liadicianli leni n finfinjuadi.

Pisomi 51:10

Teni min le li pamancianli. Teni ŋan mudi n kpaba ya yeni mo N le li pamankandikaali, ki jeli ki ciaga.

Esayi 52:1

Fundi mani, fundi mani, Yinba Siyon yaaba! Fii mani leni yi fidu yinba U dogagidiŋamu, Jerusalemi yaaba! Bobi mani yi tiaŋandi, Kelima a jifola leni yaaba N joagini kuli kan go kua yi kani.

Esayi 59:17

O lani mi teginma nani ti kudi liadili yeni, Ki cibini o yuli po mi faabima kusanli. O lani li pantuuli nani ki liaditediga yeni, Ki lani li nunponli mo nani li liadijali yeni.

Esekieli 11:19

N baa pa ba payenli. N baa kuani bi niinni yantiayenli, n baa ñani bi pali yaali n juagi nani li tanli yeni, ki pa ba yaa pali n dingi.

Esekieli 18:31

Yin foagidi mani leni yin den tiendi yaa biadima. Lebidi mani yi pala leni yi yantiana. Be yaa po ke yinba Isidayeli yaaba baa kpe?

Esekieli 36:26

N baa pa yi a papaana ki go kuani yi niinni yantiapaana. N baa ñani yi pala ya n juagi nani a tana yeni, ki lebidi ki pa yi yaa pala n dingi.

Jan n diani U Tienu Laabaaliŋamo maama 17:3

Yaa miali n kan gbeni tie, ban bandi fini bebe, yua n tie U Tienu moamoani, ki go bandi ŋan soani yua, Jesu Kilisiti.

LOMA YAABA 12:2

Da taani mani leni ŋanduna na niinni yaaba. Ama yi yantiana pandima n teni yin lebidi, ke yin fidi ki gagidi ki bandi U Tienu yanbuama. Lani n tie yaala n ŋani, ki mani o po, ki go dagidi cain.

LOMA YAABA 13:12

Ku ñiagu bii ke li waagi, mi faama nagini. Lanwani, tin landi li biigili yaa tuonbiada, ki nan la mi yenma tuonŋama, nani ti toatiadi yeni.

LOMA YAABA 13:14

Yin la o Diedo Jesu Kilisiti yaa tagu nani li liadili yeni, ki da cedi yi gbanandi bonbuakaala n diedi yi.

LOMA YAABA 6:4

Lanwani, tin den batisi yeni, bi den taani ki piini ti leni o o kuuma nni. Nani ti Baa U Tienu kpiagidi paalu n den teni ke Kilisiti fii bi tinkpiba siiga maama, o baa teni timoko n yaa ye leni li miapanli yene.

LOMA YAABA 8:29

U Tienu n den tuodi ki bani yaaba, o go den tuodi ki gandi ba, ki baa teni ban tua nani o Bijua yeni. Wani o Bijua yeni mo n tua o bijakpelo o waamu yaaba n yabi boncianla siiga.

2 Korenti 3:18

Tinba yaaba yaa nunmu n pigidi, ke bi nua ti niinni o Diedo kpiagidi n ñuliti maama, U Tienu lebidi ti ke ti naani leni wani o Diedo yeni, ki baadi ti kpiagidi ki pugidi pugidi. O Diedo yua n tie mi Fuoma n tiendi lani kuli.

2 Korenti 4:16

Lani yaa po, tii luo papaali. Ba ke ti gbanandi kpeligidi ti niinni, ti pandi daali kuli.

2 Korenti 4:6

U Tienu yua n den yedi: «Mi yenma n yendi li biigili nni,» teni ke mi yenma yendi ti pala nni, ki puni ti U Tienu kpiagidi yaa bandima, yaadi n yendi Kilisiti nunga nni.

2 Korenti 5:17

O nilo yaa ye Kilisiti nni, o tie tagipanma, li bonkpelila pendi, li bonla kuli tua bonpanla.

Galati 3:27

Yinba, yaaba n den batisi Kilisiti nni, yi lani wani Kilisiti nani li liadili yeni.

Galati 6:15

Yaala n pia mayuli naa tie ki kua ku koanciagu, bi ki da kua ka. Lani kuli ki tie liba, kali ki yaa tie nipaano.

Efesa 2:10

Ti tie U Tienu nuu tuonli. O tagi ti Jesu Kilisiti nni, ke tin yaa tuuni a tuonŋama, wan den tuodi ki jagi ke tin yaa tuuni ya.

Efesa 2:15

O den bolini li bali maama leni man den pia yaa kuana kuli, ki taa laa nibuoliedi ki tagi nibuopaanyendu wani o ba yaa niinni, ki tieni mi yanduanma.

Kolosi 3:12

Lanwani, yinba U Tienu nigandikaaba, wan gagidi ki ŋanbi yaaba, ke yi tie o buakaaba, yin yaa la mi ninñingbadima leni li ŋanbili, li yumiinli, mi dingima leni li juunli.

Kolosi 3:14

Yi yaa tieni laa bonla kuli ki gbeni, yin la mi buama yaama taani ki loli yikuli yenma, nani lan dagidi maama.

Filemon 1:6

N miadi U Tienu ke ŋan pia yaa taanyenma leni ti kelima li dandanli yaa po, n yaa pia mayuli, ki teni ŋan bandi tin pia yaa seli kelima tin ye leni Kilisiti yeni po.

Hebilunba 6:6

bani yaa yaadi, li kan tuo yanlebidima n yaa go ye bi po. Bani bi ba go joani U Tienu Bijua li dapoanpoanli po, ki go fiagi o asala nni.

1 Jan 2:3

Yaala n baa doagidi ke ti bani U Tienu n tie line: Ti yaa kubi o bali maama.

1 Jan 2:5

Ama yua n kubi o maama, U Tienu buama ye o pali nni moamoani, ki dagidi cain. Yeni, ti bani ke ti ye o niinni.

Mi Doagidima 21:5

Yua n den kaa li bali kalikaanu den yedi: «Diidi ki le, n teni ke li bonla kuli kpandi bonpanla.» O go den yedi: «Ŋan diani laa maama, kelima mi tie moamoani ki go tie madugikaama.»