Kolosi 2:13 - U TIENU MAAMA TILI 2013

¹³ Yinba yaaba n den kpe, kelima yi tuonbiadi leni yin kaa den kua koanciagu yi gbanandi nni maama po, U Tienu guani ki puni yi li miali kelima o po: O puni ti sugili ti tuonbiadi kuli po.

Gourmanchéma Bible

¹³ Yinba yaaba n den kpe kelima yi *tuonbiadi leni yin kaa den kua koanciagu yi gbanandi nni maama po, U Tienu goa ki puni ti li miali kelima o yaa po: Ki puni ti sugili ti tuonbiadi kuli po.

Kolosi 2:13 ပူးပေါင်းရင်းမြစ်များ

Pisomi 119:50

Li tie n po baage n yepaama nni, Kelima a ñoanianu n teni ke n ye.

Pisomi 32:1

Davidi yanbu. Li pamanli ye leni U Tienu n ñani Yua yaa tagili, Ki puni o o tuonbiadi sugili!

Pisomi 71:20

A den teni ke ti laa li paboanli Leni fala buoli boncianla, Ama a baa guani ki pa ti li miali. A baa teni tin ña yaa kuli n ye ki tinga nni.

Esayi 1:18

O Diedo yedi: «Cua mani tin taani ki juogi. Yi tuonbiadi yaa moani ba nani mi soama, Se tin guani ki pendi nani a tatana yeni. Ba yi tuonbiadi yeni yaa moani colicoli, Se tin guani ki pendi paipai.

Esayi 55:7

O nibiado n ŋaa o tagibiadu, Fanma miali mo n ŋaa o yantiabiadili, Ki lebidi ki guani o Diedo kani. Wani yua n baa gbadi o po mi ninñima Leni ti Tienu yua n puuni sugili Leni ti bulicindi kaa cedi yeni kani.

Jeremi 31:34

Oba kan go bangi oyua. Oba kan go yedi o kpiilo: ‹Bandi mani o Diedo!› Bikuli baa yaa bani nni, ki cili yua n wa bi siiga, ki ban taani o nikpelo. Mini o Diedo n yedi yeni. N baa tieni sugili bi tagili po. N kan go tiadi bi tuonbiadi po.»

Luki 15:24

N bijua na den kpe ki guani ki faadi, o den yaadi ke n guani ki laa o.› Bi den cili ki mangidi bi pala.

Luki 15:32

Li pundi tin je ki go mangi ti pala, kelima a waalo na den kpe ki go faadi, o den yaadi ke ti guani ki laa o.› »

Luki 9:60

Jesu den yedi o: «Cedi bi tinkpiba n piini bi tinkpiba, ama fini, gedi ki ban yaa wangi U Tienu diema maama.»

Jan n diani U Tienu Laabaaliŋamo maama 5:21

Nani Baa n yen fiini bi tinkpiba ki teni ban guani ki yaa fo maama, yeni moko Bijua puuni li miali wan bua yuakuli.

Jan n diani U Tienu Laabaaliŋamo maama 6:63

U Tienu Fuoma Yua n puuni li miali, ti gbanandi ki pia fuoma. Min maadi yi yaa maama tie mi Fuoma yaa maama leni li miali yaa maama.

LOMA YAABA 4:17

«N teni ke a tua nibuoli boncianla baa.» U Tienu, Abalahama n den daani yua yeni, nua wani Abalahama yua n tie tikuli baa, wani U Tienu yua n teni ke bi tinkpiba go ye ki fo, ki go teni ke yaa bonla n ki ye n tua yaala n ye.

LOMA YAABA 6:13

Yin da go teni ti tuonbiadi n diedi yi gbananbuoli, ki teni tin tua mi biadima jatiadi. Ama yin teni yi yula U Tienu, nani yaaba n fii bi tinkpiba siiga, ki go ye ki fo yeni. Yin yaa puuni yi gbanandi U Tienu ki teni tin tua mi teginma jatiadi.

LOMA YAABA 8:11

Lanwani, U Tienu yua n den fiini Jesu bi tinkpiba siiga yaa Fuoma yaa ye yi pala nni, wani yua n den fiini Jesu Kilisiti bi tinkpiba siiga yeni, go baa pa yi gbanandi, yaadi n baa kpe, li miali, kelima o Fuoma yaama n ye yi niinni yaa po.

1 Korenti 15:36

Fini o yanpiidaano, ŋan buli yaala yàá kpe, li kan pudi.

1 Korenti 15:45

Li tie yeni ke li diani ki yedi: O nikpialo Adama den tua yaa miali n fo. Ama Adama juodika tie yaa Fuoma n puuni li miali.

2 Korenti 3:6

Wani n teni ke ti dagidi ki tua o Ŋantaadipaano tuonsoanba ke laa ŋua leni ban den diani yaa bali maama, ama ke li ŋua leni U Tienu Fuoma. Ban den diani yaa bali maama kpendinni mi kuuma, ama mi Fuoma puuni li miali.

2 Korenti 5:19

U Tienu den ye Kilisiti nni, ki teni ke ŋanduna n guani ki mangi leni o, kaa coadi bi po bi tuonbiadi. O den puogi ti tin yaa wangi ke bi niba n guani ki mangi leni o.

Efesa 2:1

Yogunuba, yi den tie tinkpiba kelima yi tagili leni yi tuonbiadi po.

Efesa 2:11

Yin tiadi mani line, bi den mali yi ke yi tie nilanba. Ban yi yaaba a junga, kelima bi niba n tieni yaala bi gbanandi nni, den teni ke bi yi yi a jifola.

Efesa 5:14

Lani yaa po yo, ke li yedi: «Ŋan fundi, fini yua n goa, Ki fii bi tinkpiba siiga, Ke Kilisiti baa yendi a po.»

Kolosi 2:12

Nani ban den taani ki piini yi leni Kilisiti kelima mi batisima po yeni, yi go fii bi tinkpiba siiga o yaa niinni, ki taani leni o, kelima li dandanli U Tienu yua n den fiini o bi tinkpiba siiga paalu po.

1 Timote 5:6

Yaa kpepuoli n puni o yuli ŋanduna jeligu po kpe, ba ke o da fo.

1 Timote 6:13

N teni a li ñoamabonli U Tienu yua n puni yaala n fo kuli li miali yaa nintuali leni Jesu Kilisiti nintuali, wani yua n den tieni o siediŋamo Ponsi Pilati nintuali,

Hebilunba 6:1

Lanwani, tin cedi Kilisiti maama bangicilikaama, ki suagi ki pundi yaa bangima n tie yaaba n kpedi ki dagidi yaa po. Tin da go puu yaa tanpuupanli n tie: Ki lebidi ki ŋaa yaa tuona n baa cuani mi kuuma leni li dandanli U Tienu po,

Hebilunba 9:14

Lanwani li yaa tie yeni, laa pia kuli tama, ke Kilisiti yaa soama n baa ŋanbi ba ki cie. U Tienu Fuoma yaama n ye yaa yogunu kuli paalu po, wani Kilisiti den puni o yuli U Tienu, nani yaa padili n ki pia joagindi yeni. O soama yeni baa ŋuudi ki ŋanbi ti pala siedi leni yaa tuona n baa cuani mi kuuma, ke tin yaa tuuni U Tienu yua n ye ki fo po.

Jaki 2:17

Li tie yeni leni li dandanli: li yàá pia a tuona, li kpe.

Jaki 2:20

Fini o yanluodaano na, naani a bua ki bandi ke yaa dandanli n ki pia a tuona tie fanma?

Jaki 2:26

Lanwani, nani yaa gbanandi n ki pia naano n kpe maama, yaa dandanli n ki pia tuona moko kpe yene.

1 Jan 2:12

N bibuadimu, n diani yi po kelima yi baa yi tuonbiadi sugili, kelima Jesu yeli po.