Kolosi 1:5 - U TIENU MAAMA TILI 2013

⁵ Yi baa la kelima U Tienu n bili yi po yaa suginma tanpoli po, i moamoani maama, yaama n tie o Laabaaliŋamo n den kpa cua yi kani, ki bangi yi yaama.

Gourmanchéma Bible

⁵ Yi baa la kelima U Tienu n bili yipo yaa suginma tanpoli po, i moamoani maama, yaama n tie o Laabaaliŋamo n den kpa cua yikani, ki bangi yi yaama.

Kolosi 1:5 ပူးပေါင်းရင်းမြစ်များ

Pisomi 31:19

Teni yaa ñoana n pua mi faama Yeni kuli n muu. Ŋani ya n maadi leni ti japaadi Ki sugidi o niteginka ki go fali o yeni.

Luki 12:33

Kuadi mani yin pia yaala, ki pa a luoda yin baa yaa ligi. Ŋanbi mani yi yula po tanpoli po yaa ligiboaga n kan biidi leni yaa ŋalimani n ki pia gbenma, a suuda n kan nagini naankani, ti lulugidi mo n kan lugi ki bolini naankani.

Jesu Tondiba Tuona 10:36

U Tienu den soani u tondu Isidayeli yaaba po, ki waani ba mi yanduanma Laabaaliŋamo, kelima Jesu Kilisiti yaa po. Wani n tie bi niba kuli Diedo.

Jesu Tondiba Tuona 13:26

N kpiiba, yinba Abalahama puoliŋuani leni yi siiga yaa nilanba n ŋoadi U Tienu ki fangi o kuli, li tie tinba yaa po yo, ke U Tienu soani o tondu, yuu n tie o tindima maama.

Jesu Tondiba Tuona 23:6

Poli den bandi ke bi cancantieba taancianli yeni siiga bine tie Sadusieninba, bine mo Farisieninba. Lane ke o den kpaani li taanli yeni niinni ki yedi: «N kpiiba, n tie Farisieni, n yaajanba mo den tie Farisieninba. Bi cuo nni ki baa bu n buudi kelima n daani ke bi tinkpiba baa fii.»

Jesu Tondiba Tuona 24:15

N daani nani bani yaaba n ye ne n daani maama, ke bi tinkpiba fiima ye, yaaba n tiegi leni yaaba n ki tiegi kuli po.

LOMA YAABA 10:8

Lanwani, bi yedi lede? Bi yedi yaala n tie ne: «U Tienu maama ye ki kuu leni yi bonŋanla, ki ye yi ñoana nni leni yi pala nni. Mani n tie li dandanli yaa maama, tin wangi yi yaama.»

1 Korenti 13:13

Moala, bonlitaa n ye ki kan pendi, Lani n tie li dandanli, Mi suginma leni mi buama. Likuli siiga yaala n cie tie mi buama.

1 Korenti 15:19

Li yaa tie ke ti dugidi Kilisiti po tie o naa jamaano bebe po, ti yema pia mi ninñima ki cie bi niba kuli.

2 Korenti 5:19

U Tienu den ye Kilisiti nni, ki teni ke ŋanduna n guani ki mangi leni o, kaa coadi bi po bi tuonbiadi. O den puogi ti tin yaa wangi ke bi niba n guani ki mangi leni o.

2 Korenti 6:7

Ti moandi ki pia laa siediŋamo, kelima i moamoani maama po, U Tienu paalu po, mi teginma toatiadi, tin moa leni yaadi leni tin gaani ti yula leni yaadi kuli po.

Galati 2:14

Min den laa ke baa ŋua o Laabaaliŋamo yaa moamoani n bili maama, n den yedi Pieli bikuli nintuali: «Fini yua n tie Jufi yaa tiendi nani bi nilanba n tiendi maama, ki naa ŋua Jufinba n tiendi maama, a baa fidi ki tieni bi nilanba u paalu lede ban yaa ŋua Jufinba n tiendi maama?»

Galati 2:5

Tii den tuo ki puni ba u sanu ba waamu, kelima ti bua ke o Laabaaliŋamo yaa moamoani n yaa ye yi siiga ki da lebidi.

Galati 5:5

Ama tinba, li tie li dandanli leni U Tienu Fuoma paalu po yo ke ti guu ki daani ke ti baa li moamoansaali.

Efesa 1:13

Yimoko n den gbadi i moamoani maama, lani n tie o Laabaaliŋamo yua n cuani yi po mi tindima, yi den tuo ki daani Kilisiti. O yaa niinni, U Tienu den tieni yi po mi maalima, lani n tie U Tienu Fuoma Yua, wan den niani u ñoanianu ke o baa pa yi yua.

Efesa 4:21

Yi den gbadi o maama, bi den bangi yinba yaaba n daani yaa moamoani n ye wani Jesu nni.

Kolosi 1:23

Li baa yaa tie yeni ke yin yaa se bonŋanla yaa tanpuuli n pa po, kelima yi dandanli po, ki naa lebidi ki ŋaa o Laabaaliŋamo suginma, yin den baa yaadi. Bi waani ŋanduna yaaba kuli o Laabaaliŋamo yeni, mini Poli mo n tua yua yaa naacemo.

Kolosi 1:27

O bua ki teni o nigagidiŋanba n yaa bani o bondoaginkaala, yaala n tie ŋalimani, ki pia ti kpiagidi, ki ye i nibuoli kuli po. Laa bondoaginkaala tie line, Kilisiti ye yi niinni, ki teni ke yi pia ti dugidi, ke yin taani ki baa U Tienu kpiagidi.

Kolosi 3:16

Kilisiti maama leni man pia yaa ŋalimano kuli, n gbie yi pala nni. Yaa bangi mani ki go tundi yiyaba leni mi yanfuoma. Yaa yiini mani Pisomi, U Tienu yani leni yaa yani n doagidi mi Fuoma n bangi yi yaala, ki yiini ki pagi U Tienu leni i tuondi yi pala nni.

1 Tesaloniki 2:13

Li tie lani yaa po ke yogunu kuli ti go tuondi U Tienu kelima yin den gaa tin den wangi yi U Tienu maama yaama. Yii den gaa ma nani mi tie bi nisaaliba maama ka. Ama yi den gaa ma nani man tie maama i moamoani. Lani n tie U Tienu maama yaama n tuuni yinba yaaba n tuo ki daani siiga.

2 Tesaloniki 2:16

Ti Diedo Jesu Kilisiti wani o ba leni ti Baa U Tienu yua n den bua ti, ki puni ti kelima o ŋanbili po yaa baagi n ki pia gbenma leni yaa suginma n ŋani,

1 Timote 1:15

Yaa maama n tie ne tie mi madugikaama, ki pundi bi niba n gaa ma cain, ke Jesu Kilisiti den cua ŋanduna nni ki baa tindi ti tuonbiadi danba. Bi siiga nni mini n cie.

2 Timote 4:8

Ba moala bi bili n po mi teginma badifogiliga, o Diedo yua n tie o bujiateginka n baa pa nni yaaga o guacuama daali. O kan pa mini nbebe ka, ama yaaba n den bua o guacuama kuli.

Titi 1:2

Lani n tie ban baa yaa dugidi n baa pa ya miali n kan gbeni, U Tienu yua n kan pua faama n den niani yaa miali, hali ke ŋanduna daa ye.

Hebilunba 7:19

Li bali maama yeni ki den fidi ki ŋanbi liba kuli ke li dagidi cain. Ama U Tienu den yuandi ki cuani ti po yaa suginma n ŋani ki cie, tin baa yaa nagidi U Tienu, kelima yaama yaa po.

1 Pieri 2:2

Nani a canpanda n bua mi biima maama, yimo n yaa bua yaa naaŋanma n tie U Tienu maama yeni. Laa maama ŋani cain, ki baa teni yin kpedi mi tindima nni, kelima mi yaa po,

1 Pieri 3:15

Yin yaa jigindi mani Kilisiti yi pala nni, wani yua n tie o Diedo. Yin bogini mani ke yogunu kuli bi yaa buali yi yin pia yaa suginma, yin fidi ki doagidi ki waani ba.

2 Pieri 1:12

Li tie lani yaa po ke n baa yaa tiadi yi laa bonla yogunu kuli, ba ke yi bani la, ki go se ke li pa yin baa yaa moamoani nni.

1 Jan 3:3

Yua n pia laa dugidi kuli baa yaa ŋanbidi o yuli, nani wani o Diedo n ŋani maama yeni.