Kolosi 2:11 - U TIENU MAAMA TILI 2013

¹¹ O yaa niinne, ke yi kua yaa koanciagu n naa tie o nisaalo nuu n tieni yaala, ama Kilisiti n tieni yaala. Lani n tie ke yi landi ti nisaali-gbanandi tagibiadu.

Gourmanchéma Bible

¹¹ O yaa niinne, ke yi kua yaa koanciagu n naa tie o nisaalo nuu n tieni yaala, gu tie Kilisiti n tieni yaala, lani n tie ke yi landi ti nisaali-gbanandi tagibiadu.

Kolosi 2:11 ပူးပေါင်းရင်းမြစ်များ

Jeremi 4:4

Kua mani ku koanciagu o Diedo po. Yinba Juda leni Jerusalemi yaaba, Lebidi mani yi pala. Lani n tie n pali n da be, Ki cuo nani u mu yeni, Ki cuo yaa cuoma ke bi kan fidi ki gbindi u, Kelima yi tuadibiada n gundi maama po.

Marki 14:58

«Ti den gbadi ke o yedi: ‹N baa mudi U Tienu diegu na, o nisaalo nuu n maa yaagu, ki go maa toagu danataa siiga, nisaalo nuu n kaa maa yaagu.› »

Luki 2:21

Ki canpandiga yeni madi daniili n den pundi, bi den kuani o ku koanciagu, ki cili o yeli Jesu, maleki n den waani ba yaa yeli hali ke o naa daa punbi o.

Jesu Tondiba Tuona 17:24

U Tienu yua n den tagi tanpoli, ŋanduna leni yaala n ye lienni kuli, wani yua n die tanpoli po leni ki tinga nni kuli, o yekaanu naa tie bi nisaaliba n maa yaa jaandiena ka.

Jesu Tondiba Tuona 7:48

Leni lani kuli tanpolijoma Tienu naa ye bi nisaaliba n maa yaa dieli nni nani o saawalipualo n yedi maama:

LOMA YAABA 2:29

Yua n tie Jufi moamoani, tie yua n tie yeni hali o pali tugu nne. Ku koanciagu moko ŋua U Tienu Fuoma n tieni yaala o nilo pali nni, ke laa ŋua li bali maama. Yua n tie Jufi moamoani naa baadi ti pagidi bi niba kani ka, ama U Tienu kani.

LOMA YAABA 6:6

Ti bani ke bi den joani ti tagikpelu leni Kilisiti li dapoanpoanli po ke u kpe. Ti gbanankpiadi, ti tuonbiadi n die yaadi, kan go fidi liba. Lani n tie tin da go ye ti tuonbiadi yonbidi nni.

LOMA YAABA 7:24

Fala baa nni! Ŋme nan baa faabi nni leni n gbanandi yaadi n caani nni mi kuuma nni?

2 Korenti 5:1

Ti bani ke ti gbanandi yaadi n tie nani li gbandieli, tin ye yaali yaa niinni li ŋandunli nni baa bodi. Li yaa bodi, ti pia li dieli tanpoli po, nisaalo n ki maa yaali. Li tie U Tienu n maa yaali, ke li baa yaa ye hali yaa yogunu kuli.

2 Korenti 5:17

O nilo yaa ye Kilisiti nni, o tie tagipanma, li bonkpelila pendi, li bonla kuli tua bonpanla.

Galati 2:20

Lanwani, laa go tie mini yua n ye ki fo, li tie Kilisiti yua n ye ki fo n niinni. Min pia yaa miali n gbanandi nni moala, n pia li kelima n dugi wani U Tienu Bijua po, wani yua n den bua nni ki puni o yuli ki kpe n po.

Galati 5:24

Yaaba n tie Kilisiti yaaba joani ti gbanandi, ti yantiali leni ti bonbuakaala li dapoanpoanli po.

Efesa 4:22

Lani n tie ke yin da go tie nani yin den kpa tie maama. Ama yi siiga yuakuli n landi o tagikpelu nani li liadili yeni, o yanbuabiadima boandi n den biidi yuu.

Mi Tiadima 10:16

Lebidi mani yi pala, ki da go tie tupaali danba.

Mi Tiadima 30:6

O Diedo yi Tienu baa kuani yinba leni yi puoliŋuani pala ku koanciagu, ke yin bua o Diedo yi Tienu leni yi pala kuli leni yi yama kuli, lani n tie yin fidi ki yaa ye.

Filipi 3:3

Tinba n tie a jungimoana, yaaba n kpiagidi U Tienu kelima o Fuoma po, ki jigini ti yula Jesu Kilisiti nni, ki naa bili ti dugidi ti gbanandi nni.

Kolosi 3:5

Lanwani, yin kpa mani ŋanduna bonbuaka-biadila, yaala n die yi gbananbuoli, mi conconma, ti cagindi buoli kuli, ti gbanandi bonbuaka-biadila, yaala n joagini yaa buama kuli leni mi ŋalimanbuama, yaala n tie nani i buli ŋoadima yeni.

Hebilunba 9:11

Ama Kilisiti den cua ki tie kopadicianba bado yaa bonŋanla n baa cua po. O kua yaa gbandieli n yabi ki go ŋani ki cie niinni, bi nisaaliba n ki den tii yaala, ki naa tie mi naa tagima nni yaala mo.

Hebilunba 9:24

Kilisiti ki den kua bi nisaaliba n tii yaa kaangagidiŋamu, yuu n tie u bonmoanu nannanli niinni ka. O den kua hali tanpoli, ki ye U Tienu kani moala, ki miadi o ti po.