Kolosi 1:4 - U TIENU MAAMA TILI 2013

⁴ kelima tin gbadi ke yi pia yaa dandanli Jesu Kilisiti po leni yaa buama bi nigagidiŋanba kuli po.

Gourmanchéma Bible

⁴ Kelima tin gbadi ke yi pia yaa *dandanli Jesu Kilisiti po leni yaa buama bi nigagidiŋanba kuli po.

Kolosi 1:4 ပူးပေါင်းရင်းမြစ်များ

2 Korenti 7:7

Laa tie ke o cuama bebe ka den baagi ti, ama wan den baa yi kani yaa baagi den baagi ti. O den togidi ti, yin bua ki guani ki le nni maama leni yi pabiidili leni yi yankuali n po n yabi maama, ki go teni ke lani kuli mangi n pali ki pugini.

Galati 3:26

Kelima yikuli tua U Tienu bijaba kelima li dandanli Jesu Kilisiti nni yaa po.

Galati 3:28

Mi gagidima naa go ye Jufinba leni bi nilanba siiga, i yonbi leni yaaba n die bi yula siiga, bi jaba leni bi puoba siiga, kelima yikuli tie yenma Jesu Kilisiti nni.

Galati 5:6

Jesu Kilisiti nni, ki kua ku koanciagu, bi ki da kua ka pia mayuli, kali li dandanli yaali n doagidi mi buama nni.

Efesa 1:15

Li tie lani yaa po ke min den gbadi yi dandanli o Diedo Jesu po maama leni yi buama bi nigagidiŋanba kuli po,

Efesa 6:18

Mi Fuoma n teni yin yaa jaandi yogunu kuli, ki yaa miadi U Tienu yogunu kuli bu miabu buoli kuli. Yaa miadi mani U Tienu o nigagidiŋanba kuli po ki da yoaligi, ki da cedi.

Kolosi 1:9

Li tie lani yaa po ke hali tin gbadi lani kuli yaa daali, ti jaandi yi po U Tienu kaa cedi, ki miadi o wan gbieni yi pala leni yaa yanfuoma leni yaa fanu n ñani wani U Tienu kani, ke yin bandi o yanbuama.

1 Tesaloniki 1:3

Ti tiani yogunu kuli ti Baa U Tienu kani yi dandanli leni yi buama ti Diedo Jesu Kilisiti po, n teni ke yi tuuni maama leni yi suginma n se bonŋanla maama.

1 Tesaloniki 3:6

Moala Timote n ñani yi kani ki kpeni, ki puni ti yaa laabaalo n mani. O waani yi dandanli leni yi buama n tie maama. O waani ti ke yi tiani ti po yogunu kuli leni li pamanli, ki go bua ki le ti, nani timo n bua ki le yi maama.

2 Tesaloniki 1:3

Ti kpiiba, li pundi tin yaa tuondi U Tienu, kelima yi po yogunu kuli. Li dagidi tin yaa tiendi yeni, kelima yi dandanli yabidi ki pugidi boncianla, yi buama yiyaba po mo yabidi ki pugidi.

Filemon 1:5

kelima bi wangi nni ŋan pia yaa dandanli o Diedo Jesu po leni ŋan pia yaa buama bi nigagidiŋanba po.

Hebilunba 6:10

U Tienu tiegi. O kan sundi yin den tieni yaala ki doagidi yi buama o po leni yin den todi bi nigagidiŋanba ki go baa ki todi ba maama.

1 Jan 3:14

Ti bani ke ti ñani mi kuuma nni ki kua li miali nni kelima ti bua ti kpiiba. Yua n ki pia mi buama da ye mi kuuma nni.

1 Jan 3:23

O bali maama n tie mine: Tin yaa daani o Bijua Jesu Kilisiti, ki yaa bua tiyaba nani wan bili ti po yaa bali maama n yedi maama.

1 Jan 4:16

Tinba, ti bani U Tienu n pia ti po yaa buama, ki dugi mi po. U Tienu tie buama. Yua n ye mi buama nni ye U Tienu niinni, U Tienu mo ye o niinni.