Kolosi 2:7 - U TIENU MAAMA TILI 2013

⁷ ki yaa pia yi jiini o niinni, ki suagi liiga o sanŋoadima nni. Yin go yaa se ke li pa yi dandanli nni, nani ban den bangi yi maama. Yi pala n yaa gbie leni i tuondi o po, hali ke li kandi.

Gourmanchéma Bible

⁷ ki yaa pia yi jiini o niinni ki suagi liiga o sanŋoadima nni. Yin go yaa se ke li pa yi dandanli nni nani ban den bangi yi maama. Yi pala n yaa gbie leni i tuondi opo hali ke li kandi.

Kolosi 2:7 ပူးပေါင်းရင်းမြစ်များ

Pisomi 1:3

O tie nani ban ŋuu yaa tibu u kpenu kani, Ke bu luoni bu bonluonkaala bu yogunu yaa cua. Bu faadi mo kan mali. Wan tiendi yaala kuli cuoni o po bonŋanla.

Pisomi 92:13

Bi niteginkaaba bundi Nani bu kpakpalibu yeni, Bi kpedi tontoni nani Liban sediri tiidi yeni,

Esayi 61:3

N baa lebidi Siyon yaaba paboanli maalima, Ki teni ba ti kpiagidi lan lebidi Mi fantanpienma kaanu. N baa teni li pamanli tulale n gaa Li paboanli kaanu, Ti kpiagidi tiayiekaadi mo n gaa Li pabiidili kaanu Ke ban yaa yi ba mi teginma ticiandi, O Diedo tiŋuuke, yii n baa doagidi o kpiagidi.

Jeremi 17:8

O tie nani ban ŋuu yaa tibu u kpenu kani, Ke bu jiini tandi ki ban pundi ku baagu nni. Laa tibu naa bani ke wulugu ye. Bu faadi mo kan mali abada. U tayialu binli, bu yama naa yagini. Bu go baa yaa luoni yogunu kuli mo.

Luki 6:48

O tie nani yaa nilo n den bua ki maa li dieli. O den gbiidi hali ke li ñuagi ki pundi ku tangu, ki puu li tanpuuli ku yaa po ki maa o dieli. Li ñingocianli n den cua ki puubi ki tudi li dieli yeni, lii den fidi ki ŋmiagi li kelima li den maa ku tangu po.

LOMA YAABA 16:25

Tin yaa kpiagidi U Tienu, wani yua n baa fidi ki teni yin yaa se ke li pa o sanŋoadima nni, nani min wangi yaa Laabaaliŋamo, ki doagidi Jesu Kilisiti, n yedi maama. N wangi o nani U Tienu bondoaginkaala, yaala n den duagi ŋasiili nni hali yogu. Laa bondoaginkaala doagidi moala.

1 Korenti 1:8

Wani U Tienu n baa teni yin yaa se ki pa hali mi juodima yogunu, ke ban da fidi ki kuli yi leni liba kuli, ti Diedo Jesu Kilisiti cuama daali.

1 Korenti 15:58

Lanwani n kpibuadiba, yin yaa se mani bonŋanla ki da lengidi. Yin yaa suagi mani liiga o Diedo tuonli nni yaa yogunu kuli, ki bani ke yi tuonli o Diedo po kan tua fanma.

2 Korenti 1:21

Yua n teni ke ti taani leni yinba ki se ke li pa Kilisiti nni, tie U Tienu, wani yua n den gandi ti,

Efesa 3:17

ke Kilisiti n yaa ye yi pala nni kelima li dandanli po. N go mia o ke wan pa yi yin yaa pia i jiini leni li tanpuuli mi buama nni, ki se ke li pa.

Efesa 4:21

Yi den gbadi o maama, bi den bangi yinba yaaba n daani yaa moamoani n ye wani Jesu nni.

Efesa 5:20

Yaa tuondi mani U Tienu yua n tie Baa yogunu kuli li bonla kuli po, ti Diedo Jesu Kilisiti yeli nni.

Kolosi 1:23

Li baa yaa tie yeni ke yin yaa se bonŋanla yaa tanpuuli n pa po, kelima yi dandanli po, ki naa lebidi ki ŋaa o Laabaaliŋamo suginma, yin den baa yaadi. Bi waani ŋanduna yaaba kuli o Laabaaliŋamo yeni, mini Poli mo n tua yua yaa naacemo.

Kolosi 3:17

Yin maadi yaa maama kuli leni yin tiendi yaala kuli, tieni mani likuli o Diedo Jesu yeli nni, ki yaa tuondi U Tienu yua n tie Baa, kelima wani Jesu yaa po.

1 Tesaloniki 5:18

Yebuoli kuli nni, yin yaa tuondi U Tienu, kelima lani n tie U Tienu yanbuama yi po Jesu Kilisiti nni.

2 Tesaloniki 2:17

n yaa baagidi yi pala ki teni yin yaa se ke li pa yaala n ŋani tienma nni leni mi maama kuli nni.

Hebilunba 13:15

Lanwani, kelima Jesu po, tin yaa padi mani U Tienu po yaa padili n tie ti pagidi yaa yogunu kuli, lani n tie ti ñoana n yaa pagi o yeli.

Hebilunba 13:9

Yin da tuo bangicanmiba kuli n cuo yi yama, kelima li ŋani li ŋanbile n yaa paagidi o nilo pali. Ama lan da tie mi jiema kuana mabilikaama ka. Yaaba n ŋua laa mabilikaama buolu kuli, naa baadi todimiba lipo.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi.

Jude 1:12

Laa niba n go joagini yin taani leni yi kpiiba, ki di yaa jiema. Lankane bi yen di ki go ñu ke li pendi, kaa jie fe, ki nua bi yaa yula bebe. Bi tie nani u faalu n tudi yaa tawala n ki pia ñima yeni. Bi go tie nani li fali tiidi, yii n ki loni ba i yogunu, ama ki kpe ki kuodi cain, ke bi ŋabi yi yeni.

Jude 1:20

Ama yinba n buakaaba, yin yaa suagi liiga yi dandanli yaali n gagidi ki ŋani boncianla nni, ki yaa jaandi leni U Tienu Fuoma Yua yaa paalu.

Jude 1:24

U Tienu yua n baa fidi ki kubi yi, ke yin da tuudi ki baa, ki go sieni yi o kpiagidi kani li pamancianli nni, ke yi naa pia ban baa fidi ki kuli yi leni yaala, n baa ti pagidi.