Kolosi 1:13 - U TIENU MAAMA TILI 2013

¹³ O faabi ti ki ñani ti li biigili paalu nni, ki kuani ti o Bibuadiga diema nni.

Gourmanchéma Bible

¹³ O faabi ti ki ñani ti li *biigili paaciamu nni ki kuani ti o *Bijabuadiga yaa diema nni.

Kolosi 1:13 ပူးပေါင်းရင်းမြစ်များ

Jesu Tondiba Tuona 26:18

N soani a bi kani ke ŋan ŋubidi bi nuni, ki ñani ba li biigili nni ban kua mi yenma nni, ki ñani ba Sutaani paalu nni, ban cua U Tienu kani. Lani, ban baa bi tuonbiadi sugili, ki baa bi u kaanu U Tienu gagidi ki ŋanbi yaaba kelima li dandanli po siiga.›

Efesa 5:8

Yi den kpa tie li biigili yaaba, ama moala yi tie mi yenma yaaba o Diedo nni. Yi tagi n yaa tie nani mi yenma yaaba yeni.

1 Pieri 2:9

Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.

Efesa 6:12

Tii koani leni yaa yibalinba n pia ti gbanandi leni mi soama ka. Ama ti koani leni li bali danba, i paaciami danba leni yaaba n die li biigili ŋandunli, ki tie yaa cicibiadimu n ye mi fawaama nni.

1 Tesaloniki 2:12

Ti den tundi yi, ki paagidi yi pala, ki go tigini yi ke yin yaa cuoni maama n dagidi U Tienu po, wani yua n yini yi ke yin yaa taa leni o o diema nni leni o kpiagidi nni kuli.

Efesa 4:18

Bi yama biigi. Bi tie canba U Tienu miali po, kelima bi yanboanma leni bi pajuagili yaa po.

LOMA YAABA 14:17

U Tienu diema naa tie mi jiema leni li bonñokaala bebe ka. Ama, mi teginma, mi yanduanma leni li pamanli, U Tienu Fuoma Yua n teni ke ti pia yaala.

1 Jan 3:14

Ti bani ke ti ñani mi kuuma nni ki kua li miali nni kelima ti bua ti kpiiba. Yua n ki pia mi buama da ye mi kuuma nni.

2 Korenti 4:4

bani yaaba n kaa daani po. Sutaani, yua n die ŋanduna na, juani bi yantiana, ke ban da le Kilisiti yua n tie U Tienu nannanli yaa Laabaaliŋamo kpiagidi yendima.

1 Jan 3:8

Yua n tiendi ti tuonbiadi tie Sutaani yua, kelima wani Sutaani den tiendi ti tuonbiadi hali mi cilima ki pundi hali moala. U Tienu Bijua den cua ki doagidi o yuli, ki baa bolini Sutaani tuona.

Jan n diani U Tienu Laabaaliŋamo maama 5:24

N yedi yi i moamoani, yua n cengi n maama, ki daani yua n soani nni, pia yaa miali n kan gbeni. O kan cua ti buudi po, ama o ñani mi kuuma nni ki kua li miali nni.

1 Jan 2:8

Ba yeni, n diani yi po li bali mapanma, yaama n doagidi Kilisiti niinni leni yi yaa niinni, kelima li biigili pendi, ke mi yenmoanma mo yendi.

2 Pieri 1:11

Yeni, yi baa baa ki kua U Tienu n luodi ki yaani yi po ti Diedo leni ti Candaano Jesu Kilisiti diema, yaama n kan pendi abada yaa niinni.

Luki 13:24

«Moandi mani ki kua yaa buliñoabu n miabi kani, kelima n tuodi ki waani yi ke bi niba boncianla baa ti yaa moa ki kua likani, ki nan kan fidi.

Esayi 42:1

Diidi n naacemo, Min kubi yua ke o se bonŋanla, Min gandi yua, N pali n mani yua yaa po. N kuani n Fuoma o niinni, O baa yaa wangi i nibuoli mi teginma.

Hebilunba 2:14

A bila n tie nisaaliba ki pia ti gbanandi leni mi soama yeni, Jesu moko den tua nisaalo, ki pia ti gbanandi leni mi soama. O den tua yeni ki kpe, ke o kuuma n bolini Sutaani paalu, wani yua n pia mi kuuma paalu.

Jan n diani U Tienu Laabaaliŋamo maama 17:24

Baa, ŋan puni nni yaaba yeni, min baa yaa ye naankani, n bua bani moko n yaa ye lankane. Lani n tie ban yaa nua n kpiagidi, ŋan puni nni yaadi, kelima a den bua nni hali ke ŋanduna daa tagi.

Luki 22:53

Min den ye leni yi daali kuli U Tienu diegu nni, yii den cuo nni, ama moala yi yogunu pundi, ke li biigili paalu mo diedi.»

Matie 3:17

Lanyogunu u nialu den maadi tanpoli po ki yedi: «One n tie n Bibuadiga, n pali n mani yua yaa po hali boncianla.»

Matie 25:34

Lani, o bado baa yedi yaaba n ye o jienu: ‹Cua mani na, yinba n Baa n seligi yaaba! Gaa mani wan den ŋanbi yi po yaa diema hali ŋanduna cilima!

Sakari 9:9

Mangi mani yi pala, Yinba Siyon dogu yaaba! Kpaani mani i pamandankpaani, Yinba Jerusalemi yaaba! Diidi mani, yi bado kpendi yi kani! O tiegi, ki paadi li bonla kuli mo! O dingi, ki jagi o ŋunbo! O jagi ŋunbiga, ŋunñua biga!

Esayi 53:12

Li tie lani yaa po ke n baa teni Wan kali ti kpiagiciandi danba siiga, O baa taani leni bi paatieba Ki boagidi ti fagidi. Wan den puni o miali ki kpe yeni, Bi den coadi ki taani o leni i tagili danba, Kelima o den tugi niba boncianla tuonbiadi, Ki baa i tagili danba po ti candandi.

Efesa 1:6

Lanwani, tin yaa pagi o ŋanbili yaali n pia ti kpiagidi, wan puni ti yaali kelima o Bibuadiga po.

Matie 17:5

Wan den maadi yeni yaa yogunu, yaa tawaligu n yieni den libini ba. U nialu den maadi ku tawaligu yeni niinni ki yedi: «One n tie n Bibuadiga, n pali n mani yua yaa po hali boncianla. Cengi mani o.»

Jan n diani U Tienu Laabaaliŋamo maama 3:35

Baa U Tienu bua o Bijua, ki dini o li bonla kuli bali ke o die.

Esayi 60:2

Diidi, li biigili ŋoagini ki tinga, Li biigicianli mo baa i nibuoli po, Ama o Diedo cua a kani, O kpiagidi mo doagidi a po.

2 Korenti 11:14

Ban tiendi yaala yeni naa pia pakili, kelima Sutaani oba moandi ki naani leni mi yenma maleki.

Efesa 5:5

Yin bandi ke ba niyendo yua n tie mi conconma daano, yua n tiendi ti joagindi leni o ŋaliŋabualo yaala n tie o po nani i buli ŋoadima, kan baa U Tienu leni Kilisiti diema ŋalimano.