Kolosi 3:1 - U TIENU MAAMA TILI 2013

¹ Lanwani, yi yaa den fii leni Kilisiti bi tinkpiba siiga, yaa lingi mani yaa bonla n ye tanpoli po, Kilisiti n kaa naankani U Tienu jienu po.

Gourmanchéma Bible

¹ Lanwani yi yaa den fii leni Kilisiti bi tinkpiba siiga, yaa lingi mani yaa bonla n ye tanpoli po, Kilisiti n ka naankani U Tienu jienu.

Kolosi 3:1 ပူးပေါင်းရင်းမြစ်များ

Pisomi 110:1

Davidi Pisomi. Li Miali Diedo den yedi n Diedo: «Kali n jienu po, Hali min baa guli a yibalinba ŋan ŋmaa ba.»

Pisomi 16:11

A baa teni min bandi li miali sanu, Li pamanli yabi ki kandi a nintuali, Yaa yemanma n ki pia gbenma mo ye a jienu.

Mi Kpanjama 15:24

O yanfuodaano ŋua li miali sanu Yuu n caa tanpoli, Ki ŋaa yaa sanu n jiidi ki caa mi kuuma po.

O Yanfuodaano 10:2

O yanfuodaano yantiali gobidi o bonŋanla, ama o yanluodaano yaa yantiali wani cuoni sinsina yo.

Matie 22:44

O Diedo den yedi n Diedo: ‹Kali n jienu po, Hali min baa guli a yibalinba Ŋan ŋmaa ba.›

Matie 26:64

Jesu den guani ki yedi o: «Fini n yedi yeni. N go waani yikuli, moala liiga, yi baa ti le o Joa Bijua ke o kaa u Paaciamu Kuli Daano jienu po, ki go le o ke o ñani lankani ki kpendi ti tawadi nni.»

Matie 6:20

Ama yin yaa biliti yi ŋalimano tanpoli po, ti lulugidi leni i tantonmoani n kan bolini naankani, a suuda mo n kan kua ki su naankani.

Matie 6:33

Yin kpa lingi mani U Tienu diema leni o yaa teginma, lani, laa bonla kuli baa yuandi ki pugini yi po.

Marki 12:36

U Tienu Fuoma Yua den teni ke Davidi oba kadi ki yedi: ‹O Diedo den yedi n Diedo: Kali n jienu po, Hali min baa guli a yibalinba, Ŋan ŋmaa ba.›

Marki 14:62

Jesu den yedi o: «N tie wani. Yi baa ti le ke o Joa Bijua kaa U Paaciamu Daano jienu po, ki go le ke o ñani tanpoli ki kpendi ti tawadi nni.»

Marki 16:19

O Diedo Jesu n den maadi leni o ŋoadikaaba yeni, o den doni tanpoli, ki ban kali U Tienu jienu.

Luki 12:33

Kuadi mani yin pia yaala, ki pa a luoda yin baa yaa ligi. Ŋanbi mani yi yula po tanpoli po yaa ligiboaga n kan biidi leni yaa ŋalimani n ki pia gbenma, a suuda n kan nagini naankani, ti lulugidi mo n kan lugi ki bolini naankani.

Luki 20:42

Davidi wani o ba maadi Pisomi tili nni ki yedi: ‹O Diedo den yedi n Diedo: Kali n jienu po,

Luki 22:69

Die dinla liiga, o Joa Bijua baa yaa kaa U Paaciamu Daano U Tienu jienu po.»

Jesu Tondiba Tuona 2:34

Davidi naa den doni tanpoli po, ama o yedi: ‹Li Miali Diedo U Tienu den yedi n Diedo: Kali n jienu po,

Jesu Tondiba Tuona 7:55

Ama Etienni den gbie leni U Tienu Fuoma Yua ki den yaadi ki diidi tanpoli po ki laa U Tienu kpiagidi, ki go laa Jesu ke o se U Tienu jienu.

LOMA YAABA 8:34

Ŋme n baa jia leni ba ti buudi ki cuo ba? Oba kuli, kelima Jesu Kilisiti kpe, li cie yeni. O go den fii bi tinkpiba siiga. O ye U Tienu jienu po, ki miadi o ti po.

LOMA YAABA 8:6

Yua kuandi o yama ti gbanandi n bua yaala yaa niinni, li baa gedini o mi kuuma po. Ama yua n kuandi o yama U Tienu Fuoma n bua yaala yaa niinni, li baa gobidi ki gedini o li miali leni mi yanduanma po.

2 Korenti 4:18

Tii diidi bi niba n baa fidi ki le yaala ka, ama ti diidi ban kan fidi ki le yaala. Bi niba n baa fidi ki le yaala pia mi pendima, ama ban kan fidi ki le yaala naa pia pendima.

Efesa 4:10

Wani yua n den jiidi yeni, n tie yua n doni ki pendi hali tanpoli, ki baa gbieni i kaani kuli.

Efesa 5:22

Yinba bi puoba, yuakuli n yaa miindi o yuli o calo kani, nani wan miindi o yuli o Diedo kani maama.

Kolosi 2:20

Yi yaa kpe leni Kilisiti, yi paadi leni ŋanduna maasuagu. Be yaa po ke yi go tuo ke ŋanduna kuana die yi, nani yi da tie ŋanduna yaaba yeni?

Kolosi 3:2

Yaa kuandi mani yi yama tanpoli bonla nni, ki da kuandi yi yama ŋanduna yaa bonla nni.

Hebilunba 1:13

U laa yogunu yo ke U Tienu go maadi leni o malekinba kuli siiga, ba yendo ki yedi: «Kali n jienu po, Hali min guli a yibalinba ŋan ŋmaa ba?»

Hebilunba 1:3

Wani Bijua yeni n yadi U Tienu kpiagidi yenma. U Tienu n tie maama, o Bijua moko tie yene cain. O go kubi mi tagima kuli ke mi ye kelima o maama paalu po. Wan den soani ti tuonbiadi ŋuudiñanma tuonli ki dudi, o den kali hali tanpolijoma, U Tienu yua n pia ti kpiagidi jienu po.

Hebilunba 10:12

Ama, wani Kilisiti n den padi padiyenli bebe ti tuonbiadi po yaala n dagidi yogunu kuli po, o den kali U Tienu jienu.

Hebilunba 12:2

Tin yaa tiini ki nua Jesu yua n tie li dandanli cilika leni li ŋanbika. O den tuo li dapoanpoanli yaa kuuma, ki fali yaa fe n ye lienni, kelima yaa pamanli n den bili o po, ki kali U Tienu bali kalikaanu jienu po.

Hebilunba 8:1

Yaala n tugi li yuli tin maadi yaa maama kuli siiga n tie ne: ti pia yaa kopadicianba bado n kaa tanpoli, U Tienu yua n pia ti kpiagidi jienu po.

1 Pieri 3:22

Jesu doni tanpoli ki ye U Tienu jienu, ki die malekinba, li bali danba leni tanpoli paaciami danba kuli.