Kolosi 2:8 - U TIENU MAAMA TILI 2013

⁸ Fangi mani yi yula, ki da tuo oba kuli n cuo yi yama leni o nisaalo yanfuoma, yaama n ŋua bi nisaaliba bangima yaama n tie fanma fanma, ki tie boandi, ki ŋua bi nisaaliba danbogida leni ŋanduna paaciami, ki naa ŋua Kilisiti.

Gourmanchéma Bible

⁸ Yin fangi mani yi yula ki da tuo ke oba kuli n cuo yi yama leni o nisaalo yanfuoma yaama n ŋua bi nisaaliba bangima, yaama n tie fanma fanma ki tie boandi ki ŋua bi nisaaliba danbogida leni ŋanduna paaciami, ki naa ŋua Kilisiti.

Kolosi 2:8 ပူးပေါင်းရင်းမြစ်များ

I Yani 2:15

Cuo mani ti po i coli, A colibila yeni, Yaaba n biidi duventiidi, Kelima ti duventiidi kuli tie puume.

Jeremi 29:8

Li Miali Diedo U Paaciamu Kuli Daano, Isidayeli Tienu yedi: «Yin da teni yi saawalipuaba yaaba n kaa yi siiga n boandi yi. Yin da teni yi baayuadiida moko n boandi yi. Yin da tama ke yi dangidi bua ki bundi liba kuli,

Matie 10:17

Fangi mani yi yula leni bi niba, kelima bi baa yaa co ki caani yi li bujiali kani. Bi baa pua yi i baliji li bali maama bangima diena nni.

Matie 16:6

Jesu den yedi ba: «Fangi mani yi yula bonŋanla leni Farisieninba leni Sadusieninba dabinli.»

Matie 7:15

Fangi mani yi yula leni bi saawalipua-faadanba. Bi kpendi yi kani ki dingi nani i pe yeni, ama moamoani po, bi tie nani yaa fuasangbanbiadi n bua ki bolini yi yeni.

Jesu Tondiba Tuona 17:18

Ban den yi yaa yanfuodanba Epikuriyenba leni Sitoyisieninba siiga, bi tianba den boe leni Poli. Bine den tua: «O maciandaano na bua ki yedi be?» Bine mo n yaa tua: «Li naani ke o bua ki maadi bucaaniba yaa maame.» Bi den yedi yeni, kelima Poli den wangi ba Jesu Laabaaliŋamo leni bi tinkpiba fiima maama.

Jesu Tondiba Tuona 17:32

Ateni yaaba n den gbadi ke Poli maadi bi tinkpiba fiima maama, bine den ñuadi o, bine mo n yedi: «Ti go baa cengi a maama datoali.»

LOMA YAABA 16:17

N kpiiba, n tundi yi, ke yin fangi yi yula leni yaaba n fiindi mi paadima, ki go tie tingbali bonla yi siiga, ki naa ŋua yin den baa yaa bangima. Yin foagidi leni ba.

1 Korenti 10:12

Lani yaa po, yua n tama ke o se, wan fangi o yuli ki da baa.

1 Korenti 8:9

Fangi mani yi yula, ke yin pia u sanu ki tieni yaala n da tua tantuudikaali yaaba n tadi po.

2 Korenti 10:5

Ti guli yanmaalima buoli kuli leni ti yantia-japaadi yaala n fii ki yie U Tienu bandima po kuli. Ti go cuo ki dadi a yantiana kuli ke ŋan tuo ki yaa ŋua Kilisiti.

Galati 1:14

Jufinba jaanma yeni niinni, n den ŋua ma ki cie n buolu leni yaaba n taa leni nni saala boncianla, kelima min den pia li yankuali ke li pendi maama ti danbogida po.

Galati 4:3

Li den tie yeni leni tinba tin den tie nani a bila yeni yaa yogunu, ke ŋanduna bogida den die ti.

Galati 4:9

Ama moala ke yi bandi U Tienu, bi ke U Tienu bani yi, be n teni ke yi lebidi ki go ŋua bi nisaaliba bogida, ya n tadi kaa pia mayuli, ki bua ki go tua laa bonla yonbi?

Galati 5:15

Ama yi yaa ñii yiyaba ki go ŋmani yiyaba, fangi mani yi yula, ke yi baa bolini yiyaba.

Efesa 2:2

Lanyogunu yi den ŋua ŋanduna na yema sanbiadu leni mi fawaama nni paaciami bado, yua yaa yantiali n tuuni moala U Tienu yiekaaba pala nni.

Efesa 4:20

Ama yinba, yii den bandi Kilisiti yeni ka.

Efesa 5:6

Oba kuli n da boandi yi leni mi mafanma. Li tie laa bonla po yo ke U Tienu pabienli se yaaba n yie o kuli po.

Mi Tiadima 6:12

ke yi ti dini ki guo, yin fangi yi yula, ki da ti sundi o Diedo po. Wani yua n den ñani yi Ejipiti diema nni, ti yonbidi kaanu.

Filipi 3:2

Yin yaa fangi yi yula leni yaaba n tie nani i sangbanli leni bi tuonsoanbiadiba, yaaba n ñii ke ban kua ku koanciagu yeni.

Kolosi 2:18

Yin da tuo niloba kuli n fie yi nuama panpaani, nani wan bua maama, ba yaaba n kpali ke bi pia li yumiinli ki jaandi malekinba. Bi puni bi yula li bonlekaala po, ki gbengidi bi yula fanma fanma bi gbanandi yantiana po.

Kolosi 2:20

Yi yaa kpe leni Kilisiti, yi paadi leni ŋanduna maasuagu. Be yaa po ke yi go tuo ke ŋanduna kuana die yi, nani yi da tie ŋanduna yaaba yeni?

Kolosi 2:22

Laa kuana kuli maadi yaa bonla n pia mi tienma, ki baa bodi yaa maame. Akuli ŋua bi nisaaliba n bili ki bangi yaala bebe.

Kolosi 2:23

A kuana yeni tie nani a pia mi yanfuoma, kelima a cedi bi niba n gandi ban baa yaa jaandi maama, ki go bili bi niba n yaa miindi bi yula ki wangi bi gbanandi fala. Ama laa kuana naa pia mayuli, ki baa todi bi niba ban yaa paani bi gbanandi bonbuakaala.

1 Timote 6:20

Fini Timote, ŋan yaa guu U Tienu pianli, ki foagidi leni yaaba ki ŋua U Tienu, n pia yaa mafanma. Ŋan foagidi leni yaa niama n ñani bi niba banma, yaama n tie faama yeni kani.

2 Timote 3:13

Ama bi nibiadiba leni i boandi danba baa suagi liiga mi biadima nni, ki yaadi biba ki go yaa yaandi nitoaba.

Hebilunba 13:9

Yin da tuo bangicanmiba kuli n cuo yi yama, kelima li ŋani li ŋanbile n yaa paagidi o nilo pali. Ama lan da tie mi jiema kuana mabilikaama ka. Yaaba n ŋua laa mabilikaama buolu kuli, naa baadi todimiba lipo.

Hebilunba 3:12

N kpiiba, fangi mani yi yula ke yi siiga niloba, n da pia yaa pali n bia, ki luo li dandanli, hali yaala ke o baa lebidi ki ŋaa U Tienu yua n fo.

1 Pieri 1:18

Yi bani ke U Tienu ki den taa yaa bonla n baa bodi nani ŋanjilifa leni wula yeni ka, ki daa ki faabi yi leni yaa yema n tie fanma fanma, yin den baa yaama yi yaajanba kani.

2 Pieri 3:17

Lanwani n buakaaba, kelima yi tuodi ki bani laa bonla kuli, yin yaa fangi yi yula, ke U Tienu yiekaaba n da dadi yi bi yaadima nni, ke yi kan go yaa se ke li pa.

2 Jan 1:8

Fangi mani yi yula ke ti tuonli bonluonkaala n da bodi, ama ke lan todi yi, yin baa yi panpaani kuli.